ರಾಂಚಿ, ಜುಲೈ 24: ಕ್ರಿಕೆಟಿಗ ಮಹೇಂದ್ರ ಸಿಂಗ್ ಧೋನಿ ಅವರು 2017-18ರ ಆರ್ಥಿಕ ವರ್ಷದಲ್ಲಿ ಜಾರ್ಖಂಡ್ ನಲ್ಲೇ ಅತ್ಯಧಿಕ ಮೊತ್ತದ ತೆರಿಗೆ ಪಾವತಿಸಿದ ವ್ಯಕ್ತಿಯಾಗಿ ಗುರುತಿಸಿಕೊಂಡಿದ್ದಾರೆ. ಭಾರತದ ವಿಕೆಟ್ ಕೀಪರ್-ಬ್ಯಾಟ್ಸ್ಮನ್ ಧೋನಿ ಈಬಾರಿ ಒಟ್ಟು 12.17 ಕೋಟಿ ರೂ. ತೆರಿಗೆಯನ್ನು ಸರ್ಕಾರಕ್ಕೆ ಪಾವತಿಸಿದ್ದಾರೆ. 2016-17ಕ್ಕೆ ಹೋಲಿಸಿದರೆ ಈ ಬಾರಿ 1.24 ಕೋಟಿ ರೂ. ಹೆಚ್ಚುವರಿ ತೆರಿಗೆ ಪಾವತಿಸಿದ್ದಾರೆ ಎಂದು ಆದಾಯ ತೆರಿಗೆ ಅಧಿಕೃತ ಮೂಲ ಸೋಮವಾರ ತಿಳಿಸಿದೆ.
ಆಫ್ರಿಕಾ ಎ ವಿರುದ್ಧದ ಪಂದ್ಯಕ್ಕೆ ಭಾರತ 'ಎ' ತಂಡಕ್ಕೆ ಚಾಹಲ್ ಆಯ್ಕೆ
'ಧೋನಿ ಅವರು 2016-17ರಲ್ಲಿ 10.93 ಕೋಟಿ ರೂ. ಆದಾಯ ತೆರಿಗೆ ಪಾವತಿಸಿದ್ದರು. ಆದರೆ ಆ ಆರ್ಥಿಕ ವರ್ಷದಲ್ಲಿ ಅವರು ಅಧಿಕ ಮೊತ್ತದ ತೆರಿಗೆದಾರನಾಗಿ ಗುರುತಿಸಿಕೊಂಡಿರಲಿಲ್ಲ' ಎಂದು ಜಾರ್ಖಂಡ್ ಪ್ರಾಂತ್ಯದ ಆದಾಯ ತೆರಿಗೆ ಮುಖ್ಯಾಧಿಕಾರಿ ವಿ ಮಹಾಲಿಂಗಮ್ ತಿಳಿಸಿದ್ದಾರೆ. ಆದರೆ 2016-17ರಲ್ಲಿ ಅಧಿಕ ಆದಾಯ ತೆರಿಗೆದಾರರು ಯಾರಾಗಿದ್ದರು ಎಂಬುದನ್ನು ಅವರು ತಿಳಿಸಿಲ್ಲ.
Such news boost your morale in Nation Building: @msdhoni highest individual tax Payer in Jharkhand for 2017-18 after he paid Rs 12.17 Crore. And we have people like Robert Vadra (Who enjoys on Taxpayers money being unofficially in Congress) https://t.co/VaCqJXuC2V
— Sagar Khandelwal (@Khandelw13Sagar) July 24, 2018
ಇಂಗ್ಲೆಂಡ್ ವಿರುದ್ಧದ ಟಿ20 ಪಂದ್ಯದಲ್ಲಿ ಧೋನಿ ಉತ್ತಮ ಆಟವನ್ನು ಪ್ರದರ್ಶಿಸಿರಲಿಲ್ಲ. 3 ಟಿ20 ಪಂದ್ಯಗಳಲ್ಲಿ ಬರೀ 32 ರನ್ ಮತ್ತು 3 ಏಕದಿನ ಪಂದ್ಯಗಳಲ್ಲೂ 79 ರನ್ ಗಳಿಸಿದ್ದರು. ಟಿ20 ಪಂದ್ಯದಲ್ಲಿ ಭಾರತ ಸರಣಿ ಗೆದ್ದಿತ್ತಾದರೂ ಏಕದಿನ ಸರಣಿಯನ್ನು 2-1ರಿಂದ ಕಳೆದುಕೊಂಡಿತ್ತು. ಏಕದಿನದಲ್ಲಿ ಕಳಪೆ ಬ್ಯಾಟಿಂಗ್ ಪ್ರದರ್ಶಿಸಿದ್ದಕ್ಕಾಗಿ ದೋನಿ ಸಾಕಷ್ಟು ಟೀಕೆಗೂ ಗುರಿಯಾಗಿದ್ದರು.
MS Dhoni pays Rs 12.17 crore in taxes, highest in Bihar andJharkhand https://t.co/1GVVTVx5Z1 pic.twitter.com/WAGrR0k2oc
— Bombay Informer (@bombayinformer) July 23, 2018
ಕೊನೆಯ ಏಕದಿನ ಮುಕ್ತಾಯದ ವೇಳೆಗಂತೂ ಧೋನಿಯ ಕ್ರಿಕೆಟ್ ಭವಿಷ್ಯದ ಬಗ್ಗೆಯೇ ಗಾಳಿ ಸುದ್ದಿಗಳು ಹಬ್ಬಿದ್ದವು. ಧೋನಿ ಕ್ರಿಕೆಟ್ ನಿಂದ ನಿವೃತ್ತಿ ಘೋಷಿಸಲಿದ್ದಾರೆ ಎಂದೆಲ್ಲ ಮಾತುಗಳು ಕೇಳಿ ಬಂದಿದ್ದವು. ಆದರೆ ಟೀಮ್ ಇಂಡಿಯಾ ಕೋಚ್ ರವಿ ಶಾಸ್ತ್ರಿ ಗಾಳಿಸುದ್ದಿಗೆ ತೆರೆ ಎಳೆದಿದ್ದರು. ಧೋನಿ ಕ್ರಿಕೆಟ್ ನಲ್ಲಿ ಮುಂದುವರೆಯಲಿದ್ದಾರೆ ಎಂದು ಸ್ಪಷ್ಟಪಡಿಸಿದ್ದರು.