ಮ್ಯಾನ್ ಆಫ್ ದ ಮ್ಯಾಚ್ ಬೂಮ್ರಾ
ಮುಂಬೈ ಇಂಡಿಯನ್ಸ್ ನಾಲ್ಕನೇ ಐಪಿಲ್ ಟ್ರೋಫಿ ಜಯಿಸಿ ದಾಖಲೆ ನಿರ್ಮಿಸಿದರೆ, ಫೈನಲ್ನಲ್ಲಿ ಪಂದ್ಯಶ್ರೇಷ್ಠ ಪ್ರಶಸ್ತಿ ಬಾಚಿಕೊಂಡಿದ್ದ ಜಸ್ಪ್ರೀತ್ ಬೂಮ್ರಾ ಐಪಿಎಲ್ ಫೈನಲ್ನಲ್ಲಿ ಮ್ಯಾನ್ ಆಫ್ ದ ಮ್ಯಾಚ್ ಪ್ರಶಸ್ತಿ ಜಯಿಸಿದ ಎರಡನೇ ಬೌಲರ್ ಎಂಬ ದಾಖಲೆಗೆ ಕಾರಣರಾಗಿದ್ದರು.
ಹೀರೋ ಆಗಿದ್ದ ಕುಂಬ್ಳೆ
ಈ ಹಿಂದೆ ಬೌಲರ್ಗಳಲ್ಲಿ ಮ್ಯಾನ್ ಆಫ್ ದ ಮ್ಯಾಚ್ ಪ್ರಶಸ್ತಿ ಜಯಿಸಿದ ಹಿರಿಮೆ ಕನ್ನಡಿಗ ಅನಿಲ್ ಕುಂಬ್ಳೆ ಅವರದ್ದು. 2009ರಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದಲ್ಲಿ ಆಡಿದ್ದ ಕುಂಬ್ಳೆ, ಡೆಕ್ಕನ್ ಚಾರ್ಜರ್ಸ್ ವಿರುದ್ಧ 16 ರನ್ಗೆ 4 ವಿಕೆಟ್ ಕಬಳಿಸಿ ಪಂದ್ಯಶ್ರೇಷ್ಠರಾಗಿ ಮಿಂಚಿದ್ದರು.
ಯೂಸೂಫ್ ಮೊದಲ ಪಂದ್ಯಶ್ರೇಷ್ಠ ಆಟಗಾರ
ಐಪಿಎಲ್ ಇತಿಹಾಸ ಗಮನಿಸಿದರೆ ಫೈನಲ್ ನಲ್ಲಿ ಪಂದ್ಯಶ್ರೇಷ್ಠ ಪ್ರಶಸ್ತಿ ಜಯಿಸಿದವರ ಸಾಲಿನಲ್ಲಿ ಯೂಸೂಫ್ ಪಠಾಣ್ (2008), ಅನಿಲ್ ಕುಂಬ್ಳೆ (2009), ಸುರೇಶ್ ರೈನಾ (2010), ಮುರಳಿ ವಿಜಯ್ (2011), ಮನ್ವೀಂದರ್ ಬಿಸ್ಲ (2012), ಕೀರನ್ ಪೊಲಾರ್ಡ್ (2013), ಮನೀಶ್ ಪಾಂಡೆ (2014), ರೋಹಿತ್ ಶರ್ಮಾ (2015), ಬೆನ್ ಕಟಿಂಗ್ (2016), ಕೃನಾಲ್ ಪಾಂಡ್ಯ (2017), ಶೇನ್ ವ್ಯಾಟ್ಸನ್ (2018), ಜಸ್ಪ್ರೀತ್ ಬೂಮ್ರಾ (2019) ಬರುತ್ತಾರೆ.
ಮುಂಬೈ ಇಂಡಿಯನ್ಸ್ಗೆ ಅಗ್ರ ಸ್ಥಾನ
ಒಟ್ಟು ನಾಲ್ಕು ಸಾರಿ ಐಪಿಎಲ್ ಟ್ರೋಫಿ ಜಯಿಸಿ ಅತೀ ಬಲಿಷ್ಠ ತಂಡವಾಗಿ ಗುರುತಿಸಿಕೊಂಡಿರುವ ಮುಂಬೈ ಇಂಡಿಯನ್ಸ್ ಆಟಗಾರರೇ ಹೆಚ್ಚು ಸಾರಿ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದುಕೊಂಡಿದ್ದಾರೆ. ಕೀರನ್ ಪೊಲಾರ್ಡ್ (2013), ರೋಹಿತ್ ಶರ್ಮಾ (2015), ಕೃನಾಲ್ ಪಾಂಡ್ಯ (2017), ಜಸ್ಪ್ರೀತ್ ಬೂಮ್ರಾ (2019) ಹೀಗೆ ಒಟ್ಟು 4 ಬಾರಿ ಫೈನಲ್ನಲ್ಲಿ ಎಂಐ ಆಟಗಾರರು ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದಂತಾಗಿದೆ.