ವೆಲ್ಲಿಂಗ್ಟನ್, ಆಗಸ್ಟ್ 21: ನ್ಯೂಜಿಲೆಂಡ್ ಮಹಿಳಾ ಕ್ರಿಕೆಟ್ ತಂಡದ ನಾಯಕಿ ಆ್ಯಮಿ ಸ್ಯಾಟರ್ತ್ವೈಟ್ ಆಟದಿಂದ ಕೊಂಚ ಬಿಡುವು ತೆಗೆದುಕೊಳ್ಳುತ್ತಿದ್ದಾರೆ. ಹಾಗಂತ ಕ್ರಿಕೆಟ್ ಬೋರ್ಡಿನೊಂದಿಗಿನ ಅವರ ಒಪ್ಪಂದ ಕೊನೆಗೊಂಡಿಲ್ಲ. ಆದರೆ ಗರ್ಭಿಣಿ ರಜೆ ನೀತಿಯ ಅನುಸಾರ ಆ್ಯಮಿ ಸಂಬಳ ಸಹಿತ ಬಿಡುವು ತೆಗೆದುಕೊಂಡಿದ್ದಾರೆ.
ದುಬೈನಲ್ಲಿ ಭಾರತೀಯ ವಧುವನ್ನು ವರಿಸಿದ ಪಾಕ್ ಕ್ರಿಕೆಟರ್ ಹಸನ್ ಅಲಿ
ಹೇಳಿಕೆಯೊಂದರಲ್ಲಿ ಸ್ಯಾಟರ್ತ್ವೈಟ್ ತಾನು ಮತ್ತು ತನ್ನ ಪತ್ನಿ, ಸಹ ಆಟಗಾರ್ತಿ ಲೀ ತಹುಹು ತಮ್ಮ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದೇವೆ. ಮುಂದಿನ ವರ್ಷ ಜನವರಿಯಲ್ಲಿ ಮಗು ಜನಿಸುವ ನಿರೀಕ್ಷೆಯಿದೆ ಎಂದು ಮಾಹಿತಿ ನೀಡಿದ್ದಾರೆ.
3ನೇ ಆ್ಯಷಸ್ ಟೆಸ್ಟ್ನಿಂದ ಆಸೀಸ್ ಬ್ಯಾಟ್ಸ್ಮನ್ ಸ್ಟೀವ್ ಸ್ಮಿತ್ ಹೊರಕ್ಕೆ
2021ರ ವಿಶ್ವಕಪ್ ವೇಳೆ ನ್ಯೂಜಿಲೆಂಡ್ ತಂಡ ಸೇರಿಕೊಳ್ಳುವ ವಿಶ್ವಾಸವನ್ನು ಸ್ಯಾಟರ್ತ್ವೈಟ್ ತೋರಿಕೊಂಡಿದ್ದಾರೆ. ಈ ವಿಶ್ವಕಪ್ ಟೂರ್ನಿಯ ಆತಿಥ್ಯವನ್ನು ನ್ಯೂಜಿಲೆಂಡ್ ವಹಿಸಿಕೊಳ್ಳುತ್ತಿದೆ. ಹಾಗೆಯೆ ಬಿಡುವಿನ ವೇಳೆ ತಾನು ತಂಡದ ಮಾರ್ಗದರ್ಶಿಯಾಗಿರುವುದಾಗಿ ಆ್ಯಮಿ ತಿಳಿಸಿದ್ದಾರೆ.
Lea and I are thrilled to share that I am expecting our first child early in the new year. Words cannot describe how excited we are about this new chapter 🥰 #babysatterhuhu #jan2020 pic.twitter.com/UwRXJ3YMJx
— Amy Satterthwaite (@AmySatterthwait) August 20, 2019
'ಲೀ ಮತ್ತು ನಾನು ಒಂದು ಖುಷಿಯ ವಿಚಾರ ಹಂಚಿಕೊಳ್ಳಲು ಬಯಸಿದ್ದೇವೆ. ಮುಂದಿನ ಹೊಸ ವರ್ಷದ ಆರಂಭದಲ್ಲಿ ನಮ್ಮ ಮೊದಲ ಮಗುವಿನ ನಿರೀಕ್ಷೆಯಲ್ಲಿ ನಾವಿದ್ದೇವೆ. ಇದು ನಮ್ಮ ಜೀವನದಲ್ಲಿ ಒಂದು ವಿಶೇಷ ಸಮಯ ಮತ್ತು ಈ ಹೊಸ ಅಧ್ಯಾಯಕ್ಕಾಗಿ ನಾವು ಕಾತರರಾಗಿದ್ದೇವೆ,' ಎಂದು ಸ್ಯಾಟರ್ತ್ವೈಟ್ ಹೇಳಿಕೊಂಡಿದ್ದಾರೆ.
ಕೆಪಿಎಲ್ 2019: ಬೆಂಗಳೂರು ಬ್ಲಾಸ್ಟರ್ಸ್ ಮಣಿಸಿದ ಶಿವಮೊಗ್ಗ ಲಯನ್ಸ್
ನ್ಯೂಜಿಲೆಂಡ್ ಕ್ರಿಕೆಟ್ನಲ್ಲಿನ ಗರ್ಭಿಣಿ ರಜೆ ನೀತಿಯ ಪ್ರಕಾರ 2019-20ರ ವರೆಗೆ ಬೋರ್ಡ್ನೊಂದಿಗಿನ ತನ್ನ ಒಪ್ಪಂದ ಉಳಿಸಿಕೊಂಡಿರುವ ಸ್ಯಾಟರ್ತ್ವೈಟ್, 2017ರ ಮಾರ್ಚ್ನಲ್ಲಿ ತನ್ನದೇ ತಂಡದಲ್ಲಿದ್ದ ಲೀ ತಹುಹು ಅವರನ್ನು ಮದುವೆಯಾಗಿದ್ದರು.