Click it and Unblock the Notifications
ಕೆಪಿಎಲ್ ಆಟಗಾರರಿಗೆ ಕಮೀಷನರ್ ಆಫರ್
ಪ್ರಕರಣದಲ್ಲಿ ಸಾಕಷ್ಟು ಆಟಗಾರರು ಭಾಗಿಯಾಗಿರುವ ಕುರಿತು ಮಾಹಿತಿಯಿದೆ. ಈಗಾಗಲೇ ಹಲವು ಆಟಗಾರರನ್ನು ಬಂಧಿಸಲಾಗಿದೆ. ಪ್ರಕರಣದಲ್ಲಿ ತನಿಖೆಗೆ ಸಹಕಾರಿಯಾಗುವ ನಿಟ್ಟಿನಲ್ಲಿ ಆಟಗಾರರಿಗೆ ಅವಕಾಶವನ್ನು ಕಮೀಷನರ್ ನೀಡಿದ್ದಾರೆ. ಹಗರಣದಲ್ಲಿ ಯಾವುದೇ ರೀತಿಯಲ್ಲಾದರು ಸಂಪರ್ಕದಲ್ಲಿದ್ದರೆ ಅಂತಾ ಆಟಗಾರರು ಸಿಆರ್‌ಪಿಸಿ ಪ್ರಕಾರ ತಾವಾಗಿಯೇ ಮುಂದೆ ಬಂದು ತನಿಖೆಗೆ ಸಹಕಾರ ನೀಡುವಂತೆ ಹೇಳಿದ್ದಾರೆ. ಈ ಮೂಲಕ ಅರೆಸ್ಟ್‌ ಆಗುವುದರಿಂದ ಬಚಾವ್ ಆಗಬಹುದು ಎಂದು ತಿಳಿಸಿದ್ದಾರೆ.
ಕ್ಲಬ್ ಮೂಲಕ ಶಿಂಧೆ ಫಿಕ್ಸಿಂಗ್
ಸೋಷಿಯಕ್ ಕ್ಲಬ್ ಹೆಸರಿನಲ್ಲಿ ಬಂಧಿತ ಸುಧೀಂದ್ರ ಶಿಂಧೆ ಕ್ಲಬ್ ನಡೆಸುತ್ತಿದ್ದರು. ಈ ಕ್ಲಬ್‌ನ ಬಹುತೇಕ ಆಟಗಾರರು ಕೆಪಿಎಲ್‌ನಲ್ಲಿ ಭಾಗಿಯಾಗಿದ್ದಾರೆ. ಈ ಕ್ಲಬ್‌ಗೆ ಇದೇ ಪ್ರಕರಣದಲ್ಲಿ ಈ ಹಿಂದೆಯೇ ಬಂಧಿತನಾಗಿರುವ ಅಷ್ಪಾಕ್ ಅಲಿ ಸ್ಪಾನ್ಸರ್ ಮಾಡುತ್ತಿದ್ದ. ಇವರಿಬ್ರು ಆಟಗಾರರ ಜೊತೆ ಸೇರಿ ಪಂದ್ಯಗಳನ್ನು ಫಿಕ್ಸ್‌ ಮಾಡುತ್ತಿದ್ದ ವಿಚಾರ ತನಿಖೆಯಲ್ಲಿ ಬಹಿರಂಗವಾಗಿದೆ.
ಕೆಎಸ್‌ಸಿಎ ಸಂಸ್ಥೆಗೇ ಉರುಳಾಗುತ್ತಾ ಕೆಪಿಎಲ್ ಫಿಕ್ಸಿಂಗ್ ಹಗರಣ
ಹನಿ ಟ್ರ್ಯಾಪ್‌ನಲ್ಲಿ ಸ್ಯಾಂಡಲ್‌ವುಡ್ ನಟಿಯರು
ಇಡೀ ಸ್ಪಾಟ್‌ ಫಿಕ್ಸಿಂಗ್ ಪ್ರಕರಣವನ್ನು ಹನಿ ಟ್ರ್ಯಾಪ್ ಜಾಲದ ಮೂಲಕ ನಡೆಸಲಾಗಿತ್ತು ಅನ್ನೋದು ತನಿಖೆಯ ಆರಂಭದಲ್ಲೇ ಬೆಳಕಿಗೆ ಬಂದಿತ್ತು. ಇದಕ್ಕಾಗಿ ಸ್ಯಾಂಡಲ್‌ವುಡ್ ನಟಿಯರನ್ನು ಬಳಸಿಕೊಳ್ಳಲಾಗಿದೆ ಎನ್ನಲಾಗ್ತಿದೆ. ಹೀಗಾಗಿ ಕೋನದಲ್ಲೂ ಪ್ರಕರಣದ ತನಿಖೆ ನಡೆಯುತ್ತಿದೆ.
ಕ್ರಿಕೆಟ್ ಅಂಗಳದಿಂದ ಸಿನಿಮಾ ರಂಗದವರೆಗೆ ತನಿಖೆ!
ಹನಿ ಟ್ರ್ಯಾಪ್ ಮಾತ್ರವಲ್ಲದೆ ಮ್ಯಾಚ್ ಬಳಿಕ ಆಫ್ಟರ್ ಮ್ಯಾಚ್ ಪಾರ್ಟಿಯಲ್ಲಿ ಸಿನಿಮಾ ನಟ ನಟಿಯರು ಭಾಗಿಯಾಗಿದ್ದಾರೆ. ಅಂತಹ ನಟ ನಟಿಯರಿಗೂ ಈ ಫಿಕ್ಸಿಂಗ್ ಪ್ರಕರಣದಲ್ಲಿ ನಂಟಿರುವ ಕುರಿತು ಅನುಮಾನಗಳಿವೆ. ಕೆಲವೇ ಕೆಲ ಸಿನಿಮಾಗಳಲ್ಲಿ ಕಾಣಿಸಿಕೊಂಡಿದ್ದರೂ ಅವರ ಐಷಾರಾಮಿ ಜೀವನ ಪೊಲೀಸರಿಗೆ ಅನುಮಾನ ತರಿಸಿದ್ದು ಅವರನ್ನೂ ತನಿಖೆಗೊಳಪಡಿಸುವ ಸಿದ್ಧತೆಯಲ್ಲಿದ್ದಾರೆ ಪೊಲೀಸರು.
