ಬೆಂಗಳೂರು, ನವೆಂಬರ್ 18: ಶ್ರೀಲಂಕಾದ ಮಾಜಿ ನಾಯಕ ಮಹೇಲ ಜಯವರ್ದನೆ ಅವರು ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ನ ಮುಂಬೈ ತಂಡದ ಕೋಚ್ ಆಗಿ ಶುಕ್ರವಾರ (ನವೆಂಬರ್ 18) ನೇಮಕಗೊಂಡಿದ್ದಾರೆ.
ಆಸ್ಟ್ರೇಲಿಯಾದ ಮಾಜಿ ನಾಯಕ ರಿಕಿ ಪಾಂಟಿಂಗ್ ಅವರ ಸ್ಥಾನವನ್ನು ಮಹೇಲ ಜಯವರ್ದನೆ ತುಂಬಲಿದ್ದಾರೆ. ಈ ಬಗ್ಗೆ ಮುಂಬೈ ಇಂಡಿಯನ್ಸ್ ತಂಡ ತನ್ನ ಅಧಿಕೃತ ಟ್ವಿಟ್ಟರ್ ಖಾತೆಯಲ್ಲಿ ಘೋಷಿಸಿದೆ. [ಐಸಿಸಿ ಕ್ರಿಕೆಟ್ ಸಮಿತಿಗೆ ಮಹೇಲ -ರಾಹುಲ್ ನೇಮಕ]
We welcome one of the most elegant & graceful batsmen of the modern era, @MahelaJay as the new Head Coach of Mumbai Indians. #WelcomeMahela pic.twitter.com/wFlulxw4iM
— Mumbai Indians (@mipaltan) November 18, 2016
ಕೋಚ್ ಆಗಿ ಇದು ಜಯವರ್ದನೆ ಅವರ ಮೊಟ್ಟ ಮೊದಲ ಅನುಭವ. ಈ ಮುಂಚೆ ಇಂಗ್ಲೆಂಡ್ ತಂಡದ ಬ್ಯಾಟಿಂಗ್ ಸಲಹೆಗಾರರಾಗಿ ಕಾರ್ಯನಿರ್ವಹಿಸಿದ್ದರು. 2015ರಲ್ಲಿ ಪಾಕಿಸ್ತಾನ ವಿರುದ್ಧದ ಸರಣಿಯಲ್ಲಿ ಇಂಗ್ಲೆಂಡ್ ಪರ ತರಬೇತುದಾರ ತಂಡದಲ್ಲಿದ್ದರು.
(ಒನ್ಇಂಡಿಯಾ ಸುದ್ದಿ)