ಕಿಂಗ್ಸ್ಟೌನ್, ಜನವರಿ 2: ಐರ್ಲೆಂಡ್ ವಿರುದ್ಧದ 3 ಏಕದಿನ ಪಂದ್ಯಗಳ ಸರಣಿಗಾಗಿ ವೆಸ್ಟ್ ತಂಡ ಪ್ರಕಟವಾಗಿದೆ. ವಿಂಡೀಸ್ ಆಲ್ ರೌಂಡರ್ ಜೇಸನ್ ಹೋಲ್ಡರ್ ಆರಂಭಿಕ ಎರಡು ಪಂದ್ಯಗಳಿಂದ ವಿಶ್ರಾಂತಿ ಪಡೆದಿದ್ದಾರೆ. ಈ ಸರಣಿ ಜನವರಿ 7ರಿಂದ ಬಾರ್ಬಡೋಸ್ನಲ್ಲಿ ಆರಂಭಗೊಳ್ಳಲಿದೆ.
ಅಂಡರ್ 19 ವಿಶ್ವಕಪ್ ಹೀರೋ ಮನ್ಜೋತ್ ಕಲ್ರಾ ರಣಜಿಯಿಂದ ಅಮಾನತು!
ಇತ್ತೀಚೆಗೆ ನಡೆದ ಭಾರತ ವಿರುದ್ಧದ ಏಕದಿನ ಸರಣಿಯನ್ನು 2-1ರಿಂದ ಸೋತಿರುವ ವೆಸ್ಟ್ ಇಂಡೀಸ್ ತಂಡದಿಂದ ಹೊರಗುಳಿದ ಒಬ್ಬರೇ ಆಟಗಾರ ಜೇಸನ್ ಹೋಲ್ಡರ್. ಐರ್ಲೆಂಡ್ ವಿರುದ್ಧದ 3 ಪಂದ್ಯಗಳ ಏಕದಿನ ಸರಣಿಯ ಆರಂಭಿಕ 2 ಪಂದ್ಯಗಳು ಬಾರ್ಬಡೋಸ್ನಲ್ಲಿ, ಕಡೇಯ ಪಂದ್ಯ ಗ್ರೆನೆಡಾದ ನ್ಯಾಷನಲ್ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆಯಲಿದೆ.
ಟ್ವಿಟರ್ನಲ್ಲಿ ಮನಮುಟ್ಟುವ ವೀಡಿಯೋ ಹಂಚಿಕೊಂಡ ಸಚಿನ್ ತೆಂಡೂಲ್ಕರ್
'ಕಳೆದ ವರ್ಷದಿಂದ ಇರುವ ಕೆಲಸದ ಹೊರೆಯನ್ನು ಇಳಿಸುವ ಸಲುವಾಗಿ ಜೇಸನ್ ಹೋಲ್ಡರ್ ಅವರೇ ಈ ನಿರ್ಧಾರವನ್ನು ಕೈಗೊಂಡಿದ್ದಾರೆ,' ಎಂದು ವೆಸ್ಟ್ ಇಂಡೀಸ್ ಆಯ್ಕೆದಾರ ರೋಜರ್ ಹಾರ್ಪರ್ ತಿಳಿಸಿದ್ದಾರೆ. ಭಾರತ ಪ್ರವಾಸ ಸರಣಿಯಲ್ಲಿ ನಾಯಕತ್ವ ವಹಿಸಿದ್ದ ಕೀರನ್ ಪೊಲಾರ್ಡ್ ಈ ಬಾರಿಯೂ ತಂಡ ಮುನ್ನಡೆಸುತ್ತಿದ್ದಾರೆ.
ದಾನೀಶ್ ಕನೇರಿಯಾ ಪ್ರಕರಣಕ್ಕೆ ಇನ್ಜಮಾಮ್ ಉಲ್ ಹಕ್ ಪ್ರತಿಕ್ರಿಯೆ: ಗಂಗೂಲಿ ಬಗ್ಗೆ ಪ್ರಸ್ತಾಪ
ವೆಸ್ಟ್ ಇಂಡೀಸ್ ತಂಡ: ಕೀರನ್ ಪೊಲಾರ್ಡ್ (ಸಿ), ಸುನಿಲ್ ಆ್ಯಂಬ್ರಿಸ್, ರೋಸ್ಟನ್ ಚೇಸ್, ಶೆಲ್ಡನ್ ಕಾಟ್ರೆಲ್, ಶಿಮ್ರಾನ್ ಹೆಟ್ಮಾಯೆರ್, ಶಾಯ್ ಹೋಪ್, ಅಲ್ಝಾರಿ ಜೋಸೆಫ್, ಬ್ರಾಂಡನ್ ಕಿಂಗ್, ಎವಿನ್ ಲೂಯಿಸ್, ಕೀಮೋ ಪಾಲ್, ಖಾರಿ ಪಿಯರೆ, ನಿಕೋಲಸ್ ಪೂರನ್, ರೊಮಾರಿಯೋ ಶೆಫರ್ಡ್, ಹೇಡನ್ ವಾಲ್ಷ್ ಜೂನಿಯರ್.