ಸೆಪ್ಟೆಂಬರ್ 10ರಂದು ಫೈನಲ್
ಆಗಸ್ಟ್ 18ರಂದು ಆರಂಭಗೊಳ್ಳುವ ಸಿಪಿಎಲ್ ಸೆಪ್ಟೆಂಬರ್ 10ರಂದು ಫೈನಲ್ನೊಂದಿಗೆ ಕೊನೆಗೊಳ್ಳಲಿದೆ. ಉದ್ಘಾಟನಾ ಪಂದ್ಯದಲ್ಲಿ ಟ್ರಿನ್ಬಾಗೋ ನೈಟ್ ರೈಡರ್ಸ್ ಮತ್ತು ಗಯಾನಾ ಅಮೇಝಾನ್ ವಾರಿಯರ್ಸ್ ತಂಡಗಳು ಕಾದಾಡಲಿವೆ. ಆರಂಭಿಕ ಪಂದ್ಯ ಟ್ರನಿಡಾಡ್ನ ಬ್ರಿಯಾನ್ ಲಾರಾ ಸ್ಟೇಡಿಯಂನಲ್ಲಿ ಭಾರತೀಯ ಕಾಲಮಾನ 7.30 pmಗೆ ಆರಂಭವಾಗಲಿದೆ.
ಒಬ್ಬ ಭಾರತೀಯ ಆಟಗಾರ
ಸಿಪಿಎಲ್ನಲ್ಲಿ ಟ್ರಿನ್ಬಾಗೊ ನೈಟ್ ರೈಡರ್ಸ್, ಜಮೈಕಾ ತಲೈವಾಸ್, ಸೇಂಟ್ ಲೂಸಿಯಾ ಝೌಕ್ಸ್, ಸೇಂಟ್ ಕೈಟ್ಸ್ ಆ್ಯಂಡ್ ನೇವಿಸ್ ಪ್ಯಾಟ್ರಿಯೋಟ್ಸ್, ಬಾರ್ಬೊಡೋಸ್ ಟ್ರಿಡೆಂಟ್ಸ್ ಮತ್ತು ಗಯಾನಾ ಅಮೇಝಾನ್ ವಾರಿಯರ್ಸ್ ತಂಡಗಳು ಸೆಣಸಾಡಲಿವೆ. ಇದರಲ್ಲಿ ಒಬ್ಬ ಭಾರತೀಯ ಆಟಗಾರರೂ ಇದ್ದಾರೆ. ಕೋಲ್ಕತ್ತಾ ನೈಟ್ ರೈಡರ್ಸ್ ಪರ ಆಡುವ 48ರ ಹರೆಯದಪ್ರವೀಣ್ ತಾಂಬೆ ಟ್ರಿನ್ಬಾಗೊ ನೈಟ್ ರೈಡರ್ಸ್ ಪರ ಸಿಪಿಎಲ್ನಲ್ಲಿ ಆಡಲಿದ್ದಾರೆ.
ಟ್ರನ್ಬಾಗೊ ನೈಟ್ ರೈಡರ್ಸ್ ಯಶಸ್ವಿ ತಂಡ
33 ಪಂದ್ಯಗಳನ್ನೊಳಗೊಂಡ ಸಿಪಿಎಲ್ನಲ್ಲಿ ಟ್ರನ್ಬಾಗೊ ನೈಟ್ ರೈಡರ್ಸ್ ಯಶಸ್ವಿ ತಂಡ ಎನಿಸಿಕೊಂಡಿದೆ. ಟ್ರನ್ಬಾಗೊ ನೈಟ್ ರೈಡರ್ಸ್ 3 ಬಾರಿ ಚಾಂಪಿಯನ್ ಪಟ್ಟ ಗೆದ್ದುಕೊಂಡಿದೆ. ಟೂರ್ನಿಯಲ್ಲಿ ಅತೀ ಹೆಚ್ಚು ರನ್ ದಾಖಲೆ ಕ್ರಿಸ್ ಗೇಲ್ (2354) ಹೆಸರಿನಲ್ಲಿದ್ದರೆ, ಹೆಚ್ಚು ವಿಕೆಟ್ ದಾಖಲೆ ಡ್ವೇನ್ ಬ್ರಾವೋ (97 ವಿಕೆಟ್) ಹೆಸರಿನಲ್ಲಿದೆ.
ಸಿಪಿಎಲ್ನಲ್ಲಿ ಆಡುವ ಐಪಿಎಲ್ ಆಟಗಾರರು
ಕೋಲ್ಕತ್ತಾ ನೈಟ್ ರೈಡರ್ಸ್ (ಕೆಕೆಆರ್): ಆ್ಯಂಡ್ರೆ ರಸ್ಸೆಲ್, ಕ್ರಿಸ್ ಗ್ರೀನ್, ಸುನಿಲ್ ನರೈನ್.
ಡೆಲ್ಲಿ ಕ್ಯಾಪಿಟಲ್ಸ್ (ಡಿಸಿ): ಸಂದೀಪ್ ಲಮಿಚೇನ್, ಶಿಮ್ರಾನ್ ಹೆಟ್ಮೈಯರ್, ಕೀಮೊ ಪಾಲ್.
ರಾಜಸ್ಥಾನ್ ರಾಯಲ್ಸ್ (ಆರ್.ಆರ್): ಓಶೇನ್ ಥಾಮಸ್.
ಸನ್ ರೈಸರ್ಸ್ ಹೈದರಾಬಾದ್ (ಎಸ್ಆರ್ಹೆಚ್): ಮೊಹಮ್ಮದ್ ನಬಿ, ರಶೀದ್ ಖಾನ್.
ಕಿಂಗ್ಸ್ ಇಲೆವೆನ್ ಪಂಜಾಬ್ (ಕೆXIಪಿ): ನಿಕೋಲಸ್ ಪೂರನ್, ಶೆಲ್ಡನ್ ಕಾಟ್ರೆಲ್.
ಮುಂಬೈ ಇಂಡಿಯನ್ಸ್ (ಎಂಐ): ಶೆರ್ಫೇನ್ ರುದರ್ಫೋರ್ಡ್, ಕ್ರಿಸ್ ಲಿನ್, ಕೀರನ್ ಪೊಲಾರ್ಡ್.
ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್ಕೆ) - ಇಮ್ರಾನ್ ತಾಹಿರ್, ಮಿಚೆಲ್ ಸ್ಯಾಂಟ್ನರ್, ಡ್ವೇನ್ ಬ್ರಾವೋ.