9 ವರ್ಷ 3 ತಿಂಗಳ ನಂತರ ತಾಯಿಯನ್ನು ಭೇಟಿಯಾದ ಮುಂಬೈ ಇಂಡಿಯನ್ಸ್ ಆಟಗಾರ; ಫೋಟೋ ವೈರಲ್

ಕ್ರಿಕೆಟ್ ವೇಳಾಪಟ್ಟಿಯು ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿರುವ ಒತ್ತಡದಿಂದ ಕ್ರಿಕೆಟ್ ಆಟಗಾರರು ಕುಟುಂಬದಿಂದ ದೂರವಿರುತ್ತಾರೆ, ವಿಶೇಷವಾಗಿ ಕೋವಿಡ್-19 ಮತ್ತು ಬಯೋ-ಬಬಲ್‌ಗಳ ಯುಗದಲ್ಲಿ. ಆದರೆ ಮುಂಬೈ ಇಂಡಿಯನ್ಸ್ ಆಲ್‌ರೌಂಡರ್ ಕುಮಾರ್ ಕಾರ್ತಿಕೇಯ ಸಿಂಗ್ ಅವರು ತಮ್ಮ ಕುಟುಂಬದಿಂದ ಬರೊಬ್ಬರಿ 9 ವರ್ಷಗಳ ಕಾಲ ದೂರವಿದ್ದರು. ಅದಕ್ಕೆ ಕಾರಣವೂ ಇದೆ.

ಮುಂಬೈ ಇಂಡಿಯನ್ಸ್ ಆಟಗಾರ ಕುಮಾರ್ ಕಾರ್ತಿಕೇಯ ಅವರು ಮಂಗಳವಾರ (ಆಗಸ್ಟ್ 2) ದಂದು 9 ವರ್ಷ ಮತ್ತು 3 ತಿಂಗಳ ನಂತರ ತಮ್ಮ ಕುಟುಂಬವನ್ನು ಭೇಟಿಯಾಗುತ್ತಿರುವುದನ್ನು ಬಹಿರಂಗಪಡಿಸಿದಾಗ ಅಭಿಮಾನಿಗಳಿಗೆ ಆಶ್ಚರ್ಯ ಕಾದಿತ್ತು.

ಟಿ20 ವಿಶ್ವಕಪ್‌: ಈ ಸ್ಟಾರ್ ಆಟಗಾರನ ಫಾರ್ಮ್ ಭಾರತ ತಂಡಕ್ಕೆ ಸಕಾರಾತ್ಮಕ ಸಂಕೇತ; ಕಮ್ರಾನ್ ಅಕ್ಮಲ್ಟಿ20 ವಿಶ್ವಕಪ್‌: ಈ ಸ್ಟಾರ್ ಆಟಗಾರನ ಫಾರ್ಮ್ ಭಾರತ ತಂಡಕ್ಕೆ ಸಕಾರಾತ್ಮಕ ಸಂಕೇತ; ಕಮ್ರಾನ್ ಅಕ್ಮಲ್

ಕುಮಾರ್ ಕಾರ್ತಿಕೇಯ ಅವರು ತಮ್ಮ ತಾಯಿಯ ಪಕ್ಕದಲ್ಲಿ ನಿಂತಿರುವ Instagram ಸ್ಟೋರಿಯನ್ನು ಹಂಚಿಕೊಂಡಿದ್ದಾರೆ ಮತ್ತು ಹೀಗೆ ಬರೆದಿದ್ದಾರೆ, "ಹೌದು, ನೀವು ಹೇಳಿದ್ದು ಸರಿ. 9 ತಿಂಗಳು ಮತ್ತು 3 ವರ್ಷಗಳ ನಂತರ ಮನೆಗೆ ಹಿಂತಿರುಗಿದ್ದೇನೆ". ಸದ್ಯಕ್ಕೆ ಈ ಚಿತ್ರ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿದೆ.

ಚಿತ್ರವನ್ನು ಟ್ವಿಟ್ಟರ್‌ನಲ್ಲಿ ಪೋಸ್ಟ್ ಮಾಡಿದ ಕಾರ್ತಿಕೇಯ

ಕುಮಾರ್ ಕಾರ್ತಿಕೇಯ ಈ ಚಿತ್ರವನ್ನು ಟ್ವಿಟ್ಟರ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಈ ಚಿತ್ರವು 17,000 ಲೈಕ್‌ಗಳನ್ನು ಮತ್ತು 900 ರೀಟ್ವೀಟ್‌ಗಳನ್ನು ಗಳಿಸಿದೆ.

ಕಾರ್ತಿಕೇಯ ಅವರ ಐಪಿಎಲ್ ಫ್ರಾಂಚೈಸಿ ಮುಂಬೈ ಇಂಡಿಯನ್ಸ್ ಕೂಡ ಅದೇ ಚಿತ್ರವನ್ನು ಹಂಚಿಕೊಂಡಿದ್ದು, ಪೋಸ್ಟ್‌ಗೆ ಶೀರ್ಷಿಕೆಯನ್ನು ನೀಡಿದ್ದು, 'ಇದನ್ನು ನಾವು ಪರಿಪೂರ್ಣ ಮನೆಗೆ ಬರುವಿಕೆ ಎಂದು ಕರೆಯುತ್ತೇವೆ' ಎಂದು ಬರೆದುಕೊಂಡಿದೆ.

ಮುಂಬೈ ಇಂಡಿಯನ್ಸ್ ತಂಡದ ಎಡಗೈ ಚೈನಾಮನ್ ಬೌಲರ್

ಮಧ್ಯಪ್ರದೇಶ ಪರ ಆಡುತ್ತಿರುವ ಕುಮಾರ್ ಕಾರ್ತಿಕೇಯ ಐಪಿಎಲ್‌ನಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ಎಡಗೈ ಚೈನಾಮನ್ ಬೌಲರ್. ಅವರು ಆಡಿದ 4 ಪಂದ್ಯಗಳಲ್ಲಿ ಮುಂಬೈ ಇಂಡಿಯನ್ಸ್‌ಗೆ ಉತ್ತಮ ಪ್ರದರ್ಶನ ನೀಡಿದರು, 7.85ರ ಎಕಾನಮಿಯಲ್ಲಿ ಐದು ವಿಕೆಟ್‌ಗಳನ್ನು ಪಡೆದಿದ್ದಾರೆ.

ಐಪಿಎಲ್ 2022ರಲ್ಲಿ ಮುಂಬೈ ಇಂಡಿಯನ್ಸ್ ಕೊನೆಗೊಂಡ ನಂತರವೂ ಕಾರ್ತಿಕೇಯ ಅವರು ಮಧ್ಯಪ್ರದೇಶ ಪರವಾಗಿ ಮುಂಬೈ ವಿರುದ್ಧ ರಣಜಿ ಟ್ರೋಫಿ 2022 ಫೈನಲ್‌ನಲ್ಲಿ ನಿರತರಾಗಿದ್ದರಿಂದ ಮನೆಗೆ ಹಿಂತಿರುಗಲು ಸಾಧ್ಯವಾಗಲಿಲ್ಲ.

ಜೀವನದಲ್ಲಿ ಏನನ್ನಾದರೂ ಸಾಧಿಸಿದ ನಂತರವೇ ಮನೆಗೆ ಹೋಗಬೇಕು

ಜೀವನದಲ್ಲಿ ಏನನ್ನಾದರೂ ಸಾಧಿಸಿದ ನಂತರವೇ ಮನೆಗೆ ಹೋಗಬೇಕು

ತನ್ನ ಜೀವನದಲ್ಲಿ ಏನನ್ನಾದರೂ ಸಾಧಿಸಿದ ನಂತರವೇ ಮನೆಗೆ ಹೋಗಬೇಕೆಂದು ಕುಮಾರ್ ಕಾರ್ತಿಕೇಯ ಮಾಧ್ಯಮಗಳಿಗೆ ಈ ಹಿಂದೆ ಹೇಳಿದ್ದರು. ತಮ್ಮ ಐಪಿಎಲ್ ಚೊಚ್ಚಲ ಟೂರ್ನಿ ಮತ್ತು ರಣಜಿ ಟ್ರೋಫಿ ಪ್ರಶಸ್ತಿಯನ್ನು ಗೆದ್ದ ನಂತರ ಮನೆಗೆ ಹಿಂದಿರುಗಲು ಈ ಸಮಯ ಸರಿಯಾಗಿದೆ ಎಂದು ಭಾವಿಸಿದರು.

ಕುಮಾರ್ ಕಾರ್ತಿಕೇಯ ಅವರು ಏಪ್ರಿಲ್ 30ರಂದು 15ನೇ ಆವೃತ್ತಿಯ ಲೀಗ್‌ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಐಪಿಎಲ್ ಚೊಚ್ಚಲ ಪಂದ್ಯವನ್ನು ಆಡಿದರು ಮತ್ತು ಉತ್ತಮ ಋತುವನ್ನು ಹೊಂದಿದ್ದರು. 2022ರ ರಣಜಿ ಟ್ರೋಫಿಯ ಫೈನಲ್‌ನಲ್ಲಿ ಅವರು ಎರಡನೇ ಇನ್ನಿಂಗ್ಸ್‌ನಲ್ಲಿ ನಾಲ್ಕು ವಿಕೆಟ್ ಸೇರಿದಂತೆ ಐದು ವಿಕೆಟ್‌ಗಳನ್ನು ಪಡೆದರು. ಮಧ್ಯಪ್ರದೇಶ ಅವರ ಮೊದಲ ರಣಜಿ ಪ್ರಶಸ್ತಿಯನ್ನು ಗೆಲ್ಲಲು ಸಹಾಯ ಮಾಡಿದರು.

ರೋಹಿತ್ ಶರ್ಮಾ ಬೆಂಬಲ ಹೊಂದಿರುವ ಕುಮಾರ್ ಕಾರ್ತಿಕೇಯ

ರೋಹಿತ್ ಶರ್ಮಾ ಬೆಂಬಲ ಹೊಂದಿರುವ ಕುಮಾರ್ ಕಾರ್ತಿಕೇಯ

2022ರ ಋತುವಿನ ರಣಜಿ ಟ್ರೋಫಿಯಲ್ಲಿ ಕಾರ್ತಿಕೇಯ 11 ಇನ್ನಿಂಗ್ಸ್‌ಗಳಲ್ಲಿ 32 ವಿಕೆಟ್‌ಗಳನ್ನು ಗಳಿಸಿದರು. ಈ ಆವೃತ್ತಿಯಲ್ಲಿ ಎರಡನೇ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್‌ ಎನಿಸಿಕೊಂಡರು.

ಐಪಿಎಲ್ 2023ರಲ್ಲಿ ಮುಂಬೈ ಇಂಡಿಯನ್ಸ್‌ಗೆ ಕುಮಾರ್ ಕಾರ್ತಿಕೇಯ ನಿರ್ಣಾಯಕ ಪಾತ್ರವನ್ನು ವಹಿಸುತ್ತಾರೆ ಎಂದು ನಿರೀಕ್ಷಿಸಲಾಗಿದೆ. ಅವರು ತಮ್ಮ ಬೌಲಿಂಗ್ ವಿಭಾಗಕ್ಕೆ ವೈವಿಧ್ಯತೆಯನ್ನು ತರುವ ಒಬ್ಬ ಸ್ಪಿನ್ನರ್. ಕುಮಾರ್ ಕಾರ್ತಿಕೇಯ ಖಂಡಿತವಾಗಿಯೂ ಮುಂಬೈ ಇಂಡಿಯನ್ಸ್ ನಾಯಕ ರೋಹಿತ್ ಶರ್ಮಾ ಅವರ ಬೆಂಬಲವನ್ನು ಹೊಂದಿದ್ದಾರೆ. ರೋಹಿತ್ ಶರ್ಮಾ ತಮ್ಮ ತಂಡದಲ್ಲಿ ಯುವಕರಿಗೆ ಅವಕಾಶ ನೀಡಲು ಇಷ್ಟಪಡುತ್ತಾರೆ. ಸದ್ಯ ಕಾರ್ತಿಕೇಯ ಅವರು ಸುದೀರ್ಘ ಸಮಯದ ನಂತರ ತಮ್ಮ ಮನೆಗೆ ಮರಳುತ್ತಿರುವ ಖುಷಿಯಲ್ಲಿದ್ದಾರೆ.

For Quick Alerts
Subscribe Now
For Quick Alerts
ALLOW NOTIFICATIONS
For Daily Alerts
Story first published: Thursday, August 4, 2022, 13:41 [IST]
Other articles published on Aug 4, 2022

Latest Videos

    + More
    POLLS
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Yes No
    Settings X