Click it and Unblock the Notifications
Sporting Buzz
-
DC vs SRH: ಹೈದರಾಬಾದ್ ಬ್ಯಾಟರ್ಗಳನ್ನು ಕಟ್ಟಿಹಾಕಲಿದ್ದಾರಾ ಡೆಲ್ಲಿ ಬೌಲರ್ಸ್?; ಸಂಭಾವ್ಯ ಆಡುವ 11ರ ಬಳಗ -
LSG vs CSK IPL 2024: ಐಪಿಎಲ್‌ನಲ್ಲಿ ಇತಿಹಾಸ ಸೃಷ್ಟಿಸಿದ ಎಂಎಸ್ ಧೋನಿ -
RCB: 'ಗೋ ಗ್ರೀನ್' ಭಾಗವಾಗಿ 3 ಕೆರೆಗಳ ಅಭಿವೃದ್ಧಿಪಡಿಸಿದ ಆರ್ಸಿಬಿ -
ಟಿ20 ವಿಶ್ವಕಪ್ಗೆ ಭಾರತ ತಂಡದಲ್ಲಿ ಕೆಎಲ್ ರಾಹುಲ್ಗೆ ಸ್ಥಾನ?; ರಾಬಿನ್ ಉತ್ತಪ್ಪ ಹೇಳಿದ್ದೇನು? -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
LSG vs CSK IPL 2024: ಮತ್ತೊಮ್ಮೆ ಧೋನಿ, ಜಡೇಜಾ ಅಬ್ಬರ; ಲಕ್ನೋ ತಂಡಕ್ಕೆ ಸವಾಲಿನ ಗುರಿ ನೀಡಿದ ಸಿಎಸ್ಕೆ -
LSG vs CSK IPL 2024: ಲಕ್ನೋ vs ಚೆನ್ನೈ ಮಹಾಕದನ; ಟಾಸ್ ವರದಿ, ಆಡುವ 11ರ ಬಳಗ -
Rishabh Pant: ಟಿ20 ವಿಶ್ವಕಪ್ಗೆ ರಿಷಭ್ ಪಂತ್ ಭಾರತ ತಂಡದಲ್ಲಿರಬೇಕು -
LSG vs CSK IPL 2024: ಲಕ್ನೋ vs ಚೆನ್ನೈ ಪಂದ್ಯದ ವರದಿ, ಫ್ಯಾಂಟಸಿ ಡ್ರೀಮ್ ಟೀಂ, ಸಂಭಾವ್ಯ ಆಡುವ 11ರ ಬಳಗ -
IPL 2024: ಐಪಿಎಲ್‌ನಲ್ಲಿ ಉಮೇಶ್ ಯಾದವ್ ಅವರ ವಿಶೇಷ ದಾಖಲೆ ಸರಿಗಟ್ಟಿದ ಜಸ್ಪ್ರೀತ್ ಬುಮ್ರಾ
ಗಾಯದ ಕಾರಣದಿಂದಾಗಿ ಐಪಿಎಲ್ 14ನೇ ಆವೃತ್ತಿಯಿಂದ ಮೊದಲಾರ್ಧದ ಪಂದ್ಯಗಳಿಂದ ಹೊರಗುಳಿದಿರುವ ಜೋಫ್ರಾ ಆರ್ಚರ್ ಟ್ವಿಟ್ಟರ್‌ನಲ್ಲಿ ಸುದ್ದಿಯಾಗಿದ್ದಾರೆ. ಸದಾ ಕ್ರಿಕೆಟ್ ವಿಚಾರವಾಗಿ ಟ್ವೀಟ್‌ಗಳನ್ನು ಮಾಡುವ ಆರ್ಚರ್ ಈ ಬಾರಿ ಸೂಕ್ಷ್ಮ ವಿಚಾರಕ್ಕೆ ಕಟು ಶಬ್ದಗಳ ಮೂಲಕ ಪ್ರತಿಕ್ರಿಯೆಯನ್ನು ನೀಡಿದ್ದಾರೆ. ತನ್ನ ತಂಡದ ಸಹ ಆಟಗಾರನ ಬಗ್ಗೆ ವಿನಾಕಾರಣ ವಿವಾದಾತ್ಮಕ ಟ್ವೀಟ್ ಮಾಡಿದ ಬಾಂಗ್ಲಾ ಲೇಖಕಿಗೆ ಆರ್ಚರ್ ತಿರುಗೇಟು ನೀಡಿದ್ದಾರೆ.
ಬಾಂಗ್ಲಾದೇಶ ಮೂಲದ ವಿವಾದಾತ್ಮಕ ಲೇಖಕಿ ತಸ್ಲಿಮಾ ನಸ್ರೀನ್ ಟ್ವಿಟ್ಟರ್‌ನಲ್ಲಿ ಇಂಗ್ಲೆಂಡ್ ತಂಡದ ಸ್ಪಿನ್ನರ್ ಮೊಯೀನ್ ಅಲಿ ವಿರುದ್ಧ ಟ್ವೀಟ್ ಮಾಡಿದ್ದರು. ಕ್ರಿಕೆಟ್‌ನಲ್ಲಿ ಅವಕಾಶ ದೊರೆಯದೆ ಇರುತ್ತಿದ್ದರೆ ಮೊಯೀನ್ ಅಲಿ ಸಿರಿಯಾಗೆ ತೆರಳಿ ಐಸಿಸ್ ಸೇರಿಕೊಂಡಿರುತ್ತಿದ್ದರು ಎಂದು ಆಕ್ಷೇಪಾರ್ಹ ಟ್ವೀಟ್ ಮಾಡಿದ್ದರು ತಸ್ಲಿಮಾ ನಸ್ರೀನ್. ಈ ಟ್ವೀಟ್ ಸಾಕಷ್ಟು ಟೀಕೆಗೆ ಗುರಿಯಾಗಿದ್ದು ಕ್ರಿಕೆಟ್ ಅಭಿಮಾನಿಗಳು ಇದನ್ನು ತೀವ್ರವಾಗಿ ಖಂಡಿಸಿದ್ದರು.
ಈ ವಿವಾದಾತ್ಮಕ ಟ್ವೀಟ್‌ಗೆ ಇಂಗ್ಲೆಂಡ್ ತಂಡದ ವೇಗಿ ಜೋಫ್ರಾ ಆರ್ಚರ್ ಪ್ರತಿಕ್ರಿಯಿಸಿದ್ದಾರೆ. ಕಠಿಣ ಶಬ್ಧಗಳನ್ನು ಬಳಸಿ ಬಾಂಗ್ಲಾದೇಶ ಮೂಲದ ಲೇಖಕಿಯನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ ಇಂಗ್ಲೆಂಡ್ ಕ್ರಿಕೆಟರ್ ಜೋಫ್ರಾ ಆರ್ಚರ್. "ನೀವು ಸರಿಯಾಗಿದ್ದೀರಾ? ನೀವು ಸರಿಯಾಗಿದ್ದೀರಿ ಎಂದು ನನಗೆ ಅನಿಸುತ್ತಿಲ್ಲ" ಎಂದು ಜೋಫ್ರಾ ಆರ್ಚರ್ ಟ್ವೀಟ್ ಮಾಡಿದ್ದಾರೆ.
Are you okay ? I don’t think you’re okay https://t.co/rmiFHhDXiO
— Jofra Archer (@JofraArcher) April 6, 2021
ತನ್ನ ಟ್ವೀಟ್ ವಿವಾದದ ರೂಪವನ್ನು ಪಡೆದುಕೊಂಡ ಬಳಿಕವೂ ತಸ್ಲಿಮಾ ನಸ್ರೀನ್ ಅದನ್ನು ಸಮರ್ಥನೆ ಮಾಡಿಕೊಂಡಿದ್ದಾರೆ. "ಮೊಯೀನ್ ಅಲಿ ಬಗೆಗಿನ ನನ್ನ ಟ್ವೀಟ್ ವ್ಯಂಗ್ಯವಾದದ್ದು ಎಂದು ನನ್ನ ವಿರೋಧಿಗಳಿಗೆ ತಿಳಿದಿದೆ. ಆದರೆ ಅವರು ಅದನ್ನು ತಿರುಚುತ್ತಿದ್ದಾರೆ ಯಾಕೆಂದರೆ ನಾನು ಮುಸ್ಲಿಂ ಸಮಾಜವನ್ನು ಜಾತ್ಯಾತೀತಗೊಳಿಸಲು ಪ್ರಯತ್ನಿಸುತ್ತೇನೆ ಮತ್ತು ನಾನು ಇಸ್ಲಾಮಿಕ್ ಮತಾಂಧತೆಯನ್ನು ವಿರೋಧಿಸುತ್ತೇನೆ. ಮಾನವಕುಲದ ಒಂದು ದೊಡ್ಡ ದುರಂತವೆಂದರೆ ಮಹಿಳಾ ಪರ ಎಡಪಂಥೀಯರು ಮಹಿಳಾ ವಿರೋಧಿ ಇಸ್ಲಾಮಿಸ್ಟ್‌ಗಳನ್ನು ಬೆಂಬಲಿಸುತ್ತಾರೆ" ಎಂದು ಟ್ವಿಟ್‌ ಮಾಡಿದ್ದಾರೆ.
Sarcastic ? No one is laughing , not even yourself , the least you can do is delete the tweet https://t.co/Dl7lWdvSd4
— Jofra Archer (@JofraArcher) April 6, 2021
ತಸ್ಲಿಮಾ ನಸ್ರೀನ್ ಅವರ ಈ ಎರಡನೇ ಟ್ವೀಟ್‌ಗೂ ಜೋಫ್ರಾ ಆರ್ಚರ್ ಖಾರವಾಗಿ ಪ್ರತಿಕ್ರಿಯಿಸಿದ್ದಾರೆ. "ವ್ಯಂಗ್ಯವಾದದ್ದಾ? ಯಾರೂ ನಗುತ್ತಿಲ್ಲ, ನೀವು ಕೂಡ, ಕನಿಷ್ಟ ಪಕ್ಷ ನೀವು ಟ್ವೀಟ್‌ಅನ್ನು ಡಿಲೀಟ್ ಮಾಡುವ ಕೆಲಸವನ್ನಾದರೂ ಮಾಡಬಹುದಿತ್ತು" ಎಂದು ತಿರುಗೇಟು ನೀಡಿದ್ದಾರೆ.
