ಬೆಂಗಳೂರು ನೆಚ್ಚಿನ ಎದುರಾಳಿ
ಧೋನಿ ನಾಯಕತ್ವದ ತಂಡ ಗಳಿಸಿದ ಈ 100 ಗೆಲುವುಗಳಲ್ಲಿ ಅತೀ ಹೆಚ್ಚು ಪಂದ್ಯ ಗೆದ್ದಿದ್ದು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ. ಆರ್ಸಿಬಿ ವಿರುದ್ಧ ಒಟ್ಟು 15 ಗೆಲುವು ದಾಖಲಿಸಿದ ಹೆಗ್ಗಳಿಕೆ ಕೂಲ್ ಕ್ಯಾಪ್ಟನ್ ಧೋನಿ ನಾಯಕತ್ವದ ತಂಡಕ್ಕಿದೆ. ಹೀಗಾಗಿ ಚೆನ್ನೈ ಸೂಪರ್ ಕಿಂಗ್ಸ್ ಫೇವರಿಟ್ ಅಪೊಸಿಷನ್ ತಂಡವಾಗಿ ಬೆಂಗಳೂರು ಗುರುತಿಸಿಕೊಂಡಿದೆ.
12 ಪ್ಲೇ ಆಫ್ ಗೆಲುವುಗಳು
ಧೋನಿ ಮುಂದಾಳತ್ವದ ಐಪಿಎಲ್ ತಂಡ ಪ್ಲೇ ಆಫ್ ಪ್ರವೇಶಿಸಿದ ನಂತರದ ಪಂದ್ಯಗಳಲ್ಲಿ ಕಂಡ ಸೋಲು-ಗೆಲುವುಗಳ ಲೆಕ್ಕಾಚಾರ ತೆಗೆದರೆ 12 ಪಂದ್ಯಗಳನ್ನು ಗೆದ್ದು 7 ಪಂದ್ಯಗಳನ್ನು ಸೋತಿದೆ. ಅಂದರೆ ಪ್ಲೇ ಆಫ್ಗೆ ಪ್ರವೇಶಿಸಿದ ಬಳಿಕ ಸಿಎಸ್ಕೆ ಸೋತಿದ್ದು ಕಡಿಮೆ. ಹೀಗಾಗಿಯೇ ಚೆನ್ನೈ ತಂಡ ಐಪಿಎಲ್ನಲ್ಲಿ ಅತೀ ಹೆಚ್ಚು ಗೆಲುವು (3 ಸಾರಿ ಚಾಂಪಿಯನ್) ದಾಖಲಿಸಿದ ತಂಡವಾಗಿ ಮುಂಬೈ ಇಂಡಿಯನ್ಸ್ ಜೊತೆ ಸ್ಥಾನ ಹಂಚಿಕೊಂಡಿದೆ.
95+5 ಗೆಲುವಿನ ಸಂಭ್ರಮ
100 ಪಂದ್ಯಗಳನ್ನು ಗೆದ್ದ ತಂಡವನ್ನು ಮುನ್ನಡೆಸಿದ್ದು ಎಂಎಸ್ ಧೋನಿಯೇ. ಆದರೆ ಈ ನೂರೂ ಗೆಲುವುಗಳು ಚೆನ್ನೈ ಸೂಪರ್ ಕಿಂಗ್ಸ್ ಒಂದೇ ತಂಡಕ್ಕೆ ಸಲ್ಲೋದಿಲ್ಲ. ಬದಲಿಗೆ ಈ 100 ಗೆಲುವುಗಳಲ್ಲಿ 95 ಗೆಲುವು ಸಿಎಸ್ಕೆ ಪಾಲಿನದ್ದಾದರೆ ಇನ್ನುಳಿದ 5 ಗೆಲುವುಗಳು ರೈಸಿಂಗ್ ಪುಣೆ ಸೂಪರ್ ಜೇಂಟ್ಸ್ ತಂಡಕ್ಕೆ ಸಲ್ಲುತ್ತದೆ.
ತವರಿನಲ್ಲಿ ಸೋತಿದ್ದೇ ಕಡಿಮೆ
ತವರು ನೆಲ ಅಂದರೆ ಚೆನ್ನೈಯಲ್ಲಿ ನಡೆದ ಪಂದ್ಯಗಳನ್ನು ಗಮನಿಸಿದರೆ ಧೋನಿ ನಾಯಕತ್ವ ವಹಿಸಿದ ಶೇ. 75 ಪಂದ್ಯಗಳಲ್ಲಿ ಸಿಎಸ್ಕೆ ತಂಡ ಚೆನ್ನೈ ನೆಲದಲ್ಲಿ ಗೆಲುವು ದಾಖಲಿಸಿದೆ. ಅಲ್ಲದೆ 2010, 2011 ಮತ್ತು 2018ರಲ್ಲಿ ಚೆನ್ನೈ ಚಾಂಪಿಯನ್ ಅನ್ನಿಸುವಾಗಲೂ ತಂಡವನ್ನು ಮುನ್ನಡೆಸಿದ್ದು ಧೋನಿಯೇ.