ಮುಂಬೈ, ಮೇ 19: ಹನ್ನೆರಡನೇ ಆವೃತ್ತಿಯ ಐಸಿಸಿ ಏಕದಿನ ಕ್ರಿಕೆಟ್ ವಿಶ್ವಕಪ್ ಟೂರ್ನಿ ಆರಂಭವಾಗಲು ಇನ್ನೇನು ಕೆಲವೇ ದಿನಗಳು ಮಾತ್ರವೇ ಬಾಕಿ ಇದೆ. ಅಂದಹಾಗೆ ಭಾರತ ತಂಡಕ್ಕೆ ಟಿ20 ಮತ್ತು ಒಡಿಐ ಎರಡರಲ್ಲೂ ವಿಶ್ವಕಪ್ ಗೆದ್ದುಕೊಟ್ಟ ಮಹೇಂದ್ರ ಸಿಂಗ್ ಧೋನಿ ತಮ್ಮ ವೃತ್ತಿ ಬದುಕಿನ ಕೊನೆಯ ವಿಶ್ವಕಪ್ ಟೂರ್ನಿಯನ್ನಾಡುತ್ತಿರುವುದು ವಿಶೇಷ.
ವಿಶ್ವಕಪ್ನಲ್ಲಿ ಆರ್ಭಟಿಸಬಲ್ಲ TOP 5 ಆಲ್ರೌಂಡರ್ಗಳಿವರು!
ಇನ್ನು ಈ ಕುರಿತಾಗಿ ಕ್ರಿಕೆಟ್ ಪಂಡಿತರು ಹೇಳುವುದೇನೆಂದರೆ, ವಿರಾಟ್ ಕೊಹ್ಲಿ ಸಾರಥ್ಯದ ಟೀಮ್ ಇಂಡಿಯಾ ಈ ಬಾರಿ ಪ್ರಶಸ್ತಿ ಗೆಲ್ಲುವುದಾದರೆ ಅದರ ಹಿಂದೆ ಧೋನಿ ಅವರ ಪಾತ್ರ ಮಹತ್ವದ್ದಾಗಿರುತ್ತದೆ. ಕೆಲವರು ಧೋನಿ ಟೀಮ್ ಇಂಡಿಯಾದ ಪ್ರಮುಖ ಅಸ್ತ್ರ ಎಂದೇ ಹೇಳಿದ್ದಾರೆ.
World Cupನಲ್ಲಿ ಅಬ್ಬರಿಸಬಲ್ಲ Top 10 ಬ್ಯಾಟ್ಸ್ಮನ್ಗಳಿವರು!
ಕಳೆದ ಆವೃತ್ತಿಯಲ್ಲಿ ತಮ್ಮ ನಾಯಕತ್ವದಲ್ಲಿ ನ್ಯೂಜಿಲೆಂಡ್ ತಂಡಕ್ಕೆ ರನ್ನರ್ಸ್ಅಪ್ ಸ್ಥಾನ ತಂದುಕೊಟ್ಟ ಕಿವೀಸ್ ಪಡೆಯ ಮಾಜಿ ನಾಯಕ ಬ್ರೆಂಡನ್ ಮೆಕಲಮ್ ಅವರದ್ದು ಕೂಡ ಇದೇ ಅಭಿಪ್ರಾಯವಾಗಿದೆ.
"ಟೀಮ್ ಇಂಡಿಯಾದಲ್ಲಿ ಇರುವ ಅತ್ಯಂತ ಬೆಲೆಬಾಳುವಂತಹ ಆಟಗಾರ. ಪಂದ್ಯದಲ್ಲಿ ಯಾವ ರೀತಿಯಲ್ಲಿ ಮುನ್ನಡೆಯಬೇಕು ಎಂಬುದರ ನೀಲಿ ನಕ್ಷ್ಯೆ ಧೋನಿ ಅವರ ತಲೆಯಲ್ಲಿರುತ್ತದೆ. ಕ್ರೀಸ್ಗೆ ಬಂದು ಪಂದ್ಯದ ಸ್ಥಿತಿಗತಿನ್ನು ಅರಿಯುವ ಮೂಲಕ ಎದುರಾಳಿ ತಂಡದ ಮೇಲೆ ಒತ್ತಡ ಹೇರುವುದು ಧೋನಿ ಅವರ ವಿಶೇಷತೆ. ಅವರ ಫಿಟ್ನೆಸ್ ಕೂಡ ಅದ್ಭುತವಾಗಿದೆ,'' ಎಂದು ಬ್ರೆಂಡನ್ ತಮ್ಮ ಅಭಿಪ್ರಾಯ ವ್ಯಕ್ತ ಪಡಿಸಿದ್ದಾರೆ.
ಈ ಬಾರಿ ವಿಶ್ವಕಪ್ನಲ್ಲಿ ಮೋಡಿ ಮಾಡಬಲ್ಲ Top 5 ಸ್ಪಿನ್ನರ್ಗಳು!
ಇದೇ ವೇಳೆ ಧೋನಿ ಅವರ ಇತ್ತೀಚಿನ ಲಯದ ಕುರಿತಾಗಿ ಮಾತನಾಡಿರುವ ಇಂಗ್ಲೆಂಡ್ ತಂಡದ ಮಾಜಿ ಆಟಗಾರ ಕೆವಿನ್ ಪೀಟರ್ಸನ್, "ಯಾವುದೇ ಸಂದರ್ಭದಲ್ಲಿ ಸಂಯಮ ಕಾಯ್ದುಕೊಳ್ಳುವುದು ಸಮಾರ್ಥ್ಯ ಪಂದ್ಯದಲ್ಲಿ ಮುಂದೆ ಏನಾಗಬಹುದು ಎಂಬುದರ ಅರಿವು ಹೊಂದಲು ಧೋನಿಗೆ ನೆರವಾಗುತ್ತದೆ. ಇತ್ತೀಚಿನ ಐಪಿಎಲ್ನಲ್ಲಿ ಧೋನಿ ತಮ್ಮ ಬ್ಯಾಟಿಂಗ್ ವೈಭವವನ್ನು ಮರಳಿ ಕಂಡುಕೊಂಡಿದ್ದಾರೆ. ಜಗತ್ತಿನ ಯಾವುದೇ ಬೌಲಿಂಗ್ ದಾಳಿಯನ್ನು ಅವರು ದಿಟ್ಟವಾಗಿ ಎದುರಿಸಬಲ್ಲರು,'' ಎಂದಿದ್ದಾರೆ.
ವಿಶ್ವಕಪ್ನಲ್ಲಿ ಬ್ಯಾಟ್ಸ್ಮನ್ಗಳ ನಿದ್ರೆ ಕೆಡಿಸಬಲ್ಲ ಬೌಲರ್ಗಳಿವರು!
ಇತ್ತೀಚೆಗೆ ಅಂತ್ಯಗೊಂಡ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಧೋನಿ ಆಡಿದ 15 ಪಂದ್ಯಗಳಿಂದ 416 ರನ್ಗಳನ್ನು ಚಚ್ಚಿದ್ದರು. ಅಲ್ಲದೆ ವಿಕೆಟ್ ಹಿಂಬದಿಯಲ್ಲೂ ಮಿಂಚಿನ ಸ್ಟಂಪಿಂಗ್ ಮೂಲಕ ಗಮನ ಸೆಳೆದಿದ್ದರು.
"Dhoni finishes it off in style!"
— ICC (@ICC) May 13, 2019
Up against that Bangladesh win in 2015 is MS Dhoni's iconic six in the 2011 final. Will it be the winner of the @bira91 @cricketworldcup Greatest Moments competition?
Vote for it now at https://t.co/g10dkZJFiE pic.twitter.com/JJfEvHrKLJ