Click it and Unblock the Notifications
ಕಡೆಗೂ ಬಿತ್ತು ಬೂಮ್ರಾಗೆ ವಿಕೆಟ್
ನ್ಯೂಜಿಲೆಂಡ್ ವಿರುದ್ಧದ ಮೊದಲ ಇನ್ನಿಂಗ್ಸ್‌ನ ಮೂರನೇ ದಿನ ಕಡೆಗೂ ಬೂಮ್ರಾ ಒಂದು ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಎರಡನೇ ದಿನದಾಟದಲ್ಲಿ ಒಂದೂ ವಿಕೆಟ್ ಪಡೆಯಲು ವಿಫಲರಾಗಿದ್ದ ಬೂಮ್ರಾ ಮೂರನೇ ದಿನದಾಟದಲ್ಲಿ ವಿಕೆಟ್ ಕೀಪರ್ ವಾಟ್ಲಿಂಗ್ ವಿಕೆಟ್ ಪಡೆಯಲು ಸಫಲರಾಗಿದ್ದರು.
ಏಕದಿನದಲ್ಲಿ ಶೂನ್ಯ ಸಂಪಾದನೆ
ಟೀಮ್ ಇಂಡಿಯಾದ ಪ್ರಮುಖ ಬೌಲೆರ್ ಆಗಿರುವ ಜಸ್ಪ್ರೀತ್ ಬೂಮ್ರಾ ಕೀವಿಸ್ ನೆಲದಲ್ಲಿ ಸಂಪೂರ್ಣ ಮಂಕಾಗಿದ್ದಾರೆ. ಆಡಿದ ಮೂರು ಏಕದಿನದಲ್ಲಿ ಜಸ್ಪ್ರೀತ್ ಬೂಮ್ರಾ 30 ಓವರ್‌ಗಳನ್ನು ಬಾಲ್ ಮಾಡಿದ್ದರು. ಆದರೆ ಒಂದೇ ಒಂದು ವಿಕೆಟ್ ಪಡೆಯಲು ಸಾಧ್ಯವಾಗಿರಲಿಲ್ಲ.
ಒಂದು ವಿಕೆಟ್‌ಗೆ 293 ಎಸೆತ
ಬೂಮ್ರಾ ತಮ್ಮ ಖಾತೆಗೆ ಒಂದು ವಿಕೆಟ್ ಗಳಿಸಿಕೊಳ್ಳಲು ಬರೊಬ್ಬರಿ 293 ಎಸೆತಗಳನ್ನು ಹಾಕಿದ್ದಾರೆ. ಕಳೆದ 21 ದಿನಗಳಲ್ಲಿ ಟೀಮ್ ಇಂಡಿಯಾದ ಟ್ರಂಪ್ ಕಾರ್ಡ್ ಬೌಲರ್ ಬೂಮ್ರಾ ಅಕ್ಷರಶಃ ಪರದಾಟವನ್ನು ನಡೆಸಿದಂತೆ ಕಂಡುಬಂತು. ಕಡೆಗೂ ಬೂಮ್ರಾ ವಿಕೆಟ್ ಪಡೆದುಕೊಂಡಿದ್ದಾರೆ.
5 ಸರಣಿಯಲ್ಲಿ 7 ವಿಕೆಟ್
ಜಸ್ಪ್ರೀತ್ ಬೂಮ್ರಾ ಕಮ್‌ಬ್ಯಾಕ್‌ ಬಳಿಕ 5 ಸರಣಿಯಲ್ಲಿ ಪಾಲ್ಕೊಂಡಿದ್ದಾರೆ. ಶ್ರೀಲಂಕಾ ಮತ್ತು ಆಸ್ಟ್ರೇಲಿಯಾ ವಿರುದ್ಧ ಟಿ20 ಸರಣಿ ಮತ್ತು ನ್ಯೂಜಿಲೆಂಡ್ ವಿರುದ್ಧ ಟಿ20 ಮತ್ತು ಏಕದಿನ ಸರಣಿಯಲ್ಲಿ ಆಟವಾಡಿದ್ದಾರೆ. ಆದರೆ ಇದರಲ್ಲಿ ಕೇವಲ 7 ವಿಕೆಟ್ ಪಡೆಯುವಲ್ಲಿ ಮಾತ್ರವೇ ಯಶಸ್ವಿಯಾಗಿದ್ದಾರೆ. ಪ್ರಮುಖ ಬೌಲರ್ ಆಗಿರುವ ಬೂಮ್ರಾ ಅವರ ಮೇಲೆ ನಿರೀಕ್ಷೆ ಹೆಚ್ಚಿರುವುದರಿಂದ ತಂಡಕ್ಕೆ ಅವರ ಕೊಡುಗೆ ಅತ್ಯಗತ್ಯವಿದೆ.
