ಮ್ಯಾಂಚೆಸ್ಟರ್, ಜೂನ್ 17: ಭಾರತ ಮತ್ತು ಪಾಕಿಸ್ತಾನ ನಡುವಣ ಪಂದ್ಯವನ್ನು ಯುದ್ಧದಂತೆ ನೋಡುವವರೇ ಹೆಚ್ಚು. ಹೀಗಿರುವಾಗ ಭಾನುವಾರ ನಡೆದ ಇಂಡೊ-ಪಾಕ್ ಪಂದ್ಯದ ವೇಳೆ ಪಾಕಿಸ್ತಾನದ ಅಭಿಮಾನಿಯೊಬ್ಬ ಭಾರತದ ರಾಷ್ಟ್ರಗೀತೆಯನ್ನು ಹಾಡುವ ಮೂಲಕ ಮೆಚ್ಚಿಗೆಗೆ ಪಾತ್ರನಾಗಿದ್ದಾನೆ.
ವಿಶ್ವಕಪ್ ವೇಳಾಪಟ್ಟಿ / ಮುಖಾಮುಖಿ ದಾಖಲೆಗಳು / ಅಂಕಪಟ್ಟಿ
ಕಪ್ಪು ಟಿ-ಶರ್ಟ್ ತೊಟ್ಟು ಕುತ್ತಿಗೆಗೆ ಪಾಕಿಸ್ತಾನದ ಧ್ವಜ ಸುತ್ತುಕೊಂಡಿದ್ದ ಪಾಕಿಸ್ತಾನದ ಅಭಿಮಾನಿ, ಭಾನುವಾರ ಓಲ್ಡ್ ಟ್ರಾಫರ್ಡ್ ಕ್ರೀಡಾಂಗಣದಲ್ಲಿ ನಡೆದ ಇಂಡೊ-ಪಾಕಿಸ್ತಾನ ನಡುವಣ ಪಂದ್ಯದ ವೇಳೆ ಭಾರತದ ರಾಷ್ಟ್ರಗೀತೆಯನ್ನು ಹಾಡಿದ್ದಾನೆ. ಈ ಸಂದರ್ಭದಲ್ಲಿ ಆತನ ಸುತ್ತಲೂ ಇದ್ದ ಜನರೆಲ್ಲಾ ಚಪ್ಪಾಳೆ ಹೊಡೆದು ಭಾರತ ಮತ್ತು ಪಾಕಿಸ್ತಾನ ನಡುವೆ ಪ್ರೀತಿ ಬೆಸೆಯುವ ಆತನ ಕೆಲಸಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಈ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ವಿಶ್ವಕಪ್: ಉತ್ತಮದಿಂದ ಅದ್ಭುತದ ಕಡೆಗೆ 'ಹಿಟ್ಮ್ಯಾನ್' ರೋಹಿತ್ ಶರ್ಮಾ!
ಮತ್ತೊಂದೆಡೆ ಭಾರತ ಮತ್ತು ಪಾಕಿಸ್ತಾನದ ಜಂಟಿ ಟಿ-ಶರ್ಟ್ ತೊಟ್ಟ ದಂಪತಿಗಳು ಕೂಡ ಎಲ್ಲರ ಮನಸ್ಸು ಗೆದ್ದರು. ಇದರಲ್ಲಿ ಪಾಕಿಸ್ತಾನ ಮೂಲದ ಪತಿ ಮತ್ತು ಭಾರತ ಮೂಲಕ ಪತ್ನಿಯು ಎರಡೂ ರಾಷ್ಟ್ರಗಳ ರಾಷ್ಟ್ರಗಳ ತಂಡದ ಜರ್ಸಿಯನ್ನು ಸಮನಾಗಿ ಹಂಚಿರುವ ಟಿ-ಶರ್ಟ್ ತೊಟ್ಟು ಉಭಯ ರಾಷ್ಟ್ರಗಳ ನಡುವಣ ಬಾಂಧ್ಯವ ವೃದ್ಧಿಸುವ ಸಂದೇಶ ಸಾರಿದರು.
ಆಕಳಿಸಿ ಅಭಿಮಾನಿಗಳಿಂದ ಮಂಗಳಾರತಿ ಮಾಡಿಸಿಕೊಂಡ ಪಾಕ್ ನಾಯಕ!
ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ ಭಾರತ ರೋಹಿತ್ ಶರ್ಮಾ ಅವರ ಅದ್ಭುತ 140 ರನ್ಗಳ ಶತಕದೊಂದಿಗೆ 50 ಓವರ್ಗಳಲ್ಲಿ 336/5 ರನ್ಗಳ ಶಿಖರ ನಿರ್ಮಿಸಿತು. ಬಳಿಕ ಗುರಿ ಬೆನ್ನತ್ತಿದ ಪಾಕಿಸ್ತಾನಕ್ಕೆ ಮಳೆಯಿಂದಾಗಿ ಅಡಚಣೆಯಾದ ಕಾರಣ ಡಕ್ವರ್ತ್ ಲೂಯಿಸ್ ನಿಯಮದನ್ವಯ 40 ಓವರ್ಗಳಲ್ಲಿ 302 ರನ್ಗಳ ಪರಿಷ್ಕೃತ ಗುರಿ ನೀಡಲಾಯಿತು. ಅಂತಿಮವಾಗಿ ಪಾಕ್ ಪಡೆ 40 ಓವರ್ಗಳಳಲ್ಲಿ 6 ವಿಕೆಟ್ಗೆ 212 ರನ್ಗಳನ್ನು ಮಾತ್ರವೇ ಗಳಿಸಲು ಶಕ್ತವಾಗಿ ಸಳಿಗೆ ಶರಣಾಯಿತು.