ಇಬ್ಬರು ದಿಗ್ಗಜರ ಬಗ್ಗೆ ಅನಿಲ್ ಕುಂಬ್ಳೆ ಮಾತು
ಟೀಮ್ ಇಂಡಿಯಾ ಮಾಜಿ ನಾಯಕ ಅನಿಲ್ ಕುಂಬ್ಳೆ ಇಬ್ಬರು ದಿಗ್ಗಜ ಸ್ಪಿನ್ ಬೌಲರ್ಗಳಾದ ಮುತ್ತಯ್ಯ ಮುರಳೀಧರನ್ ಹಾಗೂ ಶೇನ್ ವಾರ್ನ್ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ. ಆ ಇಬ್ಬರೂ ಬೌಲರ್ಗಳು ವಿಶ್ವದ ಯಾವುದೇ ಪಿಚ್ನಲ್ಲಾದರೂ ಚೆಂಡನ್ನು ಸ್ಪಿನ್ ಮಾಡುವ ಸಾಮರ್ಥ್ಯವನ್ನು ಹೊಂದಿದ್ದಾರೆ ಎಂದು ಅನಿಲ್ ಕುಂಬ್ಳೆ ಹೇಳಿದರು.
ನನಗೆ ತುಂಬಾ ಕಠಿಣವೆನಿಸುತ್ತದೆ
ಆಸ್ಟ್ರೇಲಿಯಾದ ಶೆನ್ ವಾರ್ನ್ ಅಥವಾ ಶ್ರೀಲಂಕಾದ ಮುತ್ತಯ್ಯ ಮುರಳೀಧರನ್ ಅವರೊಂದಿಗೆ ನನ್ನನ್ನು ಹೋಲಿಕೆ ಮಾಡುವುದು ನನಗೆ ಅತ್ಯಂತ ಕಠಿಣವೆನಿಸುವ ಸಂಗತಿಯಾಗಿದೆ ಎಂದು ಅನಿಲ್ ಕುಂಭ್ಳೆ ಹೇಳಿದ್ದಾರೆ. ಶ್ರೀಲಂಕಾದೊಂದಿಗೆ ಹೆಚ್ಚಿನ ಪಂದ್ಯಗಳು ನಡೆಯುತ್ತಿದ್ದ ಕಾರಣ ಮುರಳೀಧರನ್ ಆಟವನ್ನು ನಾನು ಹೆಚ್ಚು ಬಾರಿ ಹತ್ತಿತದಿಂದ ಗಮನಿಸಿದ್ದೇನೆ ಎಂದಿದ್ದಾರೆ.
ಮುಂಚಿತವಾಗಿ ಮುರಳೀಧರನ್ಗೆ ಶುಭ ಕೋರಿದ್ದ ಕುಂಬ್ಳೆ
ನಾನು ಪ್ರತಿಯೊಂದು ಮೈಲಿಗಲ್ಲು ದಾಟಿದಾಗಲೂ ಮುರಳೀಧರನ್ ನನ್ನನ್ನು ಅಭಿನಂದಿಸುತ್ತಿದ್ದರು. 500ನೇ ವಿಕೆಟ್ ಮೈಲಿಗಲ್ಲಿಗೆ 30 ವಿಕೆಟ್ ದೂರದಲ್ಲಿದ್ದರು ಮುತ್ತಯ್ಯ ಮುರಳೀಧರನ್. ಆಗ ನಾನು ಅವರಿಗೆ ಮುರಳಿ ಈ ಮೈಲಿಗಲ್ಲಿಗೆ ಕೇವಲ 30 ವಿಕೆಟ್ ಮಾತ್ರವೇ ದೂರದಲ್ಲಿದ್ದಿರಿ ಅಭಿನಂದನೆಗಳು ಎಂದಿದ್ದೆ. ಅದಕ್ಕೆ ಅವರು, ಇಲ್ಲ ಇಲ್ಲ, ಅದಿನ್ನೂ ಬಹಳ ದೂರವಿದೆ. ಅದಕ್ಕೆ ನಾನು ಪ್ರತಿಯಾಗಿ ನಿಮಗೆ 3 ಟೆಸ್ಟ್ ಮ್ಯಾಚ್ ಸಾಕು ಎಂದಿದ್ದೆ' ಎಂದು ಅನಿಲ್ ಕುಂಬ್ಳೆ ಸ್ಮರಿಸಿಕೊಂಡಿದ್ದಾರೆ.
ಉತ್ತಮ ಸಂಬಂಧವನ್ನು ಹೊಂದಿದ್ದೇವೆ
ಇದೇ ಸಂದರ್ಭದಲ್ಲಿ ಅನಿಲ್ ಕುಂಬ್ಳೆ, ಶೇನ್ ವಾರ್ನ್ ಹಾಗೂ ಮುತ್ತಯ್ಯ ಮುರಳೀಧರನ್ ಅವರೊಂದಿಗೆ ಪರಸ್ಪರ ಅತ್ಯುತ್ತಮ ಸಂಬಂಧವನ್ನು ಹೊಂದಿದ್ದೇವೆ. ನಾವೆಲ್ಲರೂ ನಮ್ಮ ನಮ್ಮ ದೇಶಗಳಿಗೆ ಅತ್ಯುತ್ತಮ ಕೊಡುಗೆಯನ್ನು ನೀಡಿದ್ದೇವೆ ಎಂಬುದು ನಿಜಕ್ಕೂ ಖುಷಿಯ ಸಂಗತಿ ಎಂದು ಹೇಳಿದ್ದಾರೆ. ಜಿಂಬಾಬ್ವೆಯ ಪಾಮಿ ಎಂಬಾಗ್ವ ಜೊತೆಗಿನ ಇನ್ಸ್ಟಾಗ್ರಾಮ್ ಸಂದರ್ಶನದಲ್ಲಿ ಅನಿಲ್ ಕುಂಬ್ಳೆ ಈ ವಿಚಾರಗಳನ್ನು ಹಂಚಿಕೊಂಡಿದ್ದಾರೆ.