ಸಿಎಸ್ಕೆ ಬೆಸ್ಟ್ ಫ್ರಾಂಚೈಸಿ
ಆರ್ ಅಶ್ವಿನ್ ಅವರ ಯೂಟ್ಯೂಬ್ ಶೋ 'ಹಲೋ ದುಬೈ'ನಲ್ಲಿ ಮಾತನಾಡಿದ ತಾಹಿರ್, 'ನನ್ನ ಹೃದಯದಿಂದ ಹೇಳುತ್ತೇನೆ; ನಾನು ವಿಶ್ವದಲ್ಲಿ ನೋಡಿದ ಫ್ರಾಂಚೈಸಿಗಳಲ್ಲಿ ಸಿಎಸ್ಕೆ ಬೆಸ್ಟ್. ಒಂದು ಫ್ರಾಂಚೈಸಿಗೆ ಈ ಪರಿಯ ಗೌರವ ಲಭಿಸುವುದನ್ನು ನಾನು ಎಲ್ಲೂ ನೋಡಿಲ್ಲ,' ಎಂದಿದ್ದಾರೆ.
ಇಲ್ಲಿ ವಿಭಿನ್ನ ವಾತಾವರಣವಿದೆ
'ಇಲ್ಲಿ ಆಡುವಾಗ ವಿಭಿನ್ನ ವಾತಾವರಣ ನನಗೆ ಕಾಣ ಸಿಗುತ್ತದೆ. ಚೆನ್ನೈ ಯಾವತ್ತಿಗೂ ನಮ್ಮ ಪ್ರದರ್ಶನದ ಬಗ್ಗೆ ಮಾತನಾಡುವುದಿಲ್ಲ. ಒಟ್ಟಿನಲ್ಲಿ ನಮ್ಮನ್ನು ಬೆಂಬಲಿಸುತ್ತಾರೆ. ಇವತ್ತು ಆಗಿಲ್ಲದಿದ್ದರೆ ಇನ್ನೊಂದು ದಿನ ನೀನು ಉತ್ತಮ ಪ್ರದರ್ಶನ ನೀಡುತ್ತೀ ಅಂತ ಧೈರ್ಯ ತುಂಬುತ್ತಾರೆ,' ಎಂದು ತಾಹಿರ್ ವಿವರಿಸಿದ್ದಾರೆ.
ಡು ಪ್ಲೆಸಿಸ್ ನೋಡೋಕೆ ನೋವಾಗಿತ್ತು
ಸಿಎಸ್ಕೆ ಪ್ಲೇಯಿಂಗ್ XIನಲ್ಲಿ ತಾನು ಕಾಣಿಸಿಕೊಳ್ಳುವ ಬಗ್ಗೆ ತುಟಿ ಬಿಚ್ಚಿದ ತಾಹೀರ್, 'ನನಗೆ ಈ ಬಗ್ಗೆ ಮಾಹಿತಿಯಿಲ್ಲ. ಈ ಮೊದಲು ಫಾಫ್ ಡು ಪ್ಲೆಸಿಸ್ ಟೂರ್ನಿಯುದ್ದಕ್ಕೂ ಡ್ರಿಂಕ್ಸ್ ತೆಗೆದುಕೊಂಡು ಹೋಗುವುದಕ್ಕೆ ಸೀಮಿತವಾಗಿದ್ದರು. ಅದು ನೋಡೋದಕ್ಕೆ ತುಂಬಾ ನೋವಿನ ಸಂಗತಿಯಾಗಿತ್ತು. ಈ ಬಾರಿ ನನ್ನ ಸರದಿ ಬಂದಿದೆ,' ಎಂದು ಹೇಳಿದ್ದಾರೆ.
ನನಗೂ ಒಂದು ಪಂದ್ಯ ಸಿಗಬಹುದು
ಕಳೆದ ವರ್ಷ ಇಮ್ರಾನ್ ತಾಹಿರ್ ಟೂರ್ನಿಯಲ್ಲಿ ಅತ್ಯಧಿಕ ವಿಕೆಟ್ ಪಡೆದು ಪರ್ಪಲ್ ಕ್ಯಾಪ್ ಗೆದ್ದಿದ್ದರು. ಆದರೆ ಈ ಬಾರಿ ಅವರಿಗೆ ಒಂದೂ ಪಂದ್ಯದಲ್ಲೂ ಅವಕಾಶ ಸಿಕ್ಕಿಲ್ಲ. 'ತಂಡದಲ್ಲಿ ನಾಲ್ವರು ವಿದೇಶಿ ಆಟಗಾರರಿಗಷ್ಟೇ ಅವಕಾಶವಿರುವುದರಿಂದ ಒಮ್ಮೆ ನಾಲ್ವರು ಸೆಟಲ್ ಆದಮೇಲೆ ಐದನೆಯವನಿಗೆ ತಂಡ ಸೇರಿಕೊಳ್ಳಲು ಬಲುಕಷ್ಟವಿದೆ. ಆದರೂ ಒಂದು ಪಂದ್ಯ ಸಿಗಬಹುದು ಅನ್ನೋ ಭಾವನೆ ನನ್ನದು,' ಎಂದು ತಾಹಿರ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.