ಗಯಾನಾ, ನವೆಂಬರ್ 15: ಗಯಾನಾದ ಪ್ರಾವಿಡೆನ್ಸ್ ಸ್ಟೇಡಿಯಂನಲ್ಲಿ ಗುರುವಾರ (ನವೆಂಬರ್ 14) ನಡೆದ ಭಾರತದ ಮಹಿಳೆಯರು ಮತ್ತು ವೆಸ್ಟ್ ಇಂಡೀಸ್ ಮಹಿಳೆಯರ ನಡುವಿನ 3ನೇ ಟಿ20 ಪಂದ್ಯದಲ್ಲಿ ಭಾರತ ತಂಡ, 7 ವಿಕೆಟ್ ಸುಲಭ ಗೆಲುವನ್ನಾಚರಿಸಿದೆ.
ತೆಂಡೂಲ್ಕರ್ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಅಂಗಣಕ್ಕಿಳಿದು ಇಂದಿಗೆ 30 ವರ್ಷ!
ಜೆಮಿಮಾ ರೋಡ್ರಿಗಸ್ ಚತುರ ಬ್ಯಾಟಿಂಗ್, ರಾಧಾ ಯಾದವ್ ಮತ್ತು ದೀಪ್ತಿ ಶರ್ಮಾ ಬೌಲಿಂಗ್ ದಾಳಿಗೆ ವಿಂಡೀಸ್ ಮಹಿಳಾ ತಂಡ ಸೋಲೊಪ್ಪಿಕೊಂಡಿದೆ. ಇದರೊಂದಿಗೆ 5 ಪಂದ್ಯಗಳ ಈ ಟಿ20 ಸರಣಿಯಲ್ಲಿ ಭಾರತ ಈಗಾಗಲೇ 3 ಪಂದ್ಯಗಳನ್ನು ಜಯಿಸಿ ಸರಣಿ ವಶವಾಗಿಸಿಕೊಂಡಿದೆ.
ಚಿಲ್ಡ್ರನ್ಸ್ಡೇಗೆ ಸೆಹ್ವಾಗ್ ಸ್ಮರಿಸಿಕೊಂಡ ಹುತಾತ್ಮ ಬಾಲಕ ಯಾರು?
ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ವೆಸ್ಟ್ ವನಿತಾ ತಂಡವನ್ನು ಭಾರತದ ಬೌಲಿಂಗ್ ಬಣ ಕಾಡಿತು. ಚೆಡಿಯನ್ ನೇಷನ್ 11, ಚಿನೆಲ್ಲೆ ಹೆನ್ರಿ 11, ಶೆನೆಟಾ ಗ್ರಿಮಂಡ್ 8 ರನ್ ಗಳಿಸಿದ್ದು ಬಿಟ್ಟರೆ ಇನ್ಯಾರೂ 8ಕ್ಕೂ ಹೆಚ್ಚು ರನ್ ಕೊಡುಗೆ ನೀಡಲಿಲ್ಲ. ವಿಂಡೀಸ್ ತಂಡ 20 ಓವರ್ಗೆ 9 ವಿಕೆಟ್ ಕಳೆದು 59 ರನ್ ಮಾಡಿತು.
ಐಪಿಎಲ್ 2020: ತಂಡ ಬಿಟ್ಟು ಮತ್ತೊಂದು ತಂಡ ಸೇರಿದ ಎಲ್ಲಾ ಆಟಗಾರ ಪಟ್ಟಿ!
ಗುರಿ ಬೆನ್ನತ್ತಿದ ಭಾರತದ ವನಿತೆಯರಿಂದ ಜೆಮಿಮಾ ರೋಡ್ರಿಗಸ್ 40 ರನ್ ಸೇರಿಸಿದರು. 16.4 ಓವರ್ಗೆ ಭಾರತ 3 ವಿಕೆಟ್ ನಷ್ಟದಲ್ಲಿ 60 ರನ್ ಮಾಡಿಸಿ ಗೆಲುವನ್ನಾಚರಿಸಿತು. ವಿಂಡೀಸ್ ಇನ್ನಿಂಗ್ಸ್ನಲ್ಲಿ ಭಾರತದ ರಾಧಾ ಯಾದವ್, ದೀಪ್ತಿ ಶರ್ಮಾ ತಲಾ 2 ವಿಕೆಟ್ ಪಡೆದು ಗಮನ ಸೆಳೆದರು. ಜೆಮಿಮಾ ಪಂದ್ಯಶ್ರೇಷ್ಠೆ ಎನಿಸಿದರು.