ಆವೃತ್ತಿಯೊಂದರಲ್ಲಿ ವೇಗಿಗಳಿಗೆ ಅತಿ ಹೆಚ್ಚು ರನ್ ಬಾರಿಸಿದ ಟಾಪ್ 5 ಆಟಗಾರರ ಪಟ್ಟಿ
ಇಂಡಿಯನ್ ಪ್ರೀಮಿಯರ್ ಲೀಗ್ ಆವೃತ್ತಿಯೊಂದರಲ್ಲಿ ವೇಗಿಗಳ ಬೌಲಿಂಗ್ಗೆ ಅತಿ ಹೆಚ್ಚು ರನ್ ಬಾರಿಸಿದ 5 ಆಟಗಾರರ ಪಟ್ಟಿ ಕೆಳಕಂಡಂತಿದೆ
ಜೋಸ್ ಬಟ್ಲರ್: 2022ರ ಐಪಿಎಲ್ ಆವೃತ್ತಿಯಲ್ಲಿ 17 ಪಂದ್ಯಗಳನ್ನಾಡಿದ ಜೋಸ್ ಬಟ್ಲರ್ ವೇಗಿಗಳ ವಿರುದ್ಧ 620 ರನ್ ಬಾರಿಸಿ ಆವೃತ್ತಿಯೊಂದರಲ್ಲಿ ವೇಗಿಗಳ ಬೌಲಿಂಗ್ಗೆ ಅತಿ ಹೆಚ್ಚು ರನ್ ಬಾರಿಸಿದ ಆಟಗಾರ ಎನಿಸಿಕೊಂಡಿದ್ದಾರೆ.
ವಿರಾಟ್ ಕೊಹ್ಲಿ: 2016ರ ಐಪಿಎಲ್ ಟೂರ್ನಿಯಲ್ಲಿ 16 ಪಂದ್ಯಗಳನ್ನಾಡಿದ್ದ ಕೊಹ್ಲಿ ಆ ಆವೃತ್ತಿಯಲ್ಲಿ ವೇಗಿಗಳ ವಿರುದ್ಧ 609 ರನ್ ಬಾರಿಸಿದ್ದರು.
ಕ್ರಿಸ್ ಗೇಲ್: 2013ರ ಐಪಿಎಲ್ ಆವೃತ್ತಿಯಲ್ಲಿ ವೇಗಿಗಳ ವಿರುದ್ಧ ಕ್ರಿಸ್ ಗೇಲ್ 544 ರನ್ ಬಾರಿಸಿದ್ದರು. ಗೇಲ್ ಈ ಆವೃತ್ತಿಯಲ್ಲಿ 16 ಪಂದ್ಯಗಳನ್ನಾಡಿದ್ದರು.
ಮೈಕೆಲ್ ಹಸ್ಸಿ: 2013ರ ಐಪಿಎಲ್ ಆವೃತ್ತಿಯಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಮೈಕಲ್ ಹಸ್ಸಿ 17 ಪಂದ್ಯಗಳನ್ನಾಡಿ ವೇಗಿಗಳ ವಿರುದ್ಧ 543 ರನ್ ಬಾರಿಸಿದ್ದರು.
ಕೆಎಲ್ ರಾಹುಲ್: 2020ರ ಐಪಿಎಲ್ ಆವೃತ್ತಿಯಲ್ಲಿ ಪಂಜಾಬ್ ಕಿಂಗ್ಸ್ ಪರ ಕಣಕ್ಕಿಳಿದಿದ್ದ ಕೆ ಎಲ್ ರಾಹುಲ್ ಆ ಆವೃತ್ತಿಯಲ್ಲಿ ವೇಗಿಗಳ ವಿರುದ್ಧ 534 ರನ್ ಬಾರಿಸಿದ್ದರು. ಕೆಎಲ್ ರಾಹುಲ್ ಈ ಆವೃತ್ತಿಯಲ್ಲಿ 14 ಪಂದ್ಯಗಳನ್ನಾಡಿದ್ದರು.
6 ವರ್ಷಗಳ ಬಳಿಕ ಕೊಹ್ಲಿ ದಾಖಲೆ ಮುರಿದ ಬಟ್ಲರ್
2016ರ ಐಪಿಎಲ್ ಆವೃತ್ತಿಯಲ್ಲಿ ವಿರಾಟ್ ಕೊಹ್ಲಿ ಮಾಡಿದ್ದ ಹಲವು ದಾಖಲೆಗಳನ್ನು ಮುರಿಯಲು ಇನ್ನೂ ಸಹ ಸಾಧ್ಯವಾಗುತ್ತಿಲ್ಲ. ಕೊಹ್ಲಿ ಅಂದು ನಿರ್ಮಿಸಿದ್ದ ಅಂತಹ ಕಷ್ಟಕರ ದಾಖಲೆಗಳಲ್ಲಿ ವೇಗಿಗಳ ವಿರುದ್ಧ ಆವೃತ್ತಿಯೊಂದರಲ್ಲಿ ಅತಿ ಹೆಚ್ಚು ರನ್ ಬಾರಿಸಿದ ಆಟಗಾರ ಎಂಬ ದಾಖಲೆಯೂ ಒಂದು. ಅಂದು ವಿರಾಟ್ ಕೊಹ್ಲಿ 16 ಪಂದ್ಯಗಳನ್ನಾಡಿ ವೇಗಿಗಳ ವಿರುದ್ಧ 609 ರನ್ ಬಾರಿಸಿ ಹೊಸ ದಾಖಲೆ ಬರೆದಿದ್ದರು. ಆದರೆ ಇದೀಗ ಜೋಸ್ ಬಟ್ಲರ್ 17 ಪಂದ್ಯಗಳಲ್ಲಿ 620 ರನ್ಗಳನ್ನು ವೇಗಿಗಳ ವಿರುದ್ಧ ಬಾರಿಸಿ ಕೊಹ್ಲಿಯ ಆ ದಾಖಲೆಯನ್ನು ಮುರಿದು ಹಾಕಿ ತಮ್ಮ ಹೆಸರಿಗೆ ಬರೆದುಕೊಂಡಿದ್ದಾರೆ.
ಸ್ಟ್ರೈಕ್ ರೇಟ್ ವಿಷಯದಲ್ಲಿ ಗೇಲ್ ದ ಬಾಸ್!
ಇನ್ನು ಆವೃತ್ತಿಯೊಂದರಲ್ಲಿ ವೇಗಿಗಳ ವಿರುದ್ಧ ಅತಿ ಹೆಚ್ಚು ರನ್ ಬಾರಿಸಿದ ಈ 5 ಆಟಗಾರರ ಪಟ್ಟಿಯನ್ನು ಸ್ಟ್ರೈಕ್ ರೇಟ್ ದೃಷ್ಟಿಯಿಂದ ನೋಡಿದರೆ ಪಟ್ಟಿ ಈ ಕೆಳಕಂಡಂತೆ ಇರಲಿದೆ.
ಕ್ರಿಸ್ ಗೇಲ್ - 160.94
ವಿರಾಟ್ ಕೊಹ್ಲಿ - 151.87
ಜೋಸ್ ಬಟ್ಲರ್ - 147.26
ಕೆಎಲ್ ರಾಹುಲ್ - 142.78
ಮೈಕೆಲ್ ಹಸ್ಸಿ - 137.46