ಮೊಹಮ್ಮದ್ ಆಮೀರ್ ಐಪಿಎಲ್ ಹೆಸರಿನಲ್ಲಿ ಬ್ಲ್ಯಾಕ್‌ಮೇಲ್ ಮಾಡ್ತಾ ಇದ್ದಾನೆ ಎಂದ ಪಾಕ್ ಮಾಜಿ ಕ್ರಿಕೆಟಿಗ

Mohammad Amir is trying to blackmail PCB to make a comeback says Danish Kaneria

ಕಳೆದ ವರ್ಷ ಡಿಸೆಂಬರ್ ವೇಳೆಯಲ್ಲಿ ಪಾಕಿಸ್ತಾನದ ವೇಗಿ ಮೊಹಮ್ಮದ್ ಅಮೀರ್ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸುವುದರ ಮೂಲಕ ಎಲ್ಲರಲ್ಲಿಯೂ ಆಶ್ಚರ್ಯ ಮೂಡಿಸಿದ್ದರು. ಮೊಹಮ್ಮದ್ ಆಮಿರ್ ನಿವೃತ್ತಿಯನ್ನು ಘೋಷಿಸಿದ ಸಂದರ್ಭದಲ್ಲಿ ಆತನಿಗೆ ಕೇವಲ 28ರ ಹರೆಯ. ಪಾಕಿಸ್ತಾನದ ಪ್ರಮುಖ ಬೌಲರ್‌ಗಳಲ್ಲಿ ಒಬ್ಬರಾಗಿದ್ದ ಮೊಹಮ್ಮದ್ ಆಮಿರ್ ಇದ್ದಕ್ಕಿದ್ದಂತೆ ಈ ರೀತಿಯ ನಿರ್ಧಾರವನ್ನು ಯಾಕೆ ಕೈಗೊಂಡರು ಎಂಬುದು ಎಲ್ಲರಲ್ಲಿಯೂ ಪ್ರಶ್ನೆಯಾಗಿ ಉಳಿದುಕೊಂಡಿತ್ತು.

ಇದೀಗ ಇತ್ತೀಚಿನ ದಿನಗಳಲ್ಲಿ ತನ್ನ ನಿವೃತ್ತಿಯ ಕುರಿತು ಮೊಹಮ್ಮದ್ ಆಮೀರ್ ಮನಬಿಚ್ಚಿ ಮಾತನಾಡಿದ್ದಾರೆ. ತಂಡದಲ್ಲಿನ ಒತ್ತಡದಿಂದ ನಿವೃತ್ತಿಯನ್ನು ತೆಗೆದುಕೊಂಡೆ ಎಂದು ಮೊಹಮ್ಮದ್ ಆಮಿರ್ ಹೇಳಿದ್ದಾರೆ ಮತ್ತು ನಿವೃತ್ತಿಯ ನಂತರ ಇಂಗ್ಲೆಂಡ್‌ನಲ್ಲಿ ನೆಲೆಸಿರುವ ಮೊಹಮ್ಮದ್ ಆಮೀರ್ ಬ್ರಿಟಿಷ್ ಪೌರತ್ವದೊಂದಿಗೆ ಐಪಿಎಲ್ ಆಡುವ ಕುರಿತು ಸಹ ಚರ್ಚೆಯನ್ನು ನಡೆಸಿದ್ದರು.

ಭಾರತದ ಈ ಯುವ ಆಟಗಾರನನ್ನು ಜೂನಿಯರ್ ಪೊಲಾರ್ಡ್ ಎಂದ ವಿರೇಂದ್ರ ಸೆಹ್ವಾಗ್ ಭಾರತದ ಈ ಯುವ ಆಟಗಾರನನ್ನು ಜೂನಿಯರ್ ಪೊಲಾರ್ಡ್ ಎಂದ ವಿರೇಂದ್ರ ಸೆಹ್ವಾಗ್

ಇನ್ನು ಮೊಹಮ್ಮದ್ ಆಮೀರ್ ಅವರ ಈ ಹೇಳಿಕೆಗಳ ಕುರಿತು ಇದೀಗ ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ ದನೀಶ್ ಕನೇರಿಯಾ ಪ್ರತಿಕ್ರಿಯೆಯನ್ನು ನೀಡಿದ್ದು ಮೊಹಮ್ಮದ್ ಅಮೀರ್ ಮತ್ತೆ ಪಾಕಿಸ್ತಾನ ತಂಡವನ್ನು ಸೇರಿಕೊಳ್ಳಲು ಈ ರೀತಿಯ ಹೇಳಿಕೆಗಳನ್ನು ನೀಡಿ ಬ್ಲ್ಯಾಕ್‌ಮೇಲ್ ಮಾಡುತ್ತಿದ್ದಾನೆ ಎಂದಿದ್ದಾರೆ. 'ಮೊಹಮ್ಮದ್ ಅಮೀರ್ ಪಾಕಿಸ್ತಾನ ತಂಡವನ್ನು ಸೇರಿಕೊಳ್ಳಲು ಈ ರೀತಿಯ ಹೇಳಿಕೆಗಳನ್ನು ನೀಡುತ್ತಿದ್ದಾನೆ, ಬ್ರಿಟಿಷ್ ಪೌರತ್ವ ಬಂದರೆ ಐಪಿಎಲ್ ಆಡುವ ಕುರಿತು ಚರ್ಚಿಸಿದ್ದನ್ನು ಗಮನಿಸಿದರೆ ಆತ ಪಾಕಿಸ್ತಾನ ಕ್ರಿಕೆಟ್ ಬೋರ್ಡ್‌ನ್ನು ಹೆದರಿಸುತ್ತಿರುವುದು ತಿಳಿಯುತ್ತದೆ' ಎಂದು ದನೀಶ್ ಕನೇರಿಯಾ ಮೊಹಮ್ಮದ್ ಆಮಿರ್ ಹೇಳಿಕೆಗಳಿಗೆ ತಿರುಗೇಟು ನೀಡಿದ್ದಾರೆ.