ಕೇಪ್ಟೌನ್, ನವೆಂಬರ್ 17: ಪಾಕಿಸ್ತಾನದ ಮೊಹಮ್ಮದ್ ನವಾಝ್ ಅವರ ಆಲ್ ರೌಂಡರ್ ಆಟದ ನೆರವಿನಿಂದಾಗಿ ಕೇಪ್ಟೌನ್ನಲ್ಲಿ ನಡೆದ ಮಝನ್ಸಿ ಸೂಪರ್ ಲೀಗ್ ಉದ್ಘಾಟನಾ ಪಂದ್ಯದಲ್ಲಿ ಷ್ವಾನೆ ಸ್ಪಾರ್ಟನ್ಸ್ ವಿರುದ್ಧ ಕೇಪ್ ಟೌನ್ ಬ್ಲಿಟ್ಜ್ 49 ರನ್ ಜಯ ಸಾಧಿಸಿದೆ. ಸ್ಪಾರ್ಟನ್ಸ್ ಪರ ಎಬಿ ಡಿ ವಿಲಿಯರ್ಸ್ ಬಾರಿಸಿದ್ದ ಅರ್ಧ ಶತಕ ವ್ಯರ್ಥಗೊಂಡಿತು.
ರಣಜಿ ಟ್ರೋಫಿ: ಇನ್ನಿಂಗ್ಸ್ನಲ್ಲಿ 15 ಓವರ್ ಮಾತ್ರ ಎಸೆಯಲು ಶಮಿಗೆ ಅವಕಾಶ!
ಟಾಸ್ ಸೋತು ಬ್ಯಾಟಿಂಗ್ ಗೆ ಇಳಿಸಲ್ಪಟ್ಟ ಕೇಪ್ ಟೌನ್ ಬ್ಲಿಟ್ಜ್ ತಂಡಕ್ಕೆ ಕೈಲ್ ವೆರ್ರಿನ್ನೆ 53, ಮೊಹಮ್ಮದ್ ನವಾಝ್ 59, ಜೇಸನ್ ಸ್ಮಿತ್ 25 ರನ್ ಸೇರಿಸಿ ಬೆಂಬಲಿಸಿದರು. ಕೇಪ್ ಟೌನ್ ಬ್ಲಿಟ್ಜ್ 20 ಓವರ್ ಗಳಲ್ಲಿ 4 ವಿಕೆಟ್ ಕಳೆದು 180 ರನ್ ಪೇರಿಸಿತು.
@ABdeVilliers17 You Beauty 😍😍#MSLT20 pic.twitter.com/DfBINQFw24
— Grishma Sharma (@GrishmaSharma17) November 17, 2018
ಷ್ವಾನೆ ಸ್ಪಾರ್ಟನ್ಸ್ ಪರ ನಾಯಕ ಎಬಿಡಿ ಮತ್ತು ಡೀನ್ ಎಲ್ಗರ್ ಮಾತ್ರ ಹೋರಾಟ ನಡೆಸಿದರು. ಉಳಿದವರ ಬೆಂಬಲ ತಂಡಕ್ಕೆ ಸಿಗಲಿಲ್ಲ. ಎಲ್ಗರ್ 32 ರನ್ ಬಾರಿಸಿದರೆ, ಎಬಿಡಿ 3 ಬೌಂಡರಿ, 5 ಸಿಕ್ಸರ್ ಸೇರಿ 59 ರನ್ ಸೇರಿಸಿದರು. ಷ್ವಾನೆ ಸ್ಪಾರ್ಟನ್ಸ್ ತಂಡ 19.3 ಓವರ್ ಗಳಲ್ಲಿ ಎಲ್ಲ ವಿಕೆಟ್ ಕಳೆದು 131 ರನ್ ಪೇರಿಸಿ ಶರಣಾಯಿತು.
ಭಾರತ ಎ ಪರ ಐವರ ಅರ್ಧಶತಕ: ನ್ಯೂಜಿಲೆಂಡ್ ವಿರುದ್ಧ ಉತ್ತಮ ಮೊತ್ತ
ಕೇಪ್ ಟೌನ್ ಬ್ಲಿಟ್ಜ್ ಪರ ಫೆರಿಸ್ಕೊ ಆಡಮ್ಸ್ 3, ನವಾಝ್ 1 ವಿಕೆಟ್ ಕೆಡವಿ ಷ್ವಾನೆ ಸ್ಪಾರ್ಟನ್ಸ್ ಕಟ್ಟಿಹಾಕಿದರು. ಆದರೆ ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ವಿದಾಯ ಘೋಷಿಸಿದ್ದ ದಕ್ಷಿಣ ಆಫ್ರಿಕಾ ಸ್ಪೋಟಕ ಬ್ಯಾಟ್ಸ್ಮನ್ ಎಬಿ ಡಿವಿಲಿಯರ್ಸ್ ಬ್ಯಾಟಿಂಗ್, ಕ್ರೀಡಾಭಿಮಾನಿಗಳನ್ನು ರಂಜಿಸಿದ್ದು ಸುಳ್ಳಲ್ಲ. ಎಬಿಸಿ ಬ್ಯಾಟಿಂಗ್ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಓಡಾಡುತ್ತಿದೆ.