ಡೇ-ನೈಟ್ ಟೆಸ್ಟ್ ಇದೇ ಮೊದಲು
ಎರಡು ಪಂದ್ಯಗಳ ಈ ಟೆಸ್ಟ್ ಸರಣಿ ಆರಂಭವಾಗುವ ಮೊದಲಿನಿಂದಲೂ ಭಾರತ-ಬಾಂಗ್ಲಾ ಎರಡೂ ತಂಡಗಳ ಆಟಗಾರರು ಪಿಂಕ್ ಬಾಲ್ ಬಗ್ಗೆ ತಮ್ಮತಮ್ಮ ಆಲೋಚನೆಗಳನ್ನು ಹಂಚಿಕೊಂಡಿದ್ದಾರೆ. ಡೇ-ನೈಟ್ ಟೆಸ್ಟ್ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಈ ಮೊದಲೇ ಬಂದಿತ್ತಾದರೂ ಭಾರತ ಮತ್ತು ಬಾಂಗ್ಲಾ ತಂಡಗಳು ಡೇ-ನೈಟ್ ಟೆಸ್ಟ್ನಲ್ಲಿ ಪಾಲ್ಗೊಳ್ಳುತ್ತಿರುವುದು ಇದೇ ಮೊದಲು.
ರೆಡ್ vs ಪಿಂಕ್ಗಿರೋ ವ್ಯತ್ಯಾಸವೇನು?
ರೆಡ್ ಬಾಲ್ ಮತ್ತು ಪಿಂಕ್ ಬಾಲ್ಗೆ ಮುಖ್ಯ ವ್ಯತ್ಯಾಸವಿರೋದು ಅದರ ಹೊರ ಪದರ ಅಥವಾ ಚರ್ಮದಲ್ಲಿ. ಅದು ಬಿಟ್ಟರೆ ಕಾಟ್ಸ್ವೂಲ್ ಮತ್ತು ಕಾರ್ಕ್ನಲ್ಲಿ ತಯಾರಿಸಲಾಗುವ ಎರಡೂ ಚೆಂಡಿನ ಒಳಪದರ ಒಂದೇನೆ. ಚೆಂಡನ್ನು ಹೊಲಿಯುವ ರೀತಿಯಲ್ಲೂ ಅಂಥ ವ್ಯತ್ಯಾಸವೇನಿಲ್ಲ. ಆದರೆ ರೆಡ್ ಬಾಲನ್ನು ಬಿಳಿ ದಾರದಿಂದ, ಪಿಂಕ್ ಬಾಲನ್ನು ಕಪ್ಪು ದಾರದಿಂದ ಹೊಲಿಯಲಾಗುತ್ತದೆ.
ಮಾಜಿ ಆಟಗಾರನಿಂದ ಮಾಹಿತಿ
ಪಿಂಕ್-ರೆಡ್ ಬಾಲ್ಗಿರುವ ವ್ಯಾತ್ಯಾಸದ ಬಗ್ಗೆ ಭಾರತದಲ್ಲಿ ಟೆಸ್ಟ್ ಪಂದ್ಯಗಳಿಗೆ ಚೆಂಡು ಒದಗಿಸುವ ಮೀರತ್ ಮೂಲದ ಸಾನ್ಸ್ಪರೀಲ್ ಗ್ರೀನ್ಲ್ಯಾಂಡ್ಸ್ (ಎಸ್ಜಿ) ಕಂಪನಿಯ ಪ್ರೊಡಕ್ಷನ್ ಡೈರೆಕ್ಟರ್ ವಾಸಿಯುಲ್ಲ ಖಾನ್ ಮಾಹಿತಿ ಒದಗಿಸಿದ್ದಾರೆ. ಖಾನ್, ರಣಜಿ ಟ್ರೋಫಿಯಲ್ಲಿ ಉತ್ತರ ಪ್ರದೇಶವನ್ನು 5 ಪಂದ್ಯಗಳಲ್ಲಿ ಪ್ರತಿನಿಧಿಸಿರುವ ಮಾಜಿ ಪ್ರಥಮದರ್ಜೆ ಆಟಗಾರ.
ಚೆಂಡಿನಲ್ಲಿ ಮೇಣದ ಬಳಕೆ
ಚೆಂಡು ತಯಾರಿಕೆಗೆ ಮೇಣವನ್ನು ಬಳಸಲಾಗುತ್ತದೆ. ಆಟ ಮುಂದುವರಿದಂತೆ ಆಟಗಾರರು ಅದರ ಹೊರಮೈಯನ್ನು ತಿಕ್ಕುವುದರ ಮೂಲಕ ಚೆಂಡನ್ನು ರಿವರ್ಸ್ ಸ್ವಿಂಗ್ಗೆ ಬದಲಾಯಿಸಲು ಸಾಧ್ಯವಾಗುತ್ತದೆ. ಮೇಣವೇ ಕೆಂಪು ಚೆಂಡಿಗೆ ಬಣ್ಣವನ್ನು ನೀಡುತ್ತದೆ. ಅಂದರೆ ಚೆಂಡಿಗೆ ಮೇಣವೇ ಚೆರ್ರಿ (ಪಿಂಕ್) ಬಣ್ಣ ನೀಡುತ್ತದೆ. ಪಿಂಕ್ ಬಾಲ್ಗೆ ವ್ಯಾಕ್ಸ್ ಬಳಸಿದರೆ ಚೆಂಡು ಪಿಂಕ್ ಬಾಲ್ ಬ್ಲ್ಯಾಕ್ ಆಗಿ ಬದಲಾಗುತ್ತದೆ. ಅಂದ್ಹಾಗೆ ಪಿಂಕ್ ಬಾಲ್, ಬ್ಯಾಟ್ಸ್ಮನ್ಗೆ ಅನುಕೂಲ ಒದಗಿಸುವುದಕ್ಕಿಂತಲೂ 10-15 ಶೇ. ಹೆಚ್ಚು ಬೌಲರ್ಗಳಿಗೆ ನೆರವಾಗುತ್ತದೆ.