ಆಸೀಸ್ ತಿರುಗಿ ಬೀಳಬೇಕಿದೆ
ದ್ವಿತೀಯ ಟೆಸ್ಟ್ ಬಗ್ಗೆ ಮಾತನಾಡುತ್ತ ರಿಕಿ, 'ನನಗನ್ನಿಸಿದ ಮಟ್ಟಿಗೆ ಪರ್ತ್ ಮೈದಾನ ಭಾರೀಯರಿಗಿಂತ ನಮ್ಮವರಿಗೆ ಅತೀ ಹೆಚ್ಚು ನೆರವು ನೀಡಲಿದೆ. ಆದರೆ ಆಸೀಸ್ ಆಟಗಾರರು ಎದುರಾಳಿ ವಿರುದ್ಧ ಅಷ್ಟೇ ಚಾಲಾಕಿತನದ ಮೂಲಕ ತಿರುಗಿ ಬಿದ್ದು ಅವಕಾಶವನ್ನು ಬಳಸಿಕೊಳ್ಳಬೇಕಿದೆ' ಎಂದರು.
ಭಾರತ ಮಿನುಗಿಲ್ಲ
ಮೊದಲ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಕೇವಲ 31 ರನ್ನಿಂದ ಸೋಲುವ ಮೂಲಕ ದುರ್ಬಲ ಆಟ ಪ್ರದರ್ಶಿಸಿತು. ಹಾಗಂತ ಭಾರತ ಅತ್ಯತ್ತಮ ಆಟವಾಡಿತು ಅಂತೇನಲ್ಲ. ಒಟ್ಟಿನಲ್ಲಿ ಭಾರತ ಮೇಲುಗೈ ಸಾಧಿಸುವಷ್ಟು ಶಕ್ತವಾಗಿತ್ತು' ಎಂದು ಪಾಂಟಿಂಗ್ ತಿಳಿಸಿದರು.
ಥಿಂಕ್ ಪಾಸಿಟಿವ್ಲಿ
ಮಾತು ಮುಂದುವರೆಸಿದ ಪಾಂಟಿಂಗ್, 'ಮೊದಲ ಸೋಲನ್ನು ನಮ್ಮ ತಂಡ ಸಕಾರಾತ್ಮಕವಾಗಿ ತೆಗೆದುಕೊಳ್ಳಬೇಕಿದೆ. ಜೊತೆಗೆ ಅಷ್ಟೇ ಪರಿಶ್ರಮದ ಮೂಲಕ ಎದುರಾಳಿ ಭಾರತವನ್ನು ಹಿಮ್ಮೆಟ್ಟಿಸಬೇಕಿದೆ. ಮುಂದಿನ ಪಂದ್ಯದಲ್ಲಿ ಆಸೀಸ್ ಚೇತರಿಸಿಕೊಳ್ಳುತ್ತೆ ಅನ್ನೋ ನಂಬಿಕೆ ನಂಗಂತೂ ಇದೆ' ಎಂದರು.
ಎಚ್ಚರ ವಹಿಸಿ!
ಮೊದಲ ಪಂದ್ಯವನ್ನಾಡಿದ ಆಸೀಸ್ ತಂಡವೇ ದ್ವಿತೀಯ ಟೆಸ್ಟ್ಗೂ ಬೇಕು. ಗಾಯಾಳಾಗಿ ಯಾರೂ ತಂಡದಿಂದ ಹೊರಗುಳಿಯದಂತೆ ಎಚ್ಚರ ವಹಿಸಿ. ಜೊತೆಗೆ ಆರಂಭಿಕ ಆಟಗಾರ ಆ್ಯರನ್ ಫಿಂಚ್ ಕೊಂಚ ಸುಧಾರಿಸಿಕೊಳ್ಳಬೇಕು ಎಂದು ಪಾಂಟಿಂಗ್ ಸಲಹೆ ನೀಡಿದ್ದಾರೆ. ಡಿಸೆಂಬರ್ 14ರಿಂದ ದ್ವಿತೀಯ ಪಂದ್ಯ ಆರಂಭಗೊಳ್ಳಲಿದೆ.