Click it and Unblock the Notifications
ಇನ್ಸ್ಟಾಗ್ರಾಮ್ ಪೋಸ್ಟ್‌ನಲ್ಲೇನಿದೆ?
ಶುಭ್‌ಮನ್ ಗಿಲ್ ತಮ್ಮ ಸ್ಟೈಲಿಶ್ ಫೋಟೋಗೆ "ಐ ಸ್ಪೈ"(ನಾನು ಕಣ್ಣಿಡುತ್ತೇನೆ) ಎಂದು ಬರೆದ ಪೋಸ್ಟ್ ಮಾಡಿದ್ದಾರೆ. ಮತ್ತೊಂದೆಡೆ ಸಾರಾ ತೆಂಡೂಲ್ಕರ್ ಕೂಡ ತಮ್ಮ ಮುದ್ದಾದ ಪೋಟೋವೊಂದನ್ನು ಹಂಚಿಕೊಂಡಿದ್ದು ಅವರು ಕೂಡ "ಐ ಸ್ಪೈ" ಎಂದು ಬರೆದುಕೊಂಡು ಶುಭ್‌ಮನ್ ಗಿಲ್ ಹಾಕಿಕೊಂಡಿರುವಂತೆಯೇ ಎರಡು ಕಣ್ಣುಗಳ ಇಮೋಜಿ ಹಾಕಿದ್ದಾರೆ.
|
ನೆಟ್ಟಿಗರ ತಮಾಷೆ!
ಈ ಪೋಸ್ಟ್ ಈಗ ಸಾಮಾಜಿಕ ಜಾಲತಾಣದಲ್ಲಿ ಟ್ರೋಲ್‌ಗೆ ಕಾರಣವಾಗಿದೆ. ಅನೇಕ ನೆಟ್ಟಿಗರು ಈ ಬಗ್ಗೆ ತಮಾಷೆಯಾಗಿ ಸಾಕಷ್ಟು ಪೋಸ್ಟ್‌ಗಳನ್ನು ಹಾಕಿದ್ದು ಕೆಲವರಂತೂ ಸಾರಾ ತಂದೆ ಸಚಿನ್ ತೆಂಡೂಲ್ಕರ್‌ಗೆ ದೂರನ್ನೇ ನೀಡಿದ್ದಾರೆ. ಆದರೆ ಸಾರಾ ಆಗಲಿ ಶುಭ್‌ಮನ್ ಗಿಲ್ ಆಗಲಿ ಈ ಬಗ್ಗೆ ತಮಗೇನೂ ಗೊತ್ತೇ ಇಲ್ಲದಂತೆ ತಮಾಷೆ ನೋಡುತ್ತಿದ್ದಾರೆ.
|
ಇದೇನು ಮೊದಲಲ್ಲ!
ಸಾರಾ ಹಾಗೂ ಶುಭ್‌ಮನ್ ಬಗ್ಗೆ ಟ್ರೋಲ್‌ಗೆ ಒಳಗಾಗುತ್ತಿರುವುದು ಇದೇನೂ ಮೊದಲಲ್ಲ. ಈ ಹಿಂದೆಯೂ ಸಾಕಷ್ಟು ಬಾರಿ ಸಾಮಾಜಿಕ ಜಾಲತಾಣಗಳಲ್ಲಿ ಇವರನ್ನು ಕಾಳೆಳೆದಿದ್ದರು. ಟೀಮ್ ಇಂಡಿಯಾ ಆಟಗಾರ ಹಾರ್ದಿಕ್ ಪಾಂಡ್ಯ ಕೂಡ ಶುಭ್‌ಮನ್ ಗಿಲ್ ಇನ್ಸ್ಟಾಗ್ರಾಮ್ ಪೋಸ್ಟ್‌ವೊಂದಕ್ಕೆ ಸಾರಾ ಮಾಡಿದ ಕಾಮೆಂಟ್‌ಗೆ ಪ್ರತಿಕ್ರಿಯಿಸಿ ಕಾಲೆಳೆದಿದ್ದರು.
ಟೀಮ್ ಇಂಡಿಯಾದ ಭವಿಷ್ಯದ ತಾರೆ
ಟೀಮ್ ಇಂಡಿಯಾಗೆ ಈಗಾಗಲೇ ಪದಾರ್ಪಣೆ ಮಾಡಿರುವ ಶುಭ್‌ಮನ್ ಗಿಲ್ ಭವಿಷ್ಯದ ಕ್ರಿಕೆಟಿಗ ಎಂದು ಗುರುತಿಸಿಕೊಂಡಿದ್ದಾರೆ. 20 ವರ್ಷದ ಗಿಲ್ ಐಪಿಎಲ್‌ನಲ್ಲಿ ಕೊಲ್ಕತ್ತಾ ತಂಡದ ಪರವಾಗಿ ಕಣಕ್ಕಿಳಿಯಲಿದ್ದಾರೆ. ಮತ್ತೊಂದೆಡೆ ಸಾರಾ ಮುಂಬೈನಲ್ಲಿ ವಿದ್ಯಾಭ್ಯಾಸವನ್ನು ನಡೆಸುತ್ತಿದ್ದಾರೆ.
