ಟಾಪ್ 5 ಆಡಮ್ ಗಿಲ್ಕ್ರಿಸ್ಟ್
ಆಸ್ಟ್ರೇಲಿಯಾದ ದಿಗ್ಗಜ ವಿಕೆಟ್ ಕೀಪರ್ ಆಡಮ್ ಗಿಲ್ಕ್ರಿಸ್ಟ್ ವಿಕೆಟ್ ಕೀಪರ್ ಆಗಿ ವಿಶ್ವ ಕ್ರಿಕೆಟ್ನಲ್ಲಿ ತಮ್ಮದೇ ಛಾಪು ಮೂಡಿಸಿದ ಆಟಗಾರ. ತನ್ನ ವೃತ್ತಿ ಜೀವನದಲ್ಲಿ ಏಕದಿನ ಕ್ರಿಕೆಟ್ನಲ್ಲಿ ಗಿಲ್ಕ್ರಿಸ್ಟ್ 472 ಬಾರಿ ಬ್ಯಾಟ್ಸ್ಮನ್ಗಳ ಔಟ್ಗೆ ಕಾರಣರಾಗಿದ್ದಾರೆ. ಇದರಲ್ಲಿ 55 ಬಾರಿ ಸ್ಟಂಪ್ ಮೂಲಕ ಬ್ಯಾಟ್ಸ್ಮನ್ಅನ್ನು ಫೆವಿಲಿಯನ್ಗೆ ಅಟ್ಟಿದ್ದಾರೆ. ಈ ಮೂಲಕ ಅತಿ ಹೆಚ್ಚು ಸ್ಟಂಪ್ ಔಟ್ ಮಾಡಿದ ಆಟಗಾರರಲ್ಲಿ 5ನೇ ಸ್ಥಾನದಲ್ಲಿದ್ದಾರೆ.
ಟಾಪ್ 4 ಮೊಯಿನ್ ಖಾನ್
ವಿಕೆಟ್ ಹಿಂದೆ ಎಡವಟ್ಟು ಮಾಡಿಕೊಂಡೇ ಸುದ್ದಿಯಾಗಿದ್ದವರು ಪಾಕಿಸ್ತಾನದ ಮಾಜಿ ವಿಕೆಟ್ ಕೀಪರ್ ಮೊಯಿನ್ ಖಾನ್. ಆದರೆ ಅತಿ ಹೆಚ್ಚು ಸ್ಟಂಪ್ ದಾಖಲೆಯ ಪಟ್ಟಿಯಲ್ಲಿ ದಿಗ್ಗಜ ಗಿಲ್ಕ್ರಿಸ್ಟ್ ಅವರಿಗಿಂತ ಮುಂದಿದ್ದಾರೆ. 209 ಏಕದಿನ ಪಂದ್ಯಗಳಲ್ಲಿ ವಿಕೆಟ್ನ ಹಿಂದೆ 287 ಬಲಿಪಡೆದುಕೊಂಡಿದ್ದಾರೆ ಮೊಯಿನ್ ಖಾನ್. ಅದರಲ್ಲಿ 73 ಸ್ಟಂಪ್ ಔಟ್ಗಳಾಗಿದೆ. ಈ ಮೂಲಕ ಮೊಯಿನ್ ಖಾನ್ ಈ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನದಲ್ಲಿದ್ದಾರೆ.
ಟಾಪ್ 3 ರೊಮೇಶ್ ಕಲುವಿತರಣ
ಶ್ರೀಲಂಕಾದ ವಿಕೆಟ್ ಕೀಪರ್ ಆಗಿದ್ದ ರೊಮೇಶ್ ಕಲುವಿತರಣ 189 ಏಕದಿನ ಪಂದ್ಯಗಳನ್ನು ಆಡಿದ್ದಾರೆ. ಇದರಲ್ಲಿ 206 ಬಾರಿ ಬ್ಯಾಟ್ಸ್ಮನ್ಗಳಿಗೆ ಫೆವಿಲಿಯನ್ ದಾರಿ ತೋರಿಸಿದ್ದಾರೆ. ಇದರಲ್ಲಿ 75 ವಿಕೆಟ್ಗಳು ಸ್ಟಂಪ್ ಮೂಲಕ ತೆಗೆದಿದ್ದಾರೆ. ಈ ಮೂಲಕ ಈ ಪಟ್ಟಿಯಲ್ಲಿ ರೊಮೇಶ್ ಕಲುವಿತರಣ 3ನೇ ಸ್ಥಾನವನ್ನು ಪಡೆದುಕೊಂಡಿದ್ದಾರೆ.
ಟಾಪ್-2 ಕುಮಾರ್ ಸಂಗಕ್ಕಾರ
ಶ್ರೀಲಂಕಾದ ದಿಗ್ಗಜ ಆಟಗಾರ ಕುಮಾರ್ ಸಂಗಕ್ಕಾರ 353 ಇನ್ನಿಂಗ್ಸ್ಗಳಲ್ಲಿ 482 ಬಾರಿ ಬ್ಯಾಟ್ಸ್ಮನ್ಗಳು ಔಟಾಗಲು ಕಾರಣರಾಗಿದ್ದಾರೆ. ಇದರಲ್ಲಿ 383 ಕ್ಯಾಚ್ಗಳಾಗಿದ್ದರೆ 99 ದಾಂಡಿಗರನ್ನು ಸ್ಟಂಪ್ ಮೂಲಕ ಫೆವಿಲಿಯನ್ಗೆ ಅಟ್ಟುವಲ್ಲಿ ಯಶಸ್ವಿಯಾಗಿದ್ದಾರೆ. ಈ ಮೂಲಕ ಸ್ಟಂಪ್ ವಿಕೆಟ್ ದಾಖಲೆಯಲ್ಲಿ 2ನೇ ಸ್ಥಾನವನ್ನು ಪಡೆದುಕೊಂಡಿದ್ದಾರೆ.
ಟಾಪ್-1 ಎಂಎಸ್ ಧೋನಿ
ಅತಿ ಹೆಚ್ಚು ಬಾರಿ ಸ್ಟಂಪ್ ಔಟ್ ಮಾಡಿದ ದಾಖಲೆ ಟೀಮ್ ಇಂಡಿಯಾದ ದಿಗ್ಗಜ ವಿಕೆಟ್ ಕೀಪರ್ ಮಹೇಂದ್ರ ಸಿಂಗ್ ಧೋನಿ ಹೆಸರಿನಲ್ಲಿದೆ. ಅತ್ಯಂತ ವೇಗದ ಸ್ಟಂಪ್ಮೂಲಕ ಬ್ಯಾಟ್ಸ್ಮನ್ಗಳನ್ನು ಕ್ಷಣಾರ್ಧದಲ್ಲಿ ಬಲಿ ಪಡೆಯುವ ಚಾಣಾಕ್ಷತನ ಹೊಂದಿರುವ ಧೋನಿ 310 ಒಡಿಐನಲ್ಲಿ 401 ದಾಂಡಿಗರನ್ನು ಬಲಿ ಪಡೆದಿದ್ದಾರೆ. ಇದರಲ್ಲಿ ಬರೊಬ್ಬರಿ 126 ಆಟಗಾರರನ್ನು ಸ್ಟಂಪ್ ಮೂಲಕ ಧೋನಿ ಔಟ್ ಮಾಡಿ ದಾಖಲೆಯನ್ನು ಬರೆದಿದ್ದಾರೆ. ಈ ಮೂಲಕ ನಂಬರ್ 1 ಸ್ಥಾನದಲ್ಲಿ ಧೋನಿ ವಿರಾಜಮಾನರಾಗಿದ್ದಾರೆ.