ಮಿಚೆಲ್‌ ಮಾರ್ಷ್‌ನನ್ನೇ ಅಪಹಾಸ್ಯ ಮಾಡಿದ ಆಸ್ಟ್ರೇಲಿಯಾ ಪ್ರೇಕ್ಷಕರು!

ಮೆಲ್ಬರ್ನ್, ಡಿಸೆಂಬರ್ 26: ಭಾರತದಲ್ಲಿ ಪಂದ್ಯ ನಡೆಯುತ್ತಿದೆ ಅಂದುಕೊಳ್ಳೋಣ. ನಮ್ಮವರು ಚೆನ್ನಾಗಿ ಆಡಲಿ ಆಡದಿರಲಿ ಒಟ್ಟಿನಲ್ಲಿ ಭಾರತೀಯ ಪ್ರೇಕ್ಷಕರು ಅಸ್ಪಷ್ಟವಾಗಿ ತಮ್ಮೊಳಗೇ ಗೊಣಗಿಕೊಂಡಾದ್ರೂ ಸರಿಯೆ, ಒಟ್ಟಿನಲ್ಲಿ ನಮ್ಮವರಿಗೇ ಬೆಂಬಲಿಸೋದು ಸಾಮಾನ್ಯ. ಆದರೆ ಆಸ್ಟ್ರೇಲಿಯಾದಲ್ಲಿ ಇದಕ್ಕೆ ವ್ಯತಿರಿಕ್ತ, ಅಪರೂಪದ ಸಂಗತಿ ನಡೆದಿದೆ.

ಚೊಚ್ಚಲ ಪಂದ್ಯದಲ್ಲೇ ಅರ್ಧಶತಕ ಸಿಡಿಸಿ ದಾಖಲೆ ಬರೆದ ಮಯಾಂಕ್

ಮೆಲ್ಬರ್ನ್ ಕ್ರಿಕೆಟ್ ಗ್ರೌಂಡ್ ನಲ್ಲಿ ಬುಧವಾರ (ಡಿಸೆಂಬರ್ 26) ಆರಂಭಗೊಂಡ ಆಸ್ಟ್ರೇಲಿಯಾ-ಭಾರತ ಮೂರನೇ ಟೆಸ್ಟ್ ವೇಳೆ ಆಸ್ಟ್ರೆಲಿಯಾ ಆಲ್‌ ರೌಂಡರ್ ಮಿಚೆಲ್ ಮಾರ್ಚ್ ಅವರು ಆಸ್ಟ್ರೇಲಿಯಾ ಅಭಿಮಾನಿಗಳಿಂದಲೇ ಅಪಹಾಸ್ಯಕ್ಕೀಡಾಗಿ ಅವಮಾನ ಅನುಭವಿಸಿದ್ದಾರೆ.

India Vs Australia: Mitchell Marsh replaces Peter Handscomb in Australia squad for boxing test verseus India. #INDvsAUD pic.twitter.com/SGiCrpbJPi

— Doordarshan Sports (@ddsportschannel) December 25, 2018

ಬಾಕ್ಸಿಂಗ್‌ ಡೇ ಟೆಸ್ಟ್‌ನಲ್ಲಿ ಆಸೀಸ್ ಆಡುವ 11 ಆಟಗಾರರ ತಂಡದಲ್ಲಿ ಮಾರ್ಷ್ ಹೆಸರನ್ನು ಸೇರಿಸಲಾಗಿತ್ತು. ಸ್ಥಳೀಯ ಆಟಗಾರ ಪೀಟರ್ ಹ್ಯಾಂಡ್ಸ್‌ಕಾಂಬ್ ಬದಲಿಗೆ ಮಿಚೆಲ್‌ಗೆ ಸ್ಥಾನ ನೀಡಲಾಗಿತ್ತು. ಸರಣಿಯಲ್ಲಿ ಆಟಗಾರನ ಬದಲಾವಣೆ ನಡೆದಿದ್ದು ಇದೊಂದೆ. ಉಳಿದಂತೆ ಹಿಂದಿನ ಪಂದ್ಯಗಳಲ್ಲಿ ಆಡಿದ್ದ ಅದೇ ತಂಡ ಹೆಸರಿಸಲ್ಪಟ್ಟಿತ್ತು.

ಕ್ರಿಕೆಟ್ ಆಸ್ಟ್ರೇಲಿಯಾದ ಮೇಲೆ ಸಿಡುಕಾಡಿದ ನಿಷೇಧಿತ ಆಟಗಾರ ಸ್ಮಿತ್!

ಮೂರನೇ ಟೆಸ್ಟ್ ವೀಕ್ಷಿಸಲು ಬಂದಿದ್ದ ಕೆಲ ಆಸೀಸ್ ಅಭಿಮಾನಿಗಳಿಗೆ ತಂಡದಲ್ಲಿ ಹ್ಯಾಂಡ್ಸ್‌ಕಾಂಬ್ ಬದಲು ಮಾರ್ಷ್ ಸೇರಿಸಿದ್ದು ಸರಿ ಬಂದಂತೆ ಕಾಣಲಿಲ್ಲವೋ ಏನೋ. ಪಂದ್ಯದ ವೇಳೆ ಮಿಚೆಲ್‌ಗೆ ಮುಜುಗರ ಅನ್ನಿಸುವಂತೆ ಅಪಹಾಸ್ಯ ಮಾಡಿದ್ದಾರೆ. ವೀಕ್ಷಕರ ಈ ದುರ್ವರ್ತನೆಗೆ ಆಸೀಸ್ ಸಹ ಆಟಗಾರರಿಂದ ಅಸಮಾಧಾನ ವ್ಯಕ್ತವಾಗಿದ್ದೂ ಕಂಡುಬಂತು.