ನವದೆಹಲಿ: ಜಾಂಟಿ ರೋಡ್ಸ್ ಅಂದ ಕೂಡಲೇ ಅವರ ಅದ್ಭುತ ಫೀಲ್ಡಿಂಗ್ ಕಣ್ಣ ಮುಂದೆ ಬರುತ್ತೆ. ಕ್ರಿಕೆಟ್ ಅಂದರೆ ಬ್ಯಾಟಿಂಗ್, ಬೌಲಿಂಗ್ನ ರಸದೌತಣ ಮಾತ್ರವಲ್ಲ; ರೋಮಾಂಚಕ ಫೀಲ್ಡಿಂಗ್ ಕೂಡ ಇಲ್ಲಿ ಮನರಂಜಿಸಬಲ್ಲದು ಎಂದು ಜಗಕೆ ಸಾರಿ ಹೇಳಿದವರು ದಕ್ಷಿಣ ಆಫ್ರಿಕಾದ ರೋಡ್ಸ್.
'ಇಂಗ್ಲೆಂಡ್, ಆಸ್ಟ್ರೇಲಿಯಾ ಪ್ಲೇಯರ್ಸ್ ಐಪಿಎಲ್ ಆರಂಭದಲ್ಲಿ ಆಡೋ ಖಾತ್ರಿಯಿಲ್ಲ'
ಜಾಂಟಿ ರೋಡ್ಸ್ ಆಡುತ್ತಿದ್ದ ದಿನಗಳಲ್ಲಿ ಅವರ ಅಪ್ರತಿಮ ಫೀಲ್ಡಿಂಗ್ ಕಣ್ತುಂಬಿಕೊಳ್ಳಲು ಟಿವಿ ಮುಂದೆ ಕೂರುತ್ತಿದ್ದವರಿದ್ದರು. ಫೀಲ್ಡಿಂಗ್ಗೆ ಆ ಪರಿಯ ಖ್ಯಾತಿ ಪಡೆದವರು ರೋಡ್ಸ್. ರೋಡ್ಸ್ಗೀಗ 51ರ ಹರೆಯ. ಆದರೆ ಈ ಇಳಿವಯಸ್ಸಲ್ಲೂ ರೋಡ್ಸ್ ಅದ್ಭುತ ಕ್ಯಾಚ್ ಪಡೆದು ಗಮನ ಸೆಳೆದಿದ್ದಾರೆ.
ಈ ಸಲ ಕಪ್ ಗೆಲ್ಲಲು ಆರ್ಸಿಬಿಗೆ ಪ್ರಮುಖ ಸಲಹೆ ಕೊಟ್ಟ ಗೌತಮ್ ಗಂಭೀರ್
ಜಾಂಟಿರೋಡ್ಸ್ ಈಗ ಕಿಂಗ್ಸ್ ಇಲೆವೆನ್ ಪಂಜಾಬ್ನ ಪೀಲ್ಡಿಂಗ್ ಕೋಚ್ ಆಗಿದ್ದಾರೆ. ಸೆಪ್ಟೆಂಬರ್ 19ರಿಂದ ಯುಎಇಯಲ್ಲಿ ಆರಂಭಗೊಳ್ಳಲಿರುವ 13ನೇ ಆವೃತ್ತಿಯ ಐಪಿಎಲ್ಗಾಗಿ ರೋಡ್ಸ್ ತನ್ನ ತಂಡವನ್ನು ಸಜ್ಜುಗೊಳಿಸುತ್ತಿದ್ದಾರೆ. ಈ ವೇಳೆ ರೋಡ್ಸ್ ಅವರ ಅದ್ಭುತ ಕ್ಯಾಚ್ ಕಾಣಸಿಕ್ಕಿದೆ.
Never too old to have fun in the @lionsdenkxip Can still manage to fly at 51, just the landing is a little bumpy #SaddaPunjab https://t.co/4KYKrxmwZW
— Jonty Rhodes (@JontyRhodes8) September 14, 2020
ಕೆXIಪಿಗೆ ಫೀಲ್ಡಿಂಗ್ ಕೌಶಲಗಳನ್ನು ಹೇಳಿಕೊಡುವಾಗ ಈ ವಿಡಿಯೋ ಸೆರೆ ಹಿಡಿಯಲಾಗಿದೆ. 51ರ ಹರೆಯದಲ್ಲೂ ಕ್ಯಾಚ್ ಪಡೆದು ಬೆರಗು ಮೂಡಿಸಿದ ರೋಡ್ಸ್ ಅವರ ಈ ವಿಡಿಯೋವನ್ನು ಪಂಜಾಬ್ ತನ್ನ ಟ್ವಿಟರ್ ಖಾತೆಯಲ್ಲಿ ಹಾಕಿಕೊಂಡಿದೆ. ಜೊತೆಗೆ 'ನೀವು ಹೀಗೆ ಕ್ಯಾಚ್ ಪಡೆಯಬಲ್ಲಿರಾ?' ಎಂದು ಸಾಲೊಂದನ್ನೂ ಸೇರಿಸಿಕೊಂಡಿದೆ.