ಮತ್ತೊಮ್ಮೆ ಹರಾಜಿನ ಅಖಾಡಕ್ಕೆ ಆರ್ ಸಿಬಿ
ಐಪಿಎಲ್ ನಲ್ಲಿ ಅಂಬಾನಿ ಅವರ ಮುಂಬೈ ಇಂಡಿಯನ್ಸ್ ತಂಡ ಬಿಟ್ಟರೆ ಅತ್ಯಂತ ಹೆಚ್ಚು ಮೌಲ್ಯದ ತಂಡವಾಗಿರುವ ಬೆಂಗಳೂರು ತಂಡವನ್ನು 2008ರಲ್ಲಿ 10 ವರ್ಷ ಅವಧಿಗೆ ಮಲ್ಯ ಅವರು 111.6 ಮಿಲಿಯನ್ ಡಾಲರ್ ಮೊತ್ತಕ್ಕೆ ತಮ್ಮದಾಗಿಸಿಕೊಂಡಿದ್ದರು. ಈ ಹಿಂದೆ ಕೂಡಾ ಕಳೆದ ಮೂರು ಸೀಸನ್ ನಿಂದ ಆರ್ ಸಿಬಿ ಮಾರಾಟ, ಆರ್ ಸಿಬಿ ಷೇರುಗಳನ್ನು ಮಾರುವ ಬಗ್ಗೆ ಮಾತುಕತೆ ನಡೆಯುತ್ತಲೇ ಇದೆ.
ಎಂಟು ಸೀಸನ್ ನಲ್ಲಿ ಒಮ್ಮೆಯೂ ಕಪ್ ಎತ್ತಿಲ್ಲ
ವಿರಾಟ್ ಕೊಹ್ಲಿ, ಕ್ರಿಸ್ ಗೇಲ್ ಹಾಗೂ ಎಬಿ ಡಿವಿಲಿಯರ್ಸ್ರಂಥ ಜನಪ್ರಿಯ ಆಟಗಾರರನ್ನು ಹೊಂದಿದ್ದರೂ ಕಳೆದ ಎಂಟು ಸೀಸನ್ ನಲ್ಲಿ ಒಮ್ಮೆಯೂ ಕಪ್ ಎತ್ತಿಲ್ಲ.
2009, 2011ರಲ್ಲಿ ಐಪಿಎಲ್ ಫೈನಲ್ ಹಾಗೂ 2011ರ ಚಾಂಪಿಯನ್ಸ್ ಲೀಗ್ ಟಿ20 ರನ್ನರ್ ಅಪ್ ಆಗಿದ್ದು ಆರ್ ಸಿಬಿ ಸಾಧನೆ, ಕಳೆದ ಐಪಿಎಲ್ ನಲ್ಲಿ ಮೂರನೇ ಸ್ಥಾನಕ್ಕೆ ತೃಪ್ತಿ ಪಟ್ಟುಕೊಂಡಿದೆ.ಐಪಿಎಲ್ ನಲ್ಲಿ ಎರಡನೇ ತಂಡ ಹರಾಜಿಗೆ
ಸಾಲದ ಸಮಸ್ಯೆಯಿಂದ ಐಪಿಎಲ್ ನಲ್ಲಿ ಡೆಕ್ಕನ್ ಚಾರ್ಜರ್ಸ್ ತಂಡದ ಮಾಲೀಕತ್ವ ಬದಲಾಗಿ ಸನ್ ರೈಸರ್ಸ್ ಹೈದರಾಬಾದ್ ಆಗಿದ್ದು ಎಲ್ಲರಿಗೂ ತಿಳಿದೇ ಇದೆ. ಈಗ ಆರ್ ಸಿಬಿ ಮಾಲೀಕತ್ವ ಬದಲಾವಣೆ ಸುದ್ದಿ ಬಂದಿದೆ. ಅದರೆ, ಎಂದಿನಂತೆ ವಿಜಯ್ ಮಲ್ಯ ಪಟ್ಟು ಬಿಡದೆ ಆಟ ಮುಂದುವರೆಸಿದ್ದಾರೆ.
ಆರ್ ಸಿಬಿ ಖರೀದಿಸಲು ಜಿಂದಾಲ್ ಸಿದ್ಧ
ಮಲ್ಯ ತಮ್ಮ ಹೆಮ್ಮೆಯ ತಂಡವನ್ನು ಬೇರೆಯವರಿಗೆ ಒಪ್ಪಿಸಲು ತಯಾರಿಲ್ಲ. ಏನಾಗುತ್ತೋ ಕಾದು ನೋಡಬೇಕಿದೆ.ಆರ್ ಸಿಬಿ ಖರೀದಿಸಲು ಸಜ್ಜನ್ ಜಿಂದಾಲ್ ಪುತ್ರ ಹಾಗೂ ಜೆಎಸ್ಡಬ್ಲ್ಯು ಸ್ಪೋರ್ಟ್ಸ್ ಮತ್ತು ಬಿಎಫ್ಸಿ ಸಿಇಒ ಪಾರ್ಥ್ ಜಿಂದಾಲ್ ಅವರಂತೂ ತುದಿಗಾಲಲ್ಲಿ ನಿಂತಿದ್ದಾರೆ. ಆರ್ಸಿಬಿ ತಂಡದ ಮಾಲೀಕತ್ವ ಹೊಂದಿರುವ ಯುಬಿ ಸಮೂಹದಲ್ಲಿ ಬ್ರಿಟನ್ನ ‘ಡಿಯಾಜಿಯೋ' ಅತ್ಯಧಿಕ ಷೇರು ಹೊಂದಿದೆ.