ದಕ್ಷಿಣ ಭಾರತದ ಶೈಲಿಯಲ್ಲಿ ರಾಹುಲ್-ಅಥಿಯಾ ಮದುವೆ
ಪಿಂಕ್ವಿಲ್ಲಾ ವರದಿ ಪ್ರಕಾರ ಬಾಲಿವುಡ್ ನಟಿ ಅಥಿಯಾ ಹಾಗೂ ಇನ್ಫಾರ್ಮ್ ಕ್ರಿಕೆಟರ್ ಕೆ.ಎಲ್ ರಾಹುಲ್ ಇದೇ ವರ್ಷದಲ್ಲಿ ದಕ್ಷಿಣ ಭಾರತದ ಶೈಲಿಯಲ್ಲಿ ಮದುವೆ ಆಗಲಿದ್ದಾರೆ. ಸುನಿಲ್ ಶೆಟ್ಟಿ ಕುಟುಂಬಕ್ಕೆ ಹತ್ತಿರದ ವ್ಯಕ್ತಿಯೊಬ್ಬರ ಮಾಹಿತಿಯಂತೆ ಈಗಾಗಲೇ ಎರಡೂ ಕುಟುಂಬಗಳು ಮದುವೆಗೆ ತಯಾರಿ ನಡೆಸಿವೆಯಂತೆ.
ಎರಡೂ ಕುಟುಂಬಗಳು ಪರಸ್ಪರ ಚೆನ್ನಾಗಿ ತಿಳಿದಿದ್ದು, ಮದುವೆ ಕುರಿತು ಮಾತುಕತೆ ನಡೆಸಿವೆ ಎಂದು ವರದಿಯಾಗಿದೆ. ಎಲ್ಲವೂ ಅಂದುಕೊಂಡಂತೆ ಆದ್ರೆ 2022ರ ವರ್ಷ ಕೊನೆಗೊಳ್ಳುವ ಮೊದಲೇ ಕೆ.ಎಲ್ ರಾಹುಲ್ -ಅಥಿಯಾ ಶೆಟ್ಟಿ ಮದುವೆ ನಡೆಯಲಿದೆ.
ಆರ್ಸಿಬಿ ಮ್ಯಾಚ್ನಲ್ಲಿ ಅಧೀರ..! ಗೆಲುವು ತಂದುಕೊಟ್ಟ ಫಾಫ್, ಹೇಜಲ್ವುಡ್
ಮಂಗಳೂರು ಮೂಲದ ಸುನಿಲ್ ಶೆಟ್ಟಿಗೆ, ಮಂಗಳೂರಿನದ್ದೇ ಅಳಿಯ
ಬಾಲಿವುಡ್ನ ಖ್ಯಾತ ನಟ ಸುನಿಲ್ ಶೆಟ್ಟಿ ಮೂಲತಃ ಮಂಗಳೂರಿನವರು. ತುಳು ಮಾತನಾಡುವ ಈ ಫ್ಯಾಮಿಲಿಯು ಮುಲ್ಕಿಯವರು. ಹೀಗಿರುವಾಗಿ ದಕ್ಷಿಣ ಭಾರತದ ಅದ್ರಲ್ಲೂ ತಮ್ಮ ಮಂಗಳೂರಿನ ಅಳಿಯನೇ ಸಿಗುತ್ತಿರುವುದು ಅವರಿಗೆ ಮತ್ತಷ್ಟು ಖುಷಿ ತಂದಿದೆ. ಕೆ.ಎಲ್ ರಾಹುಲ್ ಕೂಡ ಮಂಗಳೂರಿನಲ್ಲಿ ಬೆಳೆದು, ಬೆಂಗಳೂರಿನಲ್ಲಿ ಸೆಟಲ್ ಆಗಿದ್ದು, ಒಂದೇ ಊರಿನವರಾಗಿದ್ದಾರೆ.
ಹರ್ಷಲ್, ಹಸರಂಗ ಅಲ್ಲ: ಆರ್ಸಿಬಿಗೆ ಟ್ರೋಫಿ ಗೆಲ್ಲಿಸಬಲ್ಲ ಬೌಲರ್ ಈತ ಎಂದು ಕೊಂಡಾಡಿದ ಕೈಫ್
ನಿನ್ನೊಂದಿಗೆ ಎಲ್ಲಾ ಕಡೆಯಲ್ಲೂ ಇರುತ್ತೇನೆ ಎಂದಿದ್ದ ಅಥಿಯಾ
ಇತ್ತೀಚೆಗಷ್ಟೇ ಕೆ.ಎಲ್ ರಾಹುಲ್ 30ನೇ ವಸಂತಕ್ಕೆ ಕಾಲಿಟ್ಟಿದರು. ಪ್ರೇಯಸಿ ಅಥಿಯಾ ಶೆಟ್ಟಿ ಕೂಡ ಕೆ.ಎಲ್ ರಾಹುಲ್ಗೆ ಬರ್ತ್ಡೇಗೆ ಶುಭ ಕೋರಿದ್ದು, ನಿನ್ನೊಂದಿಗೆ ಎಲ್ಲಾ ಕಡೆಯಲ್ಲೂ ಇರುತ್ತೇನೆ, ಹ್ಯಾಪಿ ಬರ್ತ್ಡೇ ಎಂದು ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಮಾಡಿದ್ದರು. ಇದಕ್ಕೆ ಉತ್ತರಿಸಿರುವ ಕೆ.ಎಲ್ ರಾಹುಲ್ ''ಲವ್ ಯೂ'' ಎಂದು ಬ್ಲಾಕ್ ಹಾರ್ಟ್ ಎಮೊಜಿಯನ್ನ ಸಹ ಪೋಸ್ಟ್ ಮಾಡಿದ್ದಾರೆ.
ಬಾಲಿವುಡ್ ಖ್ಯಾತ ನಟ ಸುನಿಲ್ ಶೆಟ್ಟಿ ಪುತ್ರಿ ಆಥಿಯಾ ಶೆಟ್ಟಿಯೊಂದಿಗೆ ಬಹುಕಾಲದಿಂದ ಪ್ರೀತಿಯಲ್ಲಿರುವ ರಾಹುಲ್ ಇತ್ತೀಚಿನ ದಿನಗಳಲ್ಲಿ ಮುಕ್ತವಾಗಿಯೇ ಅತಿಯಾ ಶೆಟ್ಟಿ ಮತ್ತು ತನ್ನ ನಡುವೆ ಪ್ರೀತಿ ಇದೆ ಎಂಬ ವಿಷಯವನ್ನು ಭಿನ್ನ ವಿಭಿನ್ನ ಫೋಟೋಗಳನ್ನು ಹಂಚಿಕೊಳ್ಳುವುದರ ಮೂಲಕ ವ್ಯಕ್ತಪಡಿಸುತ್ತಿದ್ದಾರೆ. ಆಥಿಯಾ ಶೆಟ್ಟಿ ಕೂಡ ರಾಹುಲ್ ಜೊತೆಗಿನ ಫೋಟೋಗಳನ್ನ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳುತ್ತಿರುತ್ತಾರೆ.