ಟೆಸ್ಟ್ ಕ್ರಿಕೆಟ್
ಟೆಸ್ಟ್ ಕ್ರಿಕೆಟ್ನ ಇತಿಹಾಸದಲ್ಲಿ ಫೀಲ್ಡಿಂಗ್ಗೆ ಅಡ್ಡಿಪಡಿಸಿದ ಕಾರಣಕ್ಕೆ ಔಟಾದ ಕೇವಲ ಒಂದು ಘಟನೆ ಮಾತ್ರ ದಾಖಲಾಗಿದೆ. ಇಂಗ್ಲೆಂಡ್ನ ಮಾಜಿ ನಾಯಕ ಹಾಗೂ ಶ್ರೇಷ್ಠ ಬ್ಯಾಟ್ಸ್ಮನ್ ಲೆನ್ ಹಟ್ಟನ್ ಈ ರೀತಿ ಟೆಸ್ಟ್ ಕ್ರಿಕೆಟ್ನಲ್ಲಿ ಔಟಾದ ಏಕೈಕ ಆಟಗಾರನಾಗಿದ್ದಾರೆ. 1951ರಲ್ಲಿ ಓವಲ್ನಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್ ಸರಣಿಯ ಐದನೇ ಪಂದ್ಯದಲ್ಲಿ ಹಟ್ಟನ್ ಈ ರೀತಿ ವಿಕೆಟ್ ಒಪ್ಪಿಸಿದ್ದಾರೆ.
ಏಕದಿನ ಕ್ರಿಕೆಟ್
ಶ್ರೀಲಂಕಾದ ಬ್ಯಾಟ್ಸ್ಮನ್ ಧನುಷ್ಕ ಗುಣತಿಲಕ ಫೀಲ್ಡಿಂಗ್ಗೆ ಅಡ್ಡಿಪಡಿಸಿದ ಕಾರಣಕ್ಕೆ ಏಕದಿನ ಮಾದರಿಯ ಕ್ರಿಕೆಟ್ನಲ್ಲಿ ವಿಕೆಟ್ ಒಪ್ಪಿಸಿದ 8ನೇ ಆಟಗಾರನಾಗಿದ್ದಾರೆ. ಈ ಪಂದ್ಯ ವೆಸ್ಟ್ ಇಂಡೀಸ್ ವಿರುದ್ಧ ಆಂಟಿಗುವಾದ ಸೈಂಟ್ ಜೋನ್ಸ್ ಮೈದಾನದಲ್ಲಿ ಮಾರ್ಚ್ 10, 2021ರಲ್ಲಿ ನಡೆದಿತ್ತು.
ಏಕದಿನ ಮಾದರಿಯಲ್ಲಿ ಹೀಗೆ ಔಟಾದ ಆಟಗಾರರ ಪಟ್ಟಿ:
*ರಮೀಜ್ ರಾಜಾ (ಪಾಕಿಸ್ತಾನ) vs ಇಂಗ್ಲೆಂಡ್, ಕರಾಚಿ, 1987
ಮೊಹಿಂದರ್ ಅಮರನಾಥ್ (ಭಾರತ) vs ಶ್ರೀಲಂಕಾ, ಅಹ್ಮದಾಬಾದ್, 1989
*ಇಂಜಮಾಮ್-ಉಲ್-ಹಕ್ (ಪಾಕಿಸ್ತಾನ) vs ಭಾರತ, ಪೇಶಾವರ್, 2006
ಮೊಹಮ್ಮದ್ ಹಫೀಜ್ (ಪಾಕಿಸ್ತಾನ) vs ದಕ್ಷಿಣ ಆಫ್ರಿಕಾ, ಡರ್ಬನ್, 2013
*ಅನ್ವರ್ ಅಲಿ (ಪಾಕಿಸ್ತಾನ) vs ದಕ್ಷಿಣ ಆಫ್ರಿಕಾ, ಪೋರ್ಟ್ ಎಲಿಜಬೆತ್, 2013
*ಬೆನ್ ಸ್ಟೋಕ್ಸ್ (ಇಂಗ್ಲೆಂಡ್) vs ಆಸ್ಟ್ರೇಲಿಯಾ, ಲಾರ್ಡ್ಸ್, 2015
ಕ್ಸೇವಿಯರ್ ಮಾರ್ಷಲ್ (ಯುಎಸ್ಎ) vs ಯುಎಇ, ಶಾರ್ಜಾ, 2019.
ಅಂತಾರಾಷ್ಟ್ರೀಯ ಟಿ20 ಮಾದರಿ
ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್ ಮಾದರಿಯಲ್ಲಿ ಕೇವಲ ಇಬ್ಬರು ಆಟಗಾರರು ಮಾತ್ರವೇ ಫೀಲ್ಡಿಂಗ್ಗೆ ಅಡ್ಡಿಪಡಿಸಿದ ಕಾರಣಕ್ಕೆ ವಿಕೆಟ್ ಒಪ್ಪಿಸಿದ್ದಾರೆ. 2017ರಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧದ ಪಂದ್ಯದಲ್ಲಿ ಇಂಗ್ಲೆಂಡ್ನ ಜೇಸನ್ ರಾಯ್ ಮೊದಲ ಬಾರಿಗೆ ಚುಟುಕು ಕ್ರಿಕೆಟ್ನಲ್ಲಿ ಫೀಲ್ಡಿಂಗ್ಗೆ ಅಡ್ಡಿಪಡಿಸಿ ವಿಕೆಟ್ ಒಪ್ಪಿಸಿದ್ದಾರೆ. ಮಾಲ್ಡೀವ್ಸ್ ಹಾಗೂ ಕತಾರ್ ವಿರುದ್ಧದ ಪಂದ್ಯದಲ್ಲಿ ಮಾಲ್ಡೀವ್ಸ್ನ ಹಸ್ಸನ್ ರಶೀದ್ ಕೂಡ ಇದೇ ಕಾರಣಕ್ಕೆ ವಿಕೆಟ್ ಒಪ್ಪಿಸಿಹೊರನಡೆದಿದ್ದಾರೆ.
ಇಂಡಿಯನ್ ್ಪ್ರೀಮಿಯರ್ ಲೀಗ್
ಐಪಿಎಲ್ನ ಕಳೆದ 13 ಆವೃತ್ತಿಗಳಲ್ಲಿ ಎರಡು ಬಾರಿ ಬ್ಯಾಟ್ಸ್ಮನ್ಗಳು ಫಿಲ್ಡಿಂಗ್ಗೆ ಅಡ್ಡಿಪಡಿಸಿದರು ಎಂಬ ಕಾರಣಕ್ಕೆ ಫೆವಿಲಿಯನ್ ಸೇರಿದ ಘಟನೆಗಳು ನಡೆದಿದೆ. 2013ರಲ್ಲಿ ಯುಸುಫ್ ಪಠಾಣ್ ಇದೇ ರೀತಿ ವಿಕೆಟ್ ಒಪ್ಪಿಸಿದ್ದರು. ಕೊಲ್ಕತ್ತಾ ನೈಟ್ ರೈಡರ್ಸ್ ಪರವಾಗಿ ಪುಣೆ ವಿರುದ್ಧದ ಪಂದ್ಯದಲ್ಲಿ ಯೂಸುಫ್ ಹೀಗೆ ಔಟಾಗಿದ್ದರು. 2019 ಐಪಿಎಲ್ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಪರವಾಗಿ ಕಣಕ್ಕಿಳಿದಿದ್ದ ಅಮಿತ್ ಮಿಶ್ರಾ ಕೂಡ ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲಿ ಈ ರೀತಿ ಔಟ್ ಆಗಿ ವಿಕೆಟ್ ಒಪ್ಪಿಸಿದ್ದರು.
ಪ್ರಥಮದರ್ಜೆ ಕ್ರಿಕೆಟ್
ಸೌರಾಷ್ಟ್ರದ ಶೆಲ್ಡನ್ ಜಾಕ್ಸನ್ 2017ರಲ್ಲಿ ಫೀಲ್ಡಿಂಗ್ಗೆ ಅಡ್ಡಿಪಡಿಸಿದರು ಎಂಬ ಕಾರಣಕ್ಕೆ ಛತ್ತೀಸ್ಘಡ್ ವಿರುದ್ಧದ ವಿಜಯ್ ಹಜಾರೆ ಟ್ರೋಫಿಯ ಪಂದ್ಯದಲ್ಲಿ ವಿಕೆಟ್ ಒಪ್ಪಿಸಿದ್ದರು. ಸರ್ರೆ ತಂಡದ ಮಾರ್ಕ್ ರಾಮ್ಪ್ರಕಾಶ್ 2011ರಲ್ಲಿ ಗ್ಲೌಸೆಸ್ಟರ್ಶೈರ್ ವಿರುದ್ಧದ ಪಂದ್ಯದಲ್ಲೂ ಹೀಗೆಯೇ ಫೆವಿಲಿಯನ್ ಸೇರಿದ್ದರು. 2018ರಲ್ಲಿ ಬ್ರಿಸ್ಬೇನ್ ಹೀಟ್ ತಂಡದ ಅಲೆಕ್ಸ್ ರೋಸ್, 2017ರಲ್ಲಿ ಜಿಂಬಾಬ್ವೆಯ ಲೊಗಾನ್ ಕಪ್ನಲ್ಲಿ ರಿಯಾನ್ ಬರ್ಲ್ ಕೂಡ ಪ್ರಥಮದರ್ಜೆ ಕ್ರಿಕೆಟ್ನಲ್ಲಿ ವಿಚಿತ್ರ ಕಾರಣಕ್ಕೆ ಔಟ್ಆದ ಆಟಗಾರರಾಗಿದ್ದಾರೆ.