Click it and Unblock the Notifications
ಚೊಚ್ಚಲ ಟೆಸ್ಟ್‌ನಲ್ಲಿ ದಾಖಲೆ
ಇಂಗ್ಲೆಂಡ್ ವಿರುದ್ಧದ ಟೆಸ್ಟ್‌ನೊಂದಿಗೆ ಚೊಚ್ಚಲ ಟೆಸ್ಟ್ ಪಂದ್ಯ ಆಡುತ್ತಿರುವ 29ರ ಹರೆಯದ ಡೆವೊನ್ ಕಾನ್ವೇ 86 ಓವರ್‌ ಮುಕ್ತಾಯದ ವೇಳೆಗೆ 240 ಎಸೆತಗಳಲ್ಲಿ 136 ರನ್ ಬಾರಿಸಿ ಆಡುತ್ತಿದ್ದರು. ಇದರಲ್ಲಿ 16 ಫೋರ್‌ಗಳು ಸೇರಿದ್ದವು. ಈ ಬ್ಯಾಟಿಂಗ್‌ನೊಂದಿಗೆ ಕಾನ್ವೇ ಲಾರ್ಡ್ಸ್‌ನಲ್ಲಿ ಚೊಚ್ಚಲ ಟೆಸ್ಟ್ ಪಂದ್ಯದಲ್ಲೇ ಶತಕ ಬಾರಿಸಿದ 6ನೇ ಬ್ಯಾಟ್ಸ್‌ಮನ್‌ ಆಗಿ ಮತ್ತು ಲಾರ್ಡ್ಸ್‌ನಲ್ಲಿ ಅತೀ ಹೆಚ್ಚು ರನ್ ಬಾರಿಸಿದ ಆಟಗಾರನಾಗಿ ಗುರುತಿಸಿಕೊಂಡಿದ್ದಾರೆ.
ಗಂಗೂಲಿ ದಾಖಲೆ ಪತನ
ಎಡಗೈ ಬ್ಯಾಟ್ಸ್‌ಮನ್‌ ಆಗಿರುವ ಡೆವೊನ್ ಕಾನ್ವೆ, ಎಡಗೈ ಬ್ಯಾಟ್ಸ್‌ಮನ್‌ ಸೌರವ್ ಗಂಗೂಲಿ ಹೆಸರಿನಲ್ಲಿದ್ದ ದಾಖಲೆಯೊಂದನ್ನು ಸರಿಗಟ್ಟಿದ್ದಾರೆ. 1996ರಲ್ಲಿ ಲಾರ್ಡ್ಸ್‌ನಲ್ಲಿ ನಡೆದಿದ್ದ ಪಂದ್ಯದ ಮೂಲಕ ಪಾದಾರ್ಪಣೆ ಮಾಡಿದ್ದ ಗಂಗೂಲಿ 131 ರನ್ ಗಳಿಸಿದ್ದರು. ಇದು ಲಾರ್ಡ್ಸ್‌ನಲ್ಲಿ ಚೊಚ್ಚಲ ಟೆಸ್ಟ್ ಪಂದ್ಯದಲ್ಲಿ ದಾಖಲಾಗಿದ್ದ ಅತೀ ಹೆಚ್ಚಿನ ರನ್ ಆಗಿ 25 ವರ್ಷಗಳವರೆಗೆ ದಾಖಲೆ ಉಳಿಸಿಕೊಂಡಿತ್ತು. ಆದರೆ ಕಾನ್ವೇ ಈಗ ಅಜೇಯ 136 ರನ್ ಬಾರಿಸಿರುವುದರಿಂದ ಸೌರವ್ ದಾಖಲೆ ಬದಿಗೆ ಸರಿದಿದೆ.
ಇನ್ನೊಂದು ಅಚ್ಚರಿಯ ಸಂಗತಿ!
ಟೆಸ್ಟ್‌ನಲ್ಲಿ ಸೌರವ್ ಗಂಗೂಲಿ ಹೆಸರಿನಲ್ಲಿದ್ದ ದಾಖಲೆಯನ್ನು ಡಿವೊನ್ ಕಾನ್ವೇ ಮುರಿದಿದ್ದಾರೆ. ಇಬ್ಬರೂ ಎಡಗೈ ಬ್ಯಾಟ್ಸ್‌ಮನ್‌ಗಳು. ಅಷ್ಟೇ ಅಲ್ಲ, ಇಬ್ಬರ ಜನ್ಮ ದಿನಾಂಕವೂ ಜುಲೈ 8. ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡಿದ್ದ ನ್ಯೂಜಿಲೆಂಡ್ ತಂಡ 86 ಓವರ್‌ ಮುಕ್ತಾಯಕ್ಕೆ 3 ವಿಕೆಟ್‌ ಕಳೆದು 246 ರನ್ ಬಾರಿಸಿತ್ತು. ಜೂನ್ 2ರ ದಿನದಾಟದ ಅಂತ್ಯಕ್ಕೆ ಕಾನ್ವೆ 136, ಹೆನ್ರಿ ನಿಕೋಲ್ಸ್ 46 ರನ್ ಬಾರಿಸಿ ಆಡುತ್ತಿದ್ದರು.
