Click it and Unblock the Notifications
ಮಾಜಿ ಸ್ಪಿನ್ನರ್ ಕಮ್ ಆಲ್ರೌಂಡರ್ ಬ್ರಾಡ್ ಹಾಗ್
ಆಸ್ಟ್ರೇಲಿಯಾದ ಮಾಜಿ ಸ್ಪಿನ್ನರ್ ಕಮ್ ಆಲ್ರೌಂಡರ್ ಬ್ರಾಡ್ ಹಾಗ್ ಪ್ರಕಾರ, ಸದ್ಯ ಚುಟುಕು ಕ್ರಿಕೆಟ್ ನಲ್ಲಿ ಡಬಲ್ ಸೆಂಚುರಿ ಹೊಡೆಯಬಲ್ಲ ಏಕೈಕ ಆಟಗಾರನೊಬ್ಬನಿದ್ದಾನೆ. ಏಕದಿನ ಮತ್ತು ಟಿ20 ಕ್ರಿಕೆಟ್ ನಲ್ಲಿ ಈತ ಪ್ರಚಂಡ ಫಾರಂನಲ್ಲಿದ್ದಾನೆ. ಈತ ಉತ್ತಮ ಸ್ಟ್ರೈಕ್ ರೇಟ್ ಅನ್ನೂ ಹೊಂದಿದ್ದಾನೆ.
ಟೀಂ ಇಂಡಿಯಾದ ಉಪನಾಯಕ ರೋಹಿತ್ ಶರ್ಮಾ
ಬ್ರಾಡ್ ಹಾಗ್ ಪ್ರಕಾರ, ಡಬಲ್ ಸೆಂಚುರಿ ಹೊಡೆಯಬಲ್ಲ ಸದ್ಯದ ಏಕೈಕ ಕ್ರಿಕೆಟಿಗೆ ಎಂದರೆ, ಟೀಂ ಇಂಡಿಯಾದ ಉಪನಾಯಕ ರೋಹಿತ್ ಶರ್ಮಾ. ಈತನ ಬ್ಯಾಟಿಂಗ್ ಶೈಲಿ, ಬೌಲರ್ ಗಳನ್ನು ದಂಡಿಸುವ ರೀತಿ, ಎಲ್ಲಾ ಯುವ ಕ್ರಿಕೆಟಿಗರಿಗೆ ಮಾದರಿ. ಉತ್ತಮ ಫಾರಂನಲ್ಲಿರುವ ಈತ ಈ ವಿಶಿಷ್ಟ ದಾಖಲೆಯನ್ನು ಬರೆಯಬಲ್ಲ ಎಂದು ಹಾಗ್ ಹೇಳಿದ್ದಾರೆ.
ಕೊಹ್ಲಿ ತರದ ನಾಯಕನೇ ನಮಗೆ ಬೇಕು ಎಂದ ಮಾಜಿ ಕ್ರಿಕೆಟಿಗ
ಕಿವೀಸ್ ಸರಣಿಯಲ್ಲಿ ಅದ್ಭುತ ಫಾರಂನಲ್ಲಿದ್ದರು
ರೋಹಿತ್ ಶರ್ಮಾ ಇದುವರೆಗೆ 107 ಟಿ20 ಪಂದ್ಯವನ್ನು ಆಡಿದ್ದು, ಇದುವರೆಗೆ ನಾಲ್ಕು ಶತಕ, ಇಪ್ಪತ್ತು ಅರ್ಧಶತಕವನ್ನು ಬಾರಿಸಿದ್ದಾರೆ. 2,713 ರನ್ ಗಳನ್ನು ಹೊಡೆದಿರುವ ಶರ್ಮಾ ಅವರ ಇದುವರೆಗಿನ ವೈಯಕ್ತಿಕ ಗರಿಷ್ಠ ಸ್ಕೋರ್ 118. ಶರ್ಮಾ, ಇತ್ತೀಚೆಗೆ ಮುಕ್ತಾಯಗೊಂಡ ಕಿವೀಸ್ ಸರಣಿಯಲ್ಲಿ ಅದ್ಭುತ ಫಾರಂನಲ್ಲಿದ್ದರು.
ಬ್ರಾಡ್ ಹಾಗ್
ಎಡಗೈ ಬ್ಯಾಟ್ಸ್ ಮ್ಯಾನ್ ಮತ್ತು ಸ್ಪಿನ್ನರ್ ಆಗಿರುವ ಬ್ರಾಡ್ ಹಾಗ್, 123 ಏಕದಿನ, ಏಳು ಟೆಸ್ಟ್ ಮತ್ತು ಹದಿನೈದು ಟಿ20 ಪಂದ್ಯವನ್ನು ಆಡಿದ್ದಾರೆ. ಫೆಬ್ರವರಿ 2006ರಲ್ಲಿ ಚುಟುಕು ಕ್ರಿಕೆಟ್ ಗೆ ಹಾಗ್ ಪಾದಾರ್ಪಣೆ ಮಾಡಿದ್ದರು.
