ಟೀಮ್ ಇಂಡಿಯಾ ನಾಯಕತ್ವಕ್ಕೆ ವಿರಾಟ್ ನಂತರ ಕನ್ನಡಿಗನೇ ಮುಂದೆ: ಆಕಾಶ್ ಚೋಪ್ರ

ಅಭಿಮಾನಿ ಪ್ರಶ್ನೆಗೆ ಆಕಾಶ್ ಉತ್ತರ

ಫೇಸ್‌ಬುಕ್‌ನಲ್ಲಿ ಅಭಿಮಾನಿಯೋರ್ವ ಆಕಾಶ್ ಚೋಪ್ರಾ ಬಳಿ ಕಿಂಗ್ಸ್ XI ತಂಡದ ನಾಯಕನಾಗಿರುವ ಕೆಎಲ್ ರಾಹುಲ್ ಅವರನ್ನು ಹೇಗೆ ನೋಡುವಿರಿ? ಅವರು ಟೀಮ್ ಇಂಡಿಯಾವನ್ನು ಭವಷ್ಯದಲ್ಲಿ ಮುನ್ನಡೆಸಬಲ್ಲರೇ ಎಂದು ಪ್ರಶ್ನಿಸಿದ್ದರು. ಈ ಪ್ರಶ್ನೆಗೆ ಉತ್ತರಿಸಿದ ಆಕಾಶ್ ಚೋಪ್ರ ಕೆಎಲ್ ರಾಹುಲ್ ಆಟದ ಮೇಲೆ ಬಾರೀ ದೊಡ್ಡ ನಿರೀಕ್ಷೆಯಿಟ್ಟುಕೊಂಡಿರುವುದಾಗಿ ಹೇಳಿಕೊಂಡಿದ್ದಾರೆ. ಜೊತೆಗೆ ಕೆಎಲ್ ಆ ನೀರೀಕ್ಷೆಯನ್ನು ಪೂರೈಸಲಿದ್ದಾರೆ ಎಂಬ ಭರವಸೆಯನ್ನೂ ವ್ಯಕ್ತಪಡಿಸಿದ್ದಾರೆ.

ಈ ಐಪಿಎಲ್ ಕೆಎಲ್‌ಗೆ ಉತ್ತಮ ಅವಕಾಶ

ರಾಹುಲ್ ನಾಯಕತ್ವದ ಬಗ್ಗೆ ಮಾತನಾಡಿದ ಚೋಪ್ರ "ಕೆಎಲ್ ರಾಹುಲ್ ನಾಯಕತ್ವ ಉತ್ತಮವಾಗಿರಲಿದೆ ಎಂಬ ಭರವಸೆ ನನಗಿದೆ ಎಂದಿದ್ದಾರೆ. ಜೊತೆಗೆ ಈ ಬಾರಿಯ ಐಪಿಎಲ್ ಪ್ರತಿಯೊಬ್ಬರಿಗೂ ರಾಹುಲ್ ತಂಡವನ್ನು ಹೇಗೆ ಮುನ್ನಡೆಸುತ್ತಾರೆ ಯಾವ ರೀತಿಯ ತಂತ್ರಗಳನ್ನು ನಿರ್ಧಾರಗಳನ್ನು ತೆಗೆದುಕೊಳ್ಳುತ್ತಾರೆ ಎಂದು ಅರಿತುಕೊಳ್ಳಲು ಇದು ಉತ್ತಮ ಅವಕಾಶ ಎಂದು ಪ್ರತಿಕ್ರಿಯಿಸಿದ್ದಾರೆ.

ಕೊಹ್ಲಿ ನಂತರ ಟೀಮ್ ಇಂಡಿಯಾ ನಾಯಕತ್ವ

ಇದೇ ಸಂದರ್ಭದಲ್ಲಿ ವಿರಾಟ್ ಕೊಹ್ಲಿಯ ನಾಯಕತ್ವದ ಬಳಿಕ ಮುಂದಿನ ನಾಯಕತ್ವ ಕೆಎಲ್ ರಾಹುಲ್ ಪಾಲಾಗುವ ಸಾಧ್ಯತೆಯನ್ನು ಹಂಚಿಕೊಂಡರು. ವಿರಾಟ್ ಕೊಹ್ಲಿ ಹಾಗೂ ರೋಹಿತ್ ಶರ್ಮಾ ಒಂದೇ ವಯಸ್ಸಿನವರಾಗಿರುವುದರಿಂದ ಕೊಹ್ಲಿ ನಾಯಕತ್ವ ತ್ಯಜಿಸಿದ ನಂತರ ಯುವ ಆಟಗಾರ ಮುನ್ನಡೆಸುವುದನ್ನು ಬಯಸುವ ಸಾಧ್ಯತೆಯೇ ಇರುತ್ತದೆ. ಹೀಗಾಗಿ ಕೆಎಲ್ ರಾಹುಲ್ ನಾಯಕನಾಗುವ ಸಾಧ್ಯತೆ ಹೆಚ್ಚಿದ ಎಂದು ಆಕಾಶ್ ಚೋಪ್ರ ಆಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಉತ್ತಮ ನಾಯಕನಾಗುತ್ತಾರೆ

ಈ ಐಪಿಎಲ್ ಕೆಎಲ್ ರಾಹುಲ್ ನಾಯಕಾಗಿ ಹೇಗೆ ಕಾಣಿಸಿಕೊಳ್ಳುತ್ತಾರೆ ಎಂದುದನ್ನು ತೋರಿಸಲಿದೆ. ಆದರೆ ನಾನು ಆತ ಆಡುವ ರೀತಿ ಹಾಗೂ ಆತನ ಮನೋಧರ್ಮದಿಂದ ಆತನೋರ್ವ ಉತ್ತಮ ನಾಯಕನಾಗುತ್ತಾನೆ ಎಂದು ಭಾವಿಸುತ್ತೇನೆ ಎಂದು ಕೆಎಲ್ ರಾಹುಲ್ ಬಗ್ಗೆ ಆಕಾಶ್ ಚೋಪ್ರ ಮುಕ್ತಕಂಠದಿಂದ ಹೊಗಳಿದ್ದಾರೆ.