ನವದೆಹಲಿ, ಫೆಬ್ರವರಿ 23: ಭಾನುವಾರ (ಫೆಬ್ರವರಿ 24) ವಿಶಾಖಪಟ್ನಂ ಸ್ಟೇಡಿಯಂನಲ್ಲಿ ನಡೆಯಲಿರುವ ಭಾರತ vs ಆಸ್ಟ್ರೇಲಿಯಾ ಮೊದಲ ಟಿ20 ಪಂದ್ಯದಲ್ಲಿ ಭಾರತದ ವೇಗಿ ಜಸ್ಪ್ರೀತ್ ಬೂಮ್ರಾ ಮತ್ತು ಸ್ಪಿನ್ನರ್ ಯುಜುವೇಂದ್ರ ಚಾಹಲ್ ದಾಖಲೆ ಬರೆಯಲು ಸಜ್ಜಾಗಿದ್ದಾರೆ.
ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಟಿ20, ಭಾರತದ ಸಂಭಾವ್ಯ ತಂಡ
ಒಟ್ಟು 40 ಟಿ20 ಪಂದ್ಯಗಳಲ್ಲಿ ಬೂಮ್ರಾ 48 ವಿಕೆಟ್ಗಳ ಸಾಧನೆ ಹೊಂದಿದ್ದಾರೆ. ಆಸ್ಟ್ರೇಲಿಯಾ ವಿರುದ್ಧ ಮೊದಲ ಟಿ20 ಪಂದ್ಯದಲ್ಲಿ ಜಸ್ಪ್ರೀತ್ ಒಂದುವೇಳೆ ಎರಡು ವಿಕೆಟ್ ಪಡೆದರೆ, ಟಿ20ಯಲ್ಲಿ 50 ವಿಕೆಟ್ ಸಾಧನೆ ಮಾಡಿದ ಭಾರತ ಎರಡನೇ ಆಟಗಾರನಾಗಿ ಗುರುತಿಸಿಕೊಳ್ಳಲಿದ್ದಾರೆ.
DID YOU KNOW?
— sportzcraazy (@sportzcraazy) February 21, 2019
@Jaspritbumrah93 clinched the most wickets in INDvsAUS T20Is (12)#sportzcraazy #INDvsAUS #T20 #Series #Cricket #Pace#JaspritBumrah pic.twitter.com/MZEb5maeOB
ಭಾರತ ಪರ 50 ವಿಕೆಟ್ ಗಳ ಸಾಧನೆ ಮೈಲಿಗಲ್ಲು ಸ್ಥಾಪಿಸಿದ್ದು ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್ ಅವರು. ಅಶ್ವಿನ್ ಒಟ್ಟು 46 ಪಂದ್ಯಗಳಲ್ಲಿ 52 ವಿಕೆಟ್ಗಳನ್ನು ಕೆಡವಿದ್ದಾರೆ. ಬೂಮ್ರಾ ಬೆನ್ನಲ್ಲಿ ಚಾಹಲ್ ಕೂಡ ಇದ್ದಾರೆ. 29 ಪಂದ್ಯಗಳಲ್ಲಿ 45 ವಿಕೆಟ್ ಸಾಧನೆ ಹೊಂದಿರುವ ಚಾಹಲ್ ಇನ್ನೈದು ವಿಕೆಟ್ ಪಡೆದರೆ ಟಿ20 50 ವಿಕೆಟ್ ಪಡೆದ ಭಾರತದ ಎರಡನೇ ಆಟಗಾರನಾಗಿ ಮಿಂಚಲಿದ್ದಾರೆ.
ಹಿರಿಯ ಮಹಿಳೆಯರ ಟಿ20 ಲೀಗ್: 9 ರನ್ನಿಗೆ ಇಡೀ ತಂಡವೇ ಆಲ್ ಔಟ್!
ಬೂಮ್ರಾ ಬದಲಿಗೆ ಯುಜುವೇಂದ್ರ ಚಾಹಲ್ ಮೊದಲು 50 ವಿಕೆಟ್ಗಳನ್ನು ಪಡೆದುಕೊಂಡರೆ- ಅತೀ ವೇಗವಾಗಿ ಟಿ20 50 ವಿಕೆಟ್ ಕೆಡವಿದ ವಿಶ್ವದ ಎರಡನೇ ಆಟಗಾರನಾಗಿ ಚಾಹಲ್ ಗುರುತಿಸಿಕೊಳ್ಳಲಿದ್ದಾರೆ. ಶ್ರೀಲಂಕಾ ಬೌಲರ್ ಅಜಂತ ಮೆಂಡಿಸ್ ಒಟ್ಟು 26 ಪಂದ್ಯಗಳಲ್ಲಿ 50 ವಿಕೆಟ್ ಪಡೆದು ಈ ಯಾದಿಯಲ್ಲಿ ಮುಂಚೂಣಿಯಲ್ಲಿದ್ದಾರೆ.