ಸೂಪರ್ ಓವರ್ ಟೈ ಆದರೆ?
ಸೂಪರ್ ಓವರ್ ಕೂಡ ಸಮಬಲಗೊಂಡರೆ ಏನು ಮಾಡೋದು ಎನ್ನುವು ಪ್ರಶ್ನೆ ನಮ್ಮೆಲ್ಲರಲ್ಲಿತ್ತು. ಏನಾಗುತ್ತದೆ ಎನ್ನವುದು ಪಂದ್ಯವನ್ನೇ ನೋಡದೆ ವಿಚಾರ ಸ್ಪಷ್ಟವಾಗಿರಲಿಲ್ಲ. ಇದಕ್ಕೆ ಅಕ್ಟೋಬರ್ 18ರ ಭಾನುವಾರ ನಡೆದ ಮುಂಬೈ ಇಂಡಿಯನ್ಸ್ ಮತ್ತು ಕೋಲ್ಕತ್ತಾ ನೈಟ್ ರೈಡರ್ಸ್ ನಡುವಿನ ಪಂದ್ಯ ಸ್ಪಷ್ಟನೆ ನೀಡಿದೆ.
ಎರಡನೇ ಸೂಪರ್ ಓವರ್ ಟೈ ಆದರೆ?
ಐಪಿಎಲ್ನಲ್ಲಿ ಸೂಪರ್ ಓವರ್ಗಾಗಿ ನಿಯಮಗಳಿವೆ. ಒಂದು ವೇಳೆ ಎರಡನೇ ಸೂಪರ್ ಓವರ್ ಕೂಡ ಟೈ ಆದರೆ ಏನು ಮಾಡೋದು? ಮತ್ತೊಂದು ಸೂಪರ್ ಓವರ್ ನಡೆಯುತ್ತಾ? ಇಲ್ಲ ಇಲ್ಲ. ಐಪಿಎಲ್ನಲ್ಲಿ ಎರಡನೇ ಸೂಪರ್ ಕೂಡ ಟೈ ಎನಿಸಿದರೆ ಎರಡೂ ತಂಡಗಳಿಗೂ ಅಂಕ ಹಂಚಲಾಗುತ್ತದೆ. ಅಂದರೆ ತಲಾ 1 ಅಂಕಗಳನ್ನು ಎರಡೂ ತಂಡಗಳಿಗೆ ನೀಡಲಾಗುತ್ತದೆ.
ಮೊದಲು ಬ್ಯಾಟಿಂಗ್ ಯಾರು?
ಟಿ20 ಕ್ರಿಕೆಟ್ನಲ್ಲಿ ಪಂದ್ಯ ಟೈ ಆದರೆ ಸೂಪರ್ ಓವರ್, ಸೂಪರ್ ಓವರ್ ಟೈ ಆದರೆ ಮತ್ತೊಂದು ಸೂಪರ್ ಓವರ್ ನಡೆಯುತ್ತದೆ ನಿಜ. ಆದರೆ ಬ್ಯಾಟಿಂಗ್ ಯಾರು ಮೊದಲು ಮಾಡಬೇಕು? ಪಂದ್ಯದಲ್ಲಿ ಸೆಕೆಂಡ್ ಇನ್ನಿಂಗ್ಸ್ ಆಡುವ ತಂಡ ಮೊದಲ ಸೂಪರ್ ಓವರ್ನಲ್ಲಿ ಮೊದಲು ಬ್ಯಾಟಿಂಗ್ ಮಾಡುತ್ತದೆ. ಹಾಗೆಯೇ ಮೊದಲನೇ ಸೂಪರ್ ಓವರ್ನಲ್ಲಿ ಸೆಕೆಂಡ್ ಇನ್ನಿಂಗ್ಸ್ ಆಡುವ ತಂಡ ಎರಡನೇ ಸೂಪರ್ ಓವರ್ನಲ್ಲಿ ಮೊದಲು ಬ್ಯಾಟಿಂಗ್ ಮಾಡುತ್ತದೆ.
ಬ್ಯಾಟಿಂಗ್, ಬೌಲಿಂಗ್ ನಿಯಮ
ಸೂಪರ್ ಓವರ್ನಲ್ಲಿ ಬ್ಯಾಟಿಂಗ್ ಮತ್ತು ಬೌಲಿಂಗ್ಗೆ ಸಂಬಂಧಿಸಿ ನಿಯಮಗಳಿವೆ. ಪಂದ್ಯದ ಫಲಿತಾಂಶ ಟೈ ಎನಿಸಿದಾಗ ಸೂಪರ್ ಓವರ್ ನಡೆಸಲಾಗುತ್ತದೆ. ಸೂಪರ್ ಓವರ್ ಕೂಡ ಟೈ ಆದ್ರೆ ಎರಡನೇ ಸೂಪರ್ ಓವರ್ ನಡೆಯುತ್ತದೆ. ಆದರೆ ಯಾವ ಆಟಗಾರ ಮೊದಲ ಸೂಪರ್ ಓವರ್ನಲ್ಲಿ ಬ್ಯಾಟಿಂಗ್ ಮಾಡಿರುತ್ತಾರೊ ಅಥವಾ ಬೌಲಿಂಗ್ ಮಾಡಿರುತ್ತಾರೋ ಅವರಿಗೆ ಎರಡನೇ ಸೂಪರ್ ಓವರ್ನಲ್ಲಿ ಬ್ಯಾಟಿಂಗ್ ಅಥವಾ ಬೌಲಿಂಗ್ ಮಾಡಲು ಅವಕಾಶವಿರುವುದಿಲ್ಲ. ಬೇರೆಯವರು ಬ್ಯಾಟಿಂಗ್ ಯಾ ಬೌಲಿಂಗ್ ಮಾಡಬಹುದು.