ಇಬ್ಬರ ನಾಯಕತ್ವದ ಶೈಲಿಯೂ ಭಿನ್ನ
ಟೈಮ್ಸ್ ಆಫ್ ಇಂಡಿಯಾ ಜೊತೆ ಮಾತನಾಡಿದ ಲಕ್ಷ್ಮಣ್, ವಿರಾಟ್ ಕೊಹ್ಲಿ ಮತ್ತು ಎಂಎಸ್ ಧೋನಿ ಇಬ್ಬರ ನಾಯಕತ್ವದ ಶೈಲಿಯೂ ಎರಡು ವಿಭಿನ್ನ ತಂಡದ ಅಭಿವೃದ್ಧಿಗೆ ಕಾರಣವಾಗಿದೆ. ಎರಡೂ ತಂಡಗಳೂ ತನ್ನದೇ ರೀತಿಯಲ್ಲಿ ಯಶಸ್ಸಿಗೆ ದಾರಿ ಕಂಡುಕೊಂಡಿವೆ ಎಂದಿದ್ದಾರೆ.
ಏಕದಿನದಲ್ಲಿ ಗೆಲುವಿನ ಶೇಕಡಾವಾರು
ಧೋನಿ ಒಟ್ಟಿಗೆ 200 ಏಕದಿನ ಪಂದ್ಯಗಳಲ್ಲಿ ತಂಡದ ನಾಯಕತ್ವ ವಹಿಸಿದ್ದಾರೆ. ಇದರಲ್ಲಿ 59.52ರ ಜಯದ ಶೇಕಡಾವಾರಿನಂತೆ ಭಾರತ 110 ಪಂದ್ಯಗಳಲ್ಲಿ ಗೆದ್ದಿದೆ. ಕೊಹ್ಲಿ 89 ಏಕದಿನ ಪಂದ್ಯಗಳಲ್ಲಿ ಭಾರತಕ್ಕೆ ನಾಯಕನಾಗಿ ಜವಾಬ್ದಾರಿ ನಿರ್ವಹಿಸಿದ್ದು ಇದರಲ್ಲಿ 71.83 ಜಯದ ಶೇಕಡಾವಾರಿನಂತೆ 62 ಪಂದ್ಯಗಳಲ್ಲಿ ಭಾರತ ಗೆದ್ದಿದೆ.
ಕೊಹ್ಲಿ ಆಕ್ರಮಣಕಾರಿ ನಾಯಕ
'(ಕೊಹ್ಲಿ, ಧೋನಿ) ಇಬ್ಬರೂ ವಿಭಿನ್ನ ನಾಯಕರು. ವಿರಾಟ್ ಹೆಚ್ಚು ಆಕ್ರಮಣಕಾರಿ ಮತ್ತು ಅಭಿವ್ಯಕ್ತಿಶೀಲ ರೀತಿಯ ನಾಯಕ. ಎಂಎಸ್ ಧೋನಿ ತೋರಿಕೆಯಿಂದ ಕೊಂಚ ದೂರ ಉಳಿಯುತ್ತಾರೆ. ನಾವು ಕಷ್ಟಪಟ್ಟು ಅವರ ಮುಖಚಹರೆ ನೋಡಿ ಅವರ ದೇಹ ಏನು ಮಾತನಾಡುತ್ತಿದೆ ಎಂದು ನೋಡಬೇಕಾಗುತ್ತದೆ. ಆದರೆ ಎಂಎಸ್ಡಿ ಬೌಲರ್ಗಳಿಗೆ ಬಲು ಹತ್ತಿರದ ನಾಯಕ. ಇದು ಬೌಲರ್ಗಳಿಗೆ ಬಲುದೊಡ್ಡ ಪ್ರಯೋಜನವಾಗಿದೆ,' ಎಂದು ಲಕ್ಷ್ಮಣ್ ವಿವರಿಸಿದ್ದಾರೆ.
ಟೆಸ್ಟ್ ಕ್ರಿಕೆಟ್ನಲ್ಲಿನ ಏಳು-ಬೀಳು
ಕೂಲ್ ಕ್ಯಾಪ್ಟನ್ ಧೋನಿ ನಾಯಕತ್ವ ವಹಿಸಿದ್ದ 60 ಟೆಸ್ಟ್ ಪಂದ್ಯಗಳಲ್ಲಿ 45ರ ಶೇಕಡಾವಾರಿನಂತೆ ಭಾರತ 27 ಪಂದ್ಯಗಳನ್ನು ಗೆದ್ದು 18 ಪಂದ್ಯಗಳನ್ನು ಸೋತಿದೆ. ಕೊಹ್ಲಿಯಡಿಯಲ್ಲಿ ಭಾರತ 55 ಪಂದ್ಯಗಳನ್ನಾಡಿದ್ದು, ಇದರಲ್ಲಿ ವಿನ್ನಿಂಗ್ ಪರ್ಸೆಂಟೇಜ್ 60ರಂತೆ 33 ಪಂದ್ಯಗಳನ್ನು ಗೆದ್ದಿದೆ, 12 ಪಂದ್ಯಗಳನ್ನು ಸೋತಿದೆ.