ಐಪಿಎಲ್ ವಿಶ್ವದ ಶ್ರೀಮಂತ ಕ್ರಿಕೆಟ್ ಟೂರ್ನಮೆಂಟ್. ಟಿ20 ಮಾದರಿಯ ಈ ಕ್ರಿಕೆಟ್ ಟೂರ್ನಿಗಾಗಿ ಖರ್ಚುಮಾಡುವ ಹಣದಿಂದಲೇ ಸಾಕಷ್ಟು ಚರ್ಚೆಗೀಡಾಗಿದೆ. ಆಟಗಾರರ ಬಿಡ್ಡಿಂಗ್ನಿಂದ ಹಿಡಿದು ಫ್ರಾಂಚೈಸಿಗಳು ಸಾಕಷ್ಟು ಹಣವನ್ನು ಈ ಆಟದ ಮೇಲೆ ಚೆಲ್ಲುತ್ತಾರೆ. ಈಗ ಈ ಟೂರ್ನಿಯ ಪ್ರೈಸ್ಮನಿಯಲ್ಲಿ ಬಿಸಿಸಿಐ ಭಾರೀ ಕಡಿತವನ್ನು ಮಾಡಲಿದೆ. ಈ ಬಗ್ಗೆ ಎಲ್ಲಾ ಪ್ರಾಂಚೈಸಿಗಳಿಗೆ ಅಧಿಸೂಚನೆಯನ್ನು ಹೊರಡಿಸಲಾಗಿದೆ ಎಂದು ಪಿಟಿಐ ಸುದ್ಧಿ ಸಂಸ್ಥೆ ವರದಿ ಮಾಡಿದೆ.
ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಭಾರಿಯ ಐಪಿಎಲ್ನಲ್ಲಿ ಶೇಕಡಾ 50ರಷ್ಟು ಕಡಿತವಾಗಲಿದೆ. ಕಳೆದ ಬಾರಿಯ ಐಪಿಎಲ್ ವಿಜೇತ ತಂಡ 20 ಕೋಟಿ ನಗದು ಹಣವನ್ನು ಪ್ರೈಸ್ಮನಿಯಾಗಿ ಪಡೆದುಕೊಂಡಿತ್ತು. ಆದರೆ ಈ ಬಾರಿ ಅರ್ಧದಷ್ಟು ಕಡಿತವಾಗಲಿದೆ. ವಿಜೇತ ತಂಡ 10 ಕೋಟಿ ಹಣವನ್ನು ಪ್ರೈಸ್ಮನಿಯಾಗಿ ನೀಡಲು ನಿರ್ಧರಿಸಲಾಗಿದೆ.
ಐಪಿಎಲ್ಗೆ ಕೊರೊನಾ ವೈರಸ್ ಭೀತಿ: ಪ್ರತಿಕ್ರಿಯಿಸಿದ ಬ್ರಿಜೇಶ್, ಗಂಗೂಲಿ
ರನ್ನರ್ಅಪ್ ತಂಡ ಈ ಹಿಂದೆ 12.5 ಕೋಟಿ ಹಣವನ್ನು ಪಡೆದುಕೊಳ್ಳುತ್ತಿತ್ತು. ಆದರೆ ಈ ಬಾರಿ ಅದಕ್ಕೆ ಬದಲಾಗಿ 6.25 ಕೋಟಿ ಹಣವನ್ನು ರನ್ನರ್ಅಪ್ ತಂಡ ಪಡೆದುಕೊಳ್ಳಲಿದೆ. ಇನ್ನು ಕ್ವಾಲಿಫಯರ್ನಲ್ಲಿ ಸೋತ ತಂಡಗಳು ತಲಾ 4.375 ಕೋಟಿ ಹಣವನ್ನು ಪಡೆದುಕೊಳ್ಳಲಿದೆ.
ಸ್ಫೋಟಕ ಶತಕ ಚಚ್ಚಿದ ಆಲ್ ರೌಂಡರ್ ಹಾರ್ದಿಕ್ ಪಾಂಡ್ಯ
ಇನ್ನು ಈ ಭಾರಿ ಪ್ರಮಾಣದಲ್ಲಿ ಪ್ರೈಸ್ಮನಿ ಕಡಿತ ಮಾಡುತ್ತಿರುವುದಕ್ಕೆ ಬಿಸಿಸಿಐ ಕಾರಣವನ್ನು ಕೂಡ ನೀಡಿದೆ. ಐಪಿಎಲ್ ಫ್ರಾಂಚೈಸಿಗಳು ಈಗ ಹಣಕಾಸಿನ ವಿಚಾರದಲ್ಲಿ ಉತ್ತಮ ಹಂತದಲ್ಲಿದೆ. ಹೀಗಾಗಿ ಈ ಕಾಸ್ಟ್ಕಟ್ಟಿಂಗ್ ಮಾಡಲಾಗ್ತಿದೆ ಎಂದು ಬಿಸಿಸಿಐ ಮೂಲಗಳು ಮಾಹಿತಿ ನೀಡಿದೆ.
ಐಪಿಎಲ್ ಫ್ರಾಂಚೈಸಿಗಳು ಬೇರೆ ಬೇರೆ ಮೂಲಗಳಿಂದ ಆದಾಯವನ್ನು ಗಳಿಸುತ್ತಿವೆ. ಪ್ರಾಯೋಜಕತ್ವ ಸೇರಿದಂತೆ ಇತರೆ ಮೂಲಗಳಿಂದ ಯಥೇಚ್ಛ ಆದಾಯ ಬರುತ್ತಿರುವುದರಿಂದ ಈ ನಿರ್ಧಾರಕ್ಕೆ ಬರಲಾಗಿದೆ ಎಂದು ಬಿಸಿಸಿಐ ಮೂಲಗಳು ಮಾಹಿತಿ ನೀಡಿವೆ.