ಪೋರ್ಟ್ ಎಲಿಝಬೆತ್, ಜನವರಿ 17: ದಕ್ಷಿಣ ಆಫ್ರಿಕಾ ವೇಗಿ ಕಾಗಿಸೋ ರಬಾಡಾಗೆ ಐಸಿಸಿ ಒಂದು ಟೆಸ್ಟ್ ಪಂದ್ಯದಿಂದ ನಿಷೇಧ ಹೇರಿದೆ. ದಕ್ಷಿಣ ಆಫ್ರಿಕಾದಲ್ಲಿ ನಡೆಯುತ್ತಿರುವ ಇಂಗ್ಲೆಂಡ್ vs ದಕ್ಷಿಣ ಆಫ್ರಿಕಾ ಪಂದ್ಯದಲ್ಲಿ ಅನುಚಿತವಾಗಿ ವರ್ತಿಸಿ ಐಸಿಸಿ ನಿಯಮ ಮೀರಿರುವುದರಿಂದ ರಬಾಡ ನಿಷೇಧಕ್ಕೀಡಾಗಿದ್ದಾರೆ.
ಭಾರತ vs ಆಸ್ಟ್ರೇಲಿಯಾ: ಕೆಟ್ಟ ದಾಖಲೆಗೆ ಕಾರಣರಾದ ವಿರಾಟ್ ಕೊಹ್ಲಿ!
ಪೋರ್ಟ್ ಎಲಿಝಬೆತ್ನ ಸೇಂಟ್ ಜಾರ್ಜ್ಸ್ ಸ್ಟೇಡಿಯಂನಲ್ಲಿ ದಕ್ಷಿಣ ಆಫ್ರಿಕಾ ಪ್ರವಾಸದಲ್ಲಿರುವ ಇಂಗ್ಲೆಂಡ್, ಆತಿಥೇಯರ ವಿರುದ್ಧ 3ನೇ ಟೆಸ್ಟ್ ಪಂದ್ಯವನ್ನಾಡುತ್ತಿದೆ. ಗುರುವಾರ (ಜನವರಿ 16) ನಡೆದ ಪಂದ್ಯದ ವೇಳೆ ರಬಾಡ ಎದುರಾಳಿಯನ್ನು ಔಟ್ ಮಾಡಿದ ಬಳಿಕ ಎಲ್ಲೆ ಮೀರಿ ವರ್ತಿಸಿದ್ದರು.
ಇಂಗ್ಲೆಂಡ್ ನಾಯಕ ಜೋ ರೂಟ್ ಅವರನ್ನು ಆಫ್ರಿಕಾ ವೇಗಿ ರಬಾಡ 64.5ನೇ ಓವರ್ನಲ್ಲಿ ಔಟ್ ಮಾಡಿದ್ದರು. ರೂಟ್ ಕೇವಲ 27 ರನ್ಗೆ ನಿರ್ಗಮಿಸಿದ್ದರು. ಈ ವೇಳೆ ರೂಟ್ ವಿಕೆಟ್ ದೊರೆಯುತ್ತಲೇ ರಬಾಡ ಜೋರಾಗಿ ಕಿರುಚಿ, ಎದುರಾಳಿಯನ್ನು ಅಣಕಿಸುವಂತೆ ವಿಕೆಟ್ ದೊರೆತಿದ್ದನ್ನು ಸಂಭ್ರಮಾಚರಿಸಿದ್ದರು.
ಸಚಿನ್, ಆಮ್ಲಾ ಹಿಂದಿಕ್ಕಿ ವಿಶ್ವದಾಖಲೆ ಬರೆದ ಹಿಟ್ಮ್ಯಾನ್ ರೋಹಿತ್ ಶರ್ಮಾ!
ರಬಾಡ ಅವರ ಈ ವರ್ತನೆ ಐಸಿಸಿ ನಿಯಮ ಮೀರಿಸಿದೆ. ಐಸಿಸಿ ಆರ್ಟಿಕಲ್ 2.5ರ ಪ್ರಕಾರ ಅಂತಾರಾಷ್ಟ್ರೀಯ ಪಂದ್ಯಗಳ ವೇಳೆ ಎದುರಾಳಿ ಬ್ಯಾಟ್ಸ್ಮನ್ ಔಟ್ ಆದಾಗ ಬೌಲರ್, ಆತನನ್ನು ಕೆಣಕುವ ರೀತಿಯಲ್ಲಿ ಪ್ರತಿಕ್ರಿಯಿಸುವಂತಿಲ್ಲ. ಹೀಗಾಗಿ ರಬಾಡ ಮುಂದಿನ ಪಂದ್ಯದಲ್ಲಿ ಆಡುವಂತಿಲ್ಲ. ನಾಲ್ಕು ಪಂದ್ಯಗಳ ಟೆಸ್ಟ್ ಸರಣಿ ಸದ್ಯ 1-1ರಿಂದ ಸಮಬಲಗೊಂಡಿದೆ.