ಆಲ್ರೌಂಡರ್ ಆದ ಕಾರಣ ಅವಕಾಶ ಪಡೆದ ಮ್ಯಾಕ್ಸ್ವೆಲ್
10.75 ಕೋಟಿಗೆ ಪಂಜಾಬ್ ತಂಡಕ್ಕೆ ಹರಾಜಾಗಿದ್ದ ಮ್ಯಾಕ್ಸ್ವೆಲ್ ಮೇಲೆ ಭಾರೀ ನಿರೀಕ್ಷೆಯಿತ್ತು. ಆದರೆ ಮ್ಯಾಕ್ಸ್ವೆಲ್ 12 ಪಂದ್ಯಗಳಲ್ಲಿ ಕಣಕ್ಕಿಳಿದು ಗಳಿಸಿದ್ದು ಕೇವಲ 102 ರನ್ ಮಾತ್ರ. ಹೀಗಾಗಿ ತಂಡದಲ್ಲಿ ಮ್ಯಾಕ್ಸ್ವೆಲ್ ಪಾತ್ರದ ಮೇಲೆ ಸಾಕಷ್ಟು ಪ್ರಶ್ನೆಗಳು ಎದ್ದಿತ್ತು. ಆದರೆ ಆಲ್ರೌಂಡರ್ ಆಗಿರುವ ಕಾರಣ ಮ್ಯಾಕ್ಸ್ವೆಲ್ ಸ್ಥಾನವನ್ನು ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದರು.
ಹೆಣಗಾಟ ಸ್ಪಷ್ಟವಾಗಿದೆ
ಕ್ರಿಕ್ ಇನ್ಫೋಗೆ ನೀಡಿದ ಸಂದರ್ಶನದಲ್ಲಿ ಗೌತಮ್ ಗಂಭೀರ್ ಈ ಬಗ್ಗೆ ಪ್ರತಿಕ್ರಿಯಿಸಿದ್ದಾರೆ. ಮ್ಯಾಕ್ಸ್ವೆಲ್ಗೆ ಬದಲಿಯಾಗಿ ಕಣಕ್ಕಿಳಿಯಬಲ್ಲ ಆಟಗಾರ ಪಂಜಾಬ್ ತಂಡದಲ್ಲಿ ಇಲ್ಲ ಎಂದು ಹೇಳಿರುವ ಗಂಭೀರ್ "ನೀವು ಆತನನ್ನು 3ನೇ ಕ್ರಮಾಂಕದಲ್ಲಿ ಕಣಕ್ಕಿಳಿಸಿದ್ದೀರಿ, ನಾಲ್ಕನೇ ಕ್ರಮಾಂಕದಲ್ಲಿ ಅವಕಾಶ ನೀಡಿದ್ದೀರಿ. ಮ್ಯಾಕ್ಸ್ವೆಲ್ ಅವರ ಪ್ರದರ್ಶನವನ್ನು ನೀಡಲು ಅದ್ಭುತವಾದ ಬೌಲಿಂಗ್ ಲೈನ್ಅಪ್ಅನ್ನೂ ಹೊಂದಿತ್ತು. ಆದರೆ ಆತ ಈ ಟೂರ್ನಿಯಲ್ಲಿ ಹೆಣಗಾಟವನ್ನು ನಡೆಸಿರುವುದು ಸ್ಪಷ್ಟವಾಗಿ ಗೊಚರಿಸಿದೆ" ಎಂದು ಗಂಭೀರ್ ಹೇಳಿದ್ದಾರೆ.
ತಂಡ ಸಾಕಷ್ಟು ನಿರೀಕ್ಷೆ ಹೊಂದಿತ್ತು
"ಆಟಗಾರನಾಗಿ ಇದು ಆತನಿಗೆ ಅತಿ ಕೆಟ್ಟ ಆವೃತ್ತಿ. ಇದು ಪಂಜಾಬ್ ತಂಡಕ್ಕೆ ತುಂಬಾ ಆಘಾತವನ್ನು ನಿಡಿದೆ, ಯಾಕೆಂದರೆ ಆತನ ಮೇಲೆ ಆ ತಂಡ ಸಾಕಷ್ಟು ನಿರೀಕ್ಷೆಯನ್ನು ಇರಿಸಿತ್ತು. ಆರಮಬದಿಂದ ಈವರೆಗೂ ಆತನಿಂದ ಉತ್ತಮ ಪ್ರದರ್ಶನ ಕಂಡು ಬರಲೇ ಇಲ್ಲ" ಎಂದು ಗಂಭೀರ್ ಹೇಳಿದ್ದಾರೆ.