2019ರಿಂದ ಇಲ್ಲಿಯವರೆಗೆ ಅತಿ ಹೆಚ್ಚು ಅಂತಾರಾಷ್ಟ್ರೀಯ ಶತಕ ಬಾರಿಸಿರುವ ಬ್ಯಾಟ್ಸ್ಮನ್ಗಳು
2019ರಿಂದ ಇಲ್ಲಿಯವರೆಗೆ ಅತಿ ಹೆಚ್ಚು ಅಂತಾರಾಷ್ಟ್ರೀಯ ಶತಕ ಬಾರಿಸಿರುವ ಬ್ಯಾಟ್ಸ್ಮನ್ಗಳ ಪಟ್ಟಿ ಈ ಕೆಳಕಂಡಂತಿದೆ..
1. ರೋಹಿತ್ ಶರ್ಮಾ: 12 ಶತಕಗಳು
2. ಬಾಬರ್ ಅಜಮ್: 11 ಶತಕಗಳು
3. ಜೋ ರೂಟ್: 10 ಶತಕಗಳು
4. ಡೇವಿಡ್ ವಾರ್ನರ್: 8 ಶತಕಗಳು
5. ವಿರಾಟ್ ಕೊಹ್ಲಿ: 7 ಶತಕಗಳು
6. ಸ್ಟೀವ್ ಸ್ಮಿತ್: 7 ಶತಕಗಳು
7. ಕೇನ್ ವಿಲಿಯಮ್ಸನ್: 7 ಶತಕಗಳು
ಕೆಟ್ಟ ಫಾರ್ಮ್ ಎಂದವರಿಗೆ ಈ ಶತಕಗಳೇ ಉತ್ತರ
ರೋಹಿತ್ ಶರ್ಮಾ ಹೇಳಿಕೊಳ್ಳುವಂತಹ ಪ್ರದರ್ಶನವನ್ನೇನೂ ನೀಡುತ್ತಿಲ್ಲ, ಇವರಿಗೆಲ್ಲಾ ಸುಮ್ಮನೆ ಅವಕಾಶಗಳನ್ನು ನೀಡುವ ಬದಲು ಯುವ ಆಟಗಾರರಿಗೆ ಮನ್ನಣೆಯನ್ನು ನೀಡಿ ಎಂಬ ಮಾತುಗಳು ಕೇಳಿಬಂದಿದ್ದವು. ಹೀಗೆ ರೋಹಿತ್ ಶರ್ಮಾರನ್ನು ಗುರಿಯಾಗಿಸಿ ಟೀಕೆ ನಡೆಸುವವರಿಗೆ 2019ರಿಂದೀಚೆಗೆ ಅತಿ ಹೆಚ್ಚು ಶತಕ ಬಾರಿಸಿರುವ ಬ್ಯಾಟ್ಸ್ಮನ್ಗಳ ಪಟ್ಟಿಯೇ ಉತ್ತರ ಎಂದು ಹೇಳಿದರೆ ತಪ್ಪಾಗಲಾರದು. ವಿಶ್ವದ ಹಲವಾರು ಟಾಪ್ ಬ್ಯಾಟ್ಸ್ಮನ್ಗಳಿಗಿಂತ ರೋಹಿತ್ ಶರ್ಮಾ ಉತ್ತಮ ಬ್ಯಾಟಿಂಗ್ ನಡೆಸುತ್ತಿದ್ದಾರೆ ಎಂಬುದಕ್ಕೆ ಈ ಶತಕಗಳ ಪಟ್ಟಿಯೇ ಸಾಕ್ಷಿ.
ವಿರಾಟ್ ಕೊಹ್ಲಿಯ ಆ 7 ಶತಕಗಳೂ 2019ರದ್ದೇ!
ಇನ್ನು ಈ ಪಟ್ಟಿಯಲ್ಲಿ ನಾವು ವಿಶೇಷವಾಗಿ ಗಮನಿಸಬೇಕಾದ ಅಂಶವೆಂದರೆ ಅದು ವಿರಾಟ್ ಕೊಹ್ಲಿ ಬಾರಿಸಿರುವ 7 ಶತಕಗಳು. ಹೌದು, 2019ರಿಂದ ಇಲ್ಲಿಯವರೆಗೂ ವಿರಾಟ್ ಕೊಹ್ಲಿ ಒಟ್ಟು 7 ಅಂತಾರಾಷ್ಟ್ರೀಯ ಶತಕಗಳನ್ನು ಬಾರಿಸಿದ್ದಾರೆ. ಈ 7 ಶತಕಗಳನ್ನೂ ವಿರಾಟ್ ಕೊಹ್ಲಿ ಬಾರಿಸಿರುವುದು 2019ನೇ ವರ್ಷದಲ್ಲಿಯೇ. ನಂತರ 2020 ಮತ್ತು 2021ರಲ್ಲಿ ವಿರಾಟ್ ಕೊಹ್ಲಿ ಯಾವುದೇ ಶತಕಗಳನ್ನು ಬಾರಿಸಿಲ್ಲ.