ಟೀಟ್ವೀಟ್ ಮಾಡಿದ ಮೊಹಮದ್ ಆಮಿರ್
ಐಸಿಸಿ ಟ್ವೀಟ್ಅನ್ನು ರೀಟ್ವೀಟ್ ಮಾಡಿರುವ ಮೊಹಮದ್ ಆಮೀರ್ ಅಭಿನಂದನೆ ತಿಳಿಸಿದ್ದಾರೆ. ಈ ಅಭಿನಂದನೆಯ ಜೊತೆಗೆ ಬರೆದಿರುವ ಒಕ್ಕಣೆ ಇಲ್ಲಿ ಗಮನಸೆಳೆಯುತ್ತಿದೆ. 'ಶ್ರೇಷ್ಟ ಆಟಗಾರನ ಶ್ರೇಷ್ಟ ಮಾತು' ಎಂಬುದಾಗಿ ಮೊಹಮದ್ ಆಮಿರ್ ಬರೆದುಕೊಂಡಿದ್ದಾರೆ. ಪಾಕಿಸ್ತಾನದ ವೇಗಿ ಟೀಮ್ ಇಂಡಿಯಾ ನಾಯಕನ್ನು ಈ ರೀತಿ ಮೆಚ್ಚಿ ಬರೆದಿರುವುದು ಆಶ್ಚರ್ಯವನ್ನುಂಟು ಮಾಡಿದೆ.
ಬ್ಯಾಟ್ ಗಿಫ್ಟ್ ನೀಡಿದ್ದ ವಿರಾಟ್
ಪಾಕಿಸ್ತಾನ ವಿರುದ್ಧದ ಪಂದ್ಯದ ಸಂದರ್ಭದಲ್ಲಿ ಟೀಮ್ ವಿರಾಟ್ ಕೊಹ್ಲಿ ತಮ್ಮ ಬ್ಯಾಟೊಂದನ್ನು ಮೊಹಮದ್ ಆಮಿರ್ಗೆ ಗಿಪ್ಟ್ ಆಗಿ ನೀಡಿದ್ದರು. ಇಬ್ಬರೂ ಆಟಗಾರರು ಪರಸ್ಪರ ಗೌರವಿಸಿಕೊಂಡು ಬಂದಿದ್ದಾರೆ ಎಂಬುದು ಈ ಎರಡು ನಿದರ್ಶನಗಳಿಂದ ಸ್ಪಷ್ಟವಾಗುತ್ತದೆ.
ICC Awards: ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಸೇರಿ ಪ್ರಶಸ್ತಿ ಗೆದ್ದ ಎಲ್ಲರ ಪಟ್ಟಿ
ದ್ವಿಪಕ್ಷೀಯ ಸರಣಿ ಬಯಸಿದ ಪಾಕ್ ಮಾಜಿ ಕ್ರಿಕೆಟಿಗರು
ಭಾರತ ಮತ್ತು ಪಾಕಿಸ್ತಾನದ ಮಧ್ಯೆ ರಾಜಕೀಯ ಸಂಬಂಧ ಹಳಸಿರುವ ಸಂದರ್ಭದಲ್ಲೂ ಪಾಕ್ ವೇಗಿ ಟೀಮ್ ಇಂಡಿಯಾ ಆಟಗಾರನನ್ನು ಮೆಚ್ಚುಕೊಂಡು ಟ್ವಿಟ್ ಮಾಡಿರುವುದು ವಿಶೇಷವಾಗಿದೆ. ಇತ್ತೀಚೆಗಷ್ಟೇ ಭಾರತದ ಜೊತೆ ಪಾಕಿಸ್ತಾನ ಕ್ರಿಕೆಟ್ ಆರಂಭಕ್ಕೆ ಪ್ರಯತ್ನಿಸಬೇಕು ಬಿಸಿಸಿಐ ಅಧ್ಯಕ್ಷ ಗಂಗೂಲಿ ಈ ಕುರಿತಾಗಿ ಪೂರಕವಾಗಿ ಸ್ಪಂದಿಸಬಹುದು ಎಂಬ ಅಭಿಪ್ರಾಯ ಪಾಕಿಸ್ತಾನ ಮಾಜಿ ಆಟಗಾರರು ವ್ಯಕ್ತಪಡಿಸಿದ್ದರು.
ಅಸಮಾದಾನಗೊಂಡಿದ್ದ ಕೊಹ್ಲಿ
ವಿಶ್ವಕಪ್ ಸಂದರ್ಭದಲ್ಲಿ ಬೌಂಡರಿ ಲೈನ್ ಬಳಿ ನಿಂತಿದ್ದ ಆಸ್ಟ್ರೇಲಿಯಾ ಆಟಗಾರ ಸ್ಟೀವ್ ಸ್ಮಿತ್ ಅವರನ್ನು ಕ್ರಿಕೆಟ್ ಅಭಿಮಾನಿಗಳು ಕೆಣಕುವ ಪ್ರಯತ್ನ ಮಾಡಿದ್ದರು. ಇದಕ್ಕೆ ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಅಸಮಾದಾನವನ್ನು ವ್ಯಕ್ತಪಡಿಸಿ ಪ್ರೋತ್ಸಹ ನೀಡಿ ಎಂದು ಸ್ಥಳದಲ್ಲೇ ಸೂಚಿಸಿದ್ದರು. ಟೀಮ್ ಇಂಡಿಯಾ ನಾಯಕನ ಈ ವರ್ತನೆ ಐಸಿಸಿ ಸ್ಪಿರಿಟ್ ಆಫ್ ಕ್ರಿಕೆಟ್ ಪ್ರಶಸ್ತಿಯನ್ನು ತಂದುಕೊಟ್ಟಿದೆ.