ಅಡಿಲೇಡ್, ಜನವರಿ 15: ಆಸ್ಟ್ರೇಲಿಯಾ ತಂಡದ ಅಪಾಯಕಾರಿ ಆಟಗಾರ ಉಸ್ಮಾನ್ ಖವಾಜಾ ಅವರನ್ನು ಭಾರತದ ಆಲ್ ರೌಂಡರ್ ರವೀಂದ್ರ ಜಡೇಜಾ ಅವರು ಅದ್ಭುತ ರೀತಿಯಲ್ಲಿ ರನ್ ಔಟ್ ಮಾಡಿದ್ದಾರೆ. ಅಡಿಲೇಡ್ ಓವಲ್ನಲ್ಲಿ ಮಂಗಳವಾರದ (ಜನವರಿ 15) ಆಸೀಸ್-ಭಾರತ ನಡುವಣ ದ್ವಿತೀಯ ಏಕದಿನ ಪಂದ್ಯದಲ್ಲಿ ಜಡೇಜಾ ಆಕರ್ಷಕ ಥ್ರೋಗಾಗಿ ಮಿಂಚಿದರು.
ಪಂದ್ಯದ Live Score ಕೆಳಗಿದೆ. ಸ್ಕೋರ್ಕಾರ್ಡ್ಗೆ ಕೆಳಗಿನ ಲಿಂಕ್ ಕ್ಲಿಕ್ ಮಾಡಿ
ಟಾಸ್ ಗೆದ್ದು ಬ್ಯಾಟಿಂಗ್ಗೆ ಇಳಿದ ಆಸ್ಟ್ರೇಲಿಯಾ ಈ ಪಂದ್ಯದಲ್ಲೂ ಆರಂಭಿಕ ಆಘಾತ ಅನುಭವಿಸಿತು. ಓಪನರ್, ನಾಯಕ ಆ್ಯರನ್ ಫಿಂಚ್ ಅವರನ್ನು ಭುವನೇಶ್ವರ್ ಕುಮಾರ್ 6 ರನ್ನಿಗೆ ಔಟ್ ಮಾಡಿದರು. ಅಲೆಕ್ಸ್ ಕ್ಯಾರಿ ಕೂಡ 18 ರನ್ನಿಗೆ ನಿರ್ಗಮಿಸಿದರು. ಆದರೆ ಗಮನ ಸೆಳೆದಿದ್ದು ಖವಾಜಾ ಅವರ ರನ್ಔಟ್.
This is a grouse piece of fielding.#AUSvIND | @bet365_aus pic.twitter.com/FyxkFy62Pg
— cricket.com.au (@cricketcomau) January 15, 2019
18.3ನೇ ಓವರ್ ವೇಳೆ ಕ್ರೀಸ್ನಲ್ಲಿ ಖವಾಜಾ ಮತ್ತು ಶಾನ್ ಮಾರ್ಷ್ ಇದ್ದರು. ಚೆಂಡಿಗೆ ಬ್ಯಾಟ್ ಬೀಸಿದ ಖವಾಜಾ ಸಿಂಗಲ್ ರನ್ ಕದಿಯಲು ಓಡಿದರು. ಈ ವೇಳೆ ಜಡೇಜಾ ಚೆಂಡನ್ನು ಕೈಗೆತ್ತಿಕೊಂಡವರೆ ಸ್ಟಂಪ್ನತ್ತ ಎಸೆದರು. ಚೆಂಡು ಸೀದಾ ವಿಕೆಟ್ಗೆ ತಾಗಿತು. ಉಸ್ಮಾನ್ ಬರೀ 21 ರನ್ನಿಗೆ ಔಟಾಗಿ ಪೆಚ್ಚುಮೋರೆಯಿಂದ ಪೆವಿಲಿಯನ್ನತ್ತ ಸಾಗಿದರು.