ದುಬೈ: ಇಂಡಿಯನ್ ಪ್ರೀಮಿಯರ್ ಲೀಗ್ ಇತಿಹಾಸದಲ್ಲಿ ಮುಂಬೈ ಇಂಡಿಯನ್ಸ್ ತಂಡ ವಿಶೇಷ ದಾಖಲೆಗೆ ಕಾರಣವಾಗಿದೆ. ಐಪಿಎಲ್ನಲ್ಲಿ 200ನೇ ಪಂದ್ಯ ಆಡಿದ ಮೊದಲ ತಂಡವಾಗಿ ಮುಂಬೈ ಗುರುತಿಸಿಕೊಂಡಿದೆ. ಶನಿವಾರ (ಅಕ್ಟೋಬರ್ 31) ನಡೆದ ಐಪಿಎಲ್ 51ನೇ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಕಣಕ್ಕಿಳಿಯುವ ಮೂಲಕ ಎಂಐ ಈ ಮೈಲಿಗಲ್ಲು ಸ್ಥಾಪಿಸಿದೆ.
ಎಸ್ಆರ್ಎಚ್ ಆಲ್ ರೌಂಡರ್ ವಿಜಯ್ ಶಂಕರ್ ಐಪಿಎಲ್ನಿಂದ ಔಟ್!
ದುಬೈ ಇಂಟರ್ ನ್ಯಾಷನಲ್ ಸ್ಟೇಡಿಯಂನಲ್ಲಿ ನಡೆದಿದ್ದ ಮುಂಬೈ ಇಂಡಿಯನ್ಸ್ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ಮುಖಾಮುಖಿಯ ವೇಳೆ ಮುಂಬೈ ಎಂದಿನ ನಾಯಕ ರೋಹಿತ್ ಶರ್ಮಾ ಆಡಿರಲಿಲ್ಲ. ರೋಹಿತ್ ಗಾಯಕ್ಕೀಡಾಗಿದ್ದರಿಂದ ಅವರ ಅನುಪಸ್ಥಿತಿಯಲ್ಲಿ ಕೀರನ್ ಪೊಲಾರ್ಡ್ ನಾಯಕತ್ವ ವಹಿಸಿಕೊಂಡಿದ್ದರು.
ಐಪಿಎಲ್ನಲ್ಲಿ ಅತೀ ಹೆಚ್ಚಿನ ಪಂದ್ಯ (200) ಆಡಿ, ದಾಖಲೆ ಪಟ್ಟಿಯಲ್ಲಿ ಮುಂಬೈ ಮೊದಲ ಸ್ಥಾನದಲ್ಲಿದ್ದರೆ, ಅನಂತರದ ಸ್ಥಾನಗಳಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (193), ಕೋಲ್ಕತ್ತಾ ನೈಟ್ ರೈಡರ್ಸ್ (191), ಕಿಂಗ್ಸ್ 11 ಪಂಜಾಬ್ (189), ಚೆನ್ನೈ ಸೂಪರ್ ಕಿಂಗ್ಸ್ (178), ರಾಜಸ್ಥಾನ್ ರಾಯಲ್ಸ್ (160), ಸನ್ ರೈಸರ್ಸ್ ಹೈದರಾಬಾದ್ (120) ತಂಡಗಳಿವೆ.
ಜೋಫ್ರಾ ಹೇಳಿದಂತೆಯೇ ನಡೆಯುತ್ತಾ?: ಆರ್ಚರ್ ಹಳೆ ಟ್ವೀಟೊಂದು ವೈರಲ್!
ಐಪಿಎಲ್ನಲ್ಲಿ ಬೇಗನೆ 150 ಪಂದ್ಯಗಳನ್ನಾಡಿದ ದಾಖಲೆ ಮುಂಬೈ ಇಂಡಿಯನ್ಸ್ ತಂಡದ್ದಾಗಿದ್ದರೆ, 50 ಪಂದ್ಯಗಳನ್ನು ಮೊದಲು ಆಡಿದ ತಂಡ ರಾಯಲ್ ಚಾಲೆಂಜರ್ಸ್ ಬೆಂಗಳೂರು. ಇನ್ನು ಚೆನ್ನೈ ಸೂಪರ್ ಕಿಂಗ್ಸ್ ಹೆಸರಿನಲ್ಲಿ 100 ಪಂದ್ಯಗಳನ್ನು ವೇಗವಾಗಿ ಆಡಿದ ದಾಖಲೆಯಿದೆ.