ಭಾರತದಲ್ಲಿ ನಡೆಯುತ್ತಿರುವ ಐಪಿಎಲ್ 14ನೇ ಆವೃತ್ತಿಯಲ್ಲಿ ಅಭಿಮಾನಿಗಳು ತಲ್ಲೀನರಾಗಿದ್ದರೆ ಅತ್ತ ಪಾಕಿಸ್ತಾನ ಜಿಂಬಾಬ್ವೆ ವಿರುದ್ಧ ಟಿ20 ಸರಣಿಯಲ್ಲಿ ನಿರ್ಣಾಯಕ ಪಂದ್ಯದಲ್ಲಿ ಸೆಣಿಸುತ್ತಿದೆ. 3 ಪಂದ್ಯಗಳ ಟಿ20 ಸರಣಿಯ ಅಂತಿಮ ಹಾಗೂ ನಿರ್ಣಾಯಕ ಪಂದ್ಯ ಹರಾರೆ ಸ್ಪೋರ್ಟ್ಸ್ ಕ್ಲಬ್ನಲ್ಲಿ ನಡೆಯುತ್ತಿದೆ. ಈ ಪಂದ್ಯದಲ್ಲಿ ಪಾಕಿಸ್ತಾನ ಕ್ರಿಕೆಟ್ ತಂಡದ ನಾಯಕ ಬಾಬರ್ ಅಜಂ ವಿಶ್ವದಾಖಲೆಯೊಂದನ್ನು ತಮ್ಮ ಹೆಸರಿಗೆ ಬರೆದುಕೊಂಡಿದ್ದಾರೆ.
ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್ನಲ್ಲಿ ಅತ್ಯಂತ ವೇಗವಾಗಿ 2000 ರನ್ಗಳಿಸಿದ ದಾಖಲೆಯನ್ನು ಬಾಬರ್ ಅಜಂ ತನ್ನದಾಗಿಸಿಕೊಂಡಿದ್ದಾರೆ. ಈ ಮೈಲಿಗಲ್ಲನ್ನು ದಾಟಲು ಬಾಬರ್ ಅಜಂ 52 ಇನ್ನಿಂಗ್ಸ್ಗಳನ್ನು ಬಳಸಿಕೊಂಡಿದ್ದಾರೆ. ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿಗಿಂತ 4 ಇನ್ನಿಂಗ್ಸ್ ಕಡಿಮೆ ಬಳಸಿ ಈ ಮೈಲಿಗಲ್ಲನ್ನು ದಾಟಿದ್ದಾರೆ ಬಾಬರ್ ಅಜಂ.
ನಮ್ಮ ಪಂದ್ಯ ಬ್ಲಾಕ್ಬಸ್ಟರ್; ಪಂದ್ಯಕ್ಕೂ ಮುನ್ನ ಧೋನಿ ಬಗ್ಗೆ ಆರ್ಸಿಬಿ ಹೇಳಿದ್ದಿಷ್ಟು
ವಿರಾಟ್ ಕೊಹ್ಲಿ ಈಗ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ 84 ಇನ್ನಿಂಗ್ಸ್ಗಳಲ್ಲಿ 3159 ರನ್ಗಳಿಸಿದ್ದಾರೆ. ಟಿ20Iನಲ್ಲಿ 2000 ರನ್ಗೂ ಅಧಿಕ ರನ್ಗಳಿಸಿದ ಆಟಗಾರರ ಪಟ್ಟಿಯಲ್ಲಿ ಈಗ ಬಾಬರ್ ಅಜಂ 11ನೇ ಆಟಗಾರನಾಗಿ ಸೇರಿಕೊಂಡಿದ್ದಾರೆ. ಈ ಸಾಧನೆ ಮಾಡಿದ ಪಾಕಿಸ್ತಾನದ ಮೂರನೇ ಆಟಗಾರನಾಗಿದ್ದಾರೆ.
ಟಿ20ಐನಲ್ಲಿ ಅತಿ ವೇಗವಾಗಿ 2000 ರನ್ಗಳಿಸಿದ ಆಟಗಾರರ ಪಟ್ಟಿ
ಬಾಬರ್ ಅಜಮ್ - 52 ಇನ್ನಿಂಗ್ಸ್
ವಿರಾಟ್ ಕೊಹ್ಲಿ - 56 ಇನ್ನಿಂಗ್ಸ್
ಆರೋನ್ ಫಿಂಚ್ - 62 ಇನ್ನಿಂಗ್ಸ್
ಬ್ರೆಂಡನ್ ಮೆಕಲಮ್ - 66 ಇನ್ನಿಂಗ್ಸ್
ಮಾರ್ಟಿನ್ ಗುಪ್ಟಿಲ್ - 68 ಇನ್ನಿಂಗ್ಸ್
ಜಿಂಬಾಬ್ವೆ ವಿರುದ್ಧದ ಪಂದ್ಯದಲ್ಲಿ ಬಾಬರ್ ಅಜಂ 17ನೇ ಅಂತಾರಾಷ್ಟ್ರೀಯ ಟಿ20 ಅರ್ಧ ಶತಕವನ್ನು ದಾಖಲಿಸಿದರು. ಬಾಬರ್ ಅಜಂ ಹಾಗೂ ರಿಜ್ವಾನ್ ಅರ್ಧ ಶತಕದ ನೆರವಿನಿಂದ ಪಾಕಿಸ್ತಾನ ಅಂತಿಮ ಪಂದ್ಯದಲ್ಲಿ ಪಾಕಿಸ್ತಾನ 165 ರನ್ಗಳಿಸಿದೆ.