Click it and Unblock the Notifications
ಏನಿದು ಇಂಪ್ಯಾಕ್ಟ್ ಪ್ಲೇಯರ್ ನಿಯಮ?
ಇಂಪ್ಯಾಕ್ಟ್ ಪ್ಲೇಯರ್ ಅಥವಾ ಪ್ರಭಾವಿ ಆಟಗಾರ, ಫುಟ್ಬಾಲ್, ಕಬಡ್ಡಿಯಂತಹ ಆಟಗಳ ಪರಿಚಯ ಇರುವವರಿಗೆ ಈ ನಿಯಮಗಳು ಈಗಾಗಲೇ ಪರಿಚಿತವಾಗಿರುತ್ತವೆ. ಆಡುವ ಬಳಗದಲ್ಲಿ ಆಟದ ಮಧ್ಯದಲ್ಲಿ ಬದಲಾವಣೆ ಮಾಡುವ ಅವಕಾಶ ನೀಡುವುದನ್ನು ಇಂಪ್ಯಾಕ್ಟ್ ಪ್ಲೇಯರ್ ಎಂದು ಸುಲಭವಾಗಿ ಹೇಳಬಹುದು.
ಈಗಿರುವ ನಿಯಮಗಳ ಪ್ರಕಾರ, ಟಾಸ್ ನಂತರ ಘೋಷಿಸುವ ಪ್ಲೇಯಿಂಗ್ XI ಅನ್ನು ಬದಲಾವಣೆ ಮಾಡಲು ಸಾಧ್ಯವಿಲ್ಲ. ಆಟಗಾರ ಗಾಯಗೊಂಡರೆ, ಅತನಿಗೆ ಬದಲಿಯಾಗಿ ಆಡುವ ಆಟಗಾರ ಕೇವಲ ಫೀಲ್ಡಿಂಗ್ ಮಾತ್ರ ಮಾಡಲು ಅವಕಾಶವಿತ್ತು. ಅವರು ಬ್ಯಾಟ್ ಅಥವಾ ಬೌಲಿಂಗ್ ಮಾಡಲು ಅನುಮತಿ ಇರುತ್ತಿರಲಿಲ್ಲ.
Dwayne Bravo : ಐಪಿಎಲ್‌ಗೆ ನಿವೃತ್ತಿ ಘೋಷಿಸಿ ಪೊಲಾರ್ಡ್‌ ದಾರಿ ಹಿಡಿದ ಸಿಎಸ್‌ಕೆ ಮಾಜಿ ಆಟಗಾರ!
14ನೇ ಓವರ್ ಮುಗಿಯುವ ಮೊದಲು ಬದಲಾವಣೆಗೆ ಅವಕಾಶ
ಹೊಸ ನಿಯಮದ ಪ್ರಕಾರ, ಎರಡೂ ತಂಡಗಳು ತಮ್ಮ ಪ್ಲೇಯಿಂಗ್ ಅನ್ನು ಘೋಷಿಸುತ್ತವೆ. ನಂತರ ಎರಡೂ ತಂಡಗಳು ನಾಲ್ಕು ಇಂಪ್ಯಾಕ್ಡ್ ಪ್ಲೇಯರ್ ಹೆಸರನ್ನು ನೀಡಬೇಕಾಗುತ್ತದೆ. ಎರಡೂ ತಂಡಗಳು ಕೂಡ ಆಟದ ಮಧ್ಯದಲ್ಲಿ ತಮ್ಮ ಇಂಪ್ಯಾಕ್ಟ್ ಪ್ಲೇಯರ್ ಪಟ್ಟಿಯಿಂದ ಒಬ್ಬ ಆಟಗಾರನನ್ನು ಅಂತಿಮ ತಂಡದಲ್ಲಿ ಸೇರಿಸಿಕೊಳ್ಳಲು ಅನುಮತಿ ಇರುತ್ತದೆ. ಆತ ಬ್ಯಾಟಿಂಗ್ ಜೊತೆ ಬೌಲಿಂಗ್ ಕೂಡ ಮಾಡಲು ಅವಕಾಶ ನೀಡಲಾಗುತ್ತದೆ.
ಪಂದ್ಯದ ಟಾಸ್ ಸಮಯದಲ್ಲಿ ಉಭಯ ತಂಡಗಳು ತಮ್ಮ ಪ್ಲೇಯಿಂಗ್ XI ಮತ್ತು ನಾಲ್ವರು ಇಂಪ್ಯಾಕ್ಟ್ ಆಟಗಾರರ ಪಟ್ಟಿಯನ್ನು ನೀಡಬೇಕು. ನಾಲ್ವರು ಇಂಪ್ಯಾಕ್ಟ್ ಆಟಗಾರರ ಪಟ್ಟಿಯನ್ನು ನೀಡಿದರೂ, ಕೇವಲ ಒಬ್ಬ ಆಟಗಾರನನ್ನು ಮಾತ್ರ ಬದಲಾವಣೆ ಮಾಡಲು ಅವಕಾಶ ನೀಡಲಾಗಿದೆ. ಇಂಪ್ಯಾಕ್ಟ್ ಆಟಗಾರನನ್ನು ಇನ್ನಿಂಗ್ಸ್‌ನ 14ನೇ ಓವರ್ ಮುಗಿಯುವುದರ ಒಳಗೆ ಬದಲಾವಣೆ ಮಾಡಲು ಅವಕಾಶ ಇರುತ್ತದೆ. ಬ್ಯಾಟಿಂಗ್ ಅಥವ ಬೌಲಿಂಗ್ ಮಾಡುವ ಯಾವುದೇ ತಂಡ ಬದಲಾವಣೆ ಮಾಡಲು ಅನುಮತಿ ನೀಡಲಾಗುತ್ತದೆ. 15 ರಿಂದ 20ನೇ ಓವರ್ ನಡುವೆ ಬದಲಾವಣೆಗೆ ಯಾವುದೇ ಅವಕಾಶ ಇಲ್ಲ.
ಅಂಪೈರ್ ಜೊತೆ ಮಾತನಾಡಬೇಕು
ಇಂಪ್ಯಾಕ್ಟ್ ಪ್ಲೇಯರ್ ಮೈದಾನಕ್ಕೆ ಬಂದ ನಂತರ ಹೊರ ನಡೆದ ಆಟಗಾರನಿಗೆ ಮತ್ತೆ ಬ್ಯಾಟಿಂಗ್ ಮತ್ತು ಬೌಲಿಂಗ್ ಮಾಡಲು ಯಾವುದೇ ಅವಕಾಶ ಸಿಗುವುದಿಲ್ಲ. ಬದಲಾವಣೆ ಮಾಡುವ ಮುನ್ನ, ತಂಡದ ನಾಯಕನು, ಫೀಲ್ಡ್ ಅಂಪೈರ್ ಅಥವಾ ನಾಲ್ಕನೇ ಅಂಪೈರ್ ಬಳಿ ಮಾಹಿತಿ ನೀಡಬೇಕು.
ಈಗಾಗಲೇ ಬ್ಯಾಟಿಂಗ್ ಮಾಡಿ ಔಟ್ ಆಗಿರುವ ಆಟಗಾರನನ್ನು ಕೂಡ ಬದಲಾಯಿಸಲು ಹೊಸ ನಿಯಮ ಅನುಮತಿ ನೀಡುತ್ತದೆ. ಬದಲೀ ಆಟಗಾರ ಕೂಡ ಬ್ಯಾಟಿಂಗ್ ಮಾಡಬಹುದಾಗಿದೆ. ಒಂದು ವೇಳೆ ಬೌಲರ್ ಅನ್ನು ಬದಲಾವಣೆ ಮಾಡಿದರೆ, ಆತ ಎರಡು ಓವರ್ ಬೌಲಿಂಗ್ ಮಾಡಿದ್ದರೆ, ಬದಲೀ ಆಟಗಾರ ನಾಲ್ಕು ಓವರ್ ಕೂಡ ಬೌಲಿಂಗ್ ಮಾಡಲು ಅವಕಾಶ ನೀಡಲಾಗುತ್ತದೆ.
