Click it and Unblock the Notifications
ದಕ್ಷಿಣ ಆಫ್ರಿಕಾ ಗೆಲ್ಲಲೇಬೇಕು
ವಿಶ್ವಕಪ್ ಆರಂಭಿಕ ಎರಡೂ ಪಂದ್ಯಗಳಲ್ಲಿ ಮುಗ್ಗರಿಸಿರುವುದರಿಂದ ಪ್ರೋಟಿಯಾಸ್, ಜೂನ್ 5ರಂದು ಭಾರತ ವಿರುದ್ಧದ ಪಂದ್ಯದಲ್ಲಿ ಶತಾಯ ಗತಾಯ ಗೆಲ್ಲಲೇಬೇಕಿದೆ. ಇಲ್ಲದಿದ್ದರೆ ತಂಡದ ವಿಶ್ವಕಪ್ ಸೆಮಿಫೈನಲ್ ಕನಸು ದುಬಾರಿಯಾಗಲಿದೆ. ಹೀಗಾಗಿ ಈ ಪ್ರಮುಖ ಪಂದ್ಯದಲ್ಲಿ ಡೇನ್ ಸ್ಟೇನ್ ಅವರನ್ನು ಕಣಕ್ಕಿಳಿಸಲೂಬಹುದು.
ಹೊರಬಿದ್ದ ಎನ್‌ಗಿಡಿ
ಜೂನ್ 2ರಂದಿನ ಬಾಂಗ್ಲಾ ವಿರುದ್ಧದ ಪಂದ್ಯದಲ್ಲಿ ಲುಂಗಿ ಎನ್‌ಗಿಡಿ ಹ್ಯಾಮ್‌ಸ್ಟ್ರಿಂಗ್ ಇಂಜುರಿಗೀಡಾಗಿ ತಂಡದಿಂದ ಹೊರ ಬಿದ್ದಾಗ ಆಫ್ರಿಕಾ ಆಘಾತ ಅನುಭವಿಸಿತ್ತು. ಆಫ್ರಿಕಾ ತಂಡವೇ ನೀಡಿರುವ ಮಾಹಿತಿ ಪ್ರಕಾರ ಜೂನ್ 3ರಿಂದ ಎನ್‌ಗಿಡಿಗೆ ಸುಮಾರು 10 ದಿನಗಳ ವಿಶ್ರಾಂತಿ ಅನಿವಾರ್ಯವಾಗಿದೆ. ಆದರೆ ಜೂನ್ 3ರ ವೇಳೆ ತಣ್ಣಗೆ ಅಭ್ಯಾಸ ನಡೆಸಿದ್ದ ಡೇಲ್ ಸ್ಟೇನ್ ಚೇತರಿಕೆಯ ಮುನ್ಸೂಚನೆ ನೀಡಿದ್ದರು. ಮತ್ತೊಂದೆಡೆ ಆಫ್ರಿಕಾದ ಹಾಶಿಮ್ ಆಮ್ಲಾ ಕೂಡ ಚೇತರಿಸಿಕೊಳ್ಳುತ್ತಿರುವುದಾಗಿ ತಿಳಿದುಬಂದಿದೆ.
ಡೇಲ್ ಸ್ಟೇನ್ ಇನ್
ವಿಶ್ವಕಪ್ ಟೂರ್ನಿಯಲ್ಲಿ ದಕ್ಷಿಣ ಆಫ್ರಿಕಾ ಸತತ ಎರಡು ಪಂದ್ಯಗಳಲ್ಲಿ ಸೋತಿದ್ದು ತೀರಾ ಕಡಿಮೆ. ಇನ್ನು ಭಾರತ ವಿರುದ್ಧವೂ ಸೋತರೆ ಆಫ್ರಿಕಾ, ವಿಶ್ವಕಪ್‌ನಲ್ಲಿ ಸತತ 3 ಪಂದ್ಯಗಳಲ್ಲಿ ಸೋತು ಬೇಡದ ದಾಖಲೆಗೆ ಕಾರಣವಾಗಲಿದೆ. ಹೀಗಾಗಿ ಆಫ್ರಿಕಾ ಬೌಲಿಂಗ್ ವಿಭಾಗ ಬಲಿಷ್ಠಗೊಳಿಸಿಕೊಳ್ಳಲು ಭಾರತ ವಿರುದ್ಧ ಡೇಲ್ ಸ್ಟೇನ್ ಅವರನ್ನಾದರೂ ಕಣಕ್ಕಿಳಿಸುವುದು ಅನಿವಾರ್ಯವಾಗಿದೆ.
ಭಾರತವೇ ಫೇವರಿಟ್
ವಿಶ್ವಕಪ್ ಆರಂಭಿಕ ಪಂದ್ಯದಲ್ಲೇ ದಕ್ಷಿಣ ಆಫ್ರಿಕಾ ಎದುರು ಭಾರತ ಹಿನ್ನಡೆ ಕಾಣುವ ಸಾಧ್ಯತೆ ಬಹಳ ಕಡಿಮೆ. ಮೊದಲ ಪಂದ್ಯದಲ್ಲೀ ಭಾರತ ಶುಭಾರಂಭ ಕಾಣುವ ಎಲ್ಲಾ ಲಕ್ಷಣಗಳಿವೆ. ಗಾಯದ ಸಮಸ್ಯೆಯಲ್ಲಿ ಭಾರತ ಹೊರತಾಗಿಲ್ಲ. ಆದರೆ ಸಮಸ್ಯೆಯನ್ನು ಮೆಟ್ಟಿ, ಭಾರತ ಗೆಲುವಿನ ಮೆಟ್ಟಿಲೇರುವುದರಲ್ಲಿದೆ. ಇತ್ತ ಆರಂಭಿಕ ಎರಡೂ ಪಂದ್ಯಗಳಲ್ಲೂ ಸೋತು ದಕ್ಷಿಣ ಆಫ್ರಿಕಾ ಸಹಜವಾಗೇ ಹೆಚ್ಚು ಒತ್ತಡದಲ್ಲಿರುವುದರಿಂದ ಭಾರತ ಇದರ ಲಾಭ ಪಡೆಯಬಲ್ಲದು.
