ಟೀಮ್‌ ಇಂಡಿಯಾಗಾಗಿ ಹಾಟ್‌ ಪಿಕ್‌ ಪ್ರಕಟಿಸಿದ ಪೂನಮ್‌ ಪಾಂಡೆ!

ಬೆಂಗಳೂರು, ಜೂನ್‌ 10: ಸಾಮಾಜಿಕ ಜಾಲತಾಣದ ಜನಪ್ರಿಯ ಮಾಡೆಲ್ ಪೂನಮ್‌ ಪಾಂಡೆ ಕ್ರಿಕೆಟ್‌ ಮತ್ತು ಟೀಮ್‌ ಇಂಡಿಯಾದ ಬಹುದೊಡ್ಡ ಅಭಿಮಾನಿ ಎಂಬುದು ಎಲ್ಲರಿಗೂ ತಿಳಿದಿದೆ. 2011ರ ವಿಶ್ವಕಪ್‌ ಟೂರ್ನಿ ವೇಳೆ ಭಾರತ ತಂಡ ಟ್ರೋಫಿ ಗೆದ್ದರೆ ನಗ್ನ ಫೋಟೊ ಪ್ರಕಟಿಸುವುದಾಗಿ ಹೇಳಿಕೆ ನೀಡಿ ಪಡ್ಡೆ ಹುಡುಗರ ನಿದ್ರೆ ಕೆಡಿಸಿದ್ದು ಇದೇ ಪೂನಮ್‌ ಪಾಂಡೆ. ಸೋಷಿಯಲ್‌ ಮೀಡಿಯಾದ ಹಾಟ್‌ ಮಾಡೆಲ್‌ ಆಗಿರುವ 28 ವರ್ಷದ ಪೂನಮ್‌ ಇದೀಗ ಮತ್ತೊಮ್ಮೆ ಇಂಟರ್‌ನೆಟ್‌ನಲ್ಲಿ ಕಿಚ್ಚು ಹಚ್ಚಿದ್ದಾರೆ.

ವಿಶ್ವಕಪ್‌ ವೇಳಾಪಟ್ಟಿ / ಮುಖಾಮುಖಿ ದಾಖಲೆಗಳು / ಅಂಕಪಟ್ಟಿ

ಪ್ರಸಕ್ತ ಐಸಿಸಿ ಏಕದಿನ ಕ್ರಿಕೆಟ್‌ ವಿಶ್ವಕಪ್‌ ಟೂರ್ನಿಯಲ್ಲಿ ಭಾನುವಾರ ನಡೆದ ಪಂದ್ಯದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಭಾರತ ತಂಡ 36 ರನ್‌ಗಳ ಜಯ ದಾಖಲಿಸಿದ ಬಳಿಕ, ಪೂನಮ್‌ ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಮ್‌ ಮತ್ತು ಟ್ವಿಟರ್‌ ಖಾತೆಗಳ ಮೂಲಕ ಟೀಮ್‌ ಇಂಡಿಯಾಗೆ ತಮ್ಮ 'ಹಾಟ್‌ ಪಿಕ್ಚರ್‌' ಒಂದನ್ನು ಸಮರ್ಪಿಸಿದ್ದಾರೆ.

ಸ್ಫೋಟಕ ಬ್ಯಾಟ್ಸ್‌ಮನ್‌ ಯುವರಾಜ್‌ ಸಿಂಗ್‌ಗೆ ಬಿಸಿಸಿಐನಿಂದಲೇ ಮೋಸ!

ತಮ್ಮ ಬೋಲ್ಡ್‌ ಲುಕ್‌ಗಳ ಮೂಲಕವೇ ಭಾವನೆಗಳನ್ನು ವ್ಯಕ್ತ ಪಡಿಸುವುದಕ್ಕೆ ಹೆಸರುವಾಸಿಯಾಗಿರುವ ಪೂನಮ್‌, ಕಪ್ಪು ಬಣ್ಣದ ತೆಳುವಾದ ಬಟ್ಟೆ ತೊಟ್ಟು ಮಾದಕ ಬಂಗಿಯಲ್ಲಿ ಪೋಸ್‌ ನೀಡುವ ಮೂಲಕ "ನ್ಯೂ ಪಿಕ್‌ ಫಾರ್‌ ಟೀಮ್‌ ಇಂಡಿಯಾ'' ಎಂದು ಟ್ವೀಟ್‌ ಮಾಡಿದ್ದಾರೆ. ಇದಕ್ಕೆ ಕ್ಷಣಮಾತ್ರದಲ್ಲೇ ಸಾವಿರಾರು ಮರು ಟ್ವೀಟ್‌ಗಳು ಹರಿದು ಬಂದಿದ್ದು, 2011ರಲ್ಲಿ ನೀವು ಕೊಟ್ಟ ಭರವಸೆ ಇನ್ನೂ ಈಡೇರಿಸಿಲ್ಲ ಎಂದೆಲ್ಲಾ ಪಡ್ಡೆ ಹುಡುಗರು ಪೂನಮ್‌ ಕಾಲೆಳೆದಿದ್ದಾರೆ. ಪೂನಮ್‌ ಪಾಂಡೆ ಅವರ ಈ ಹಾಟ್‌ ಪಿಕ್ಚರ್‌ ಇಂಟರ್‌ನೆಟ್‌ನಲ್ಲಿ ವೈರಲ್‌ ಆಗಿದೆ.

ಇದೇ ವೇಳೆ ಭಾರತ ತಂಡ ಆಸೀಸ್‌ ವಿರುದ್ಧದ ಪಂದ್ಯದಲ್ಲಿ 352/5 ರನ್‌ಗಳನ್ನು ದಾಖಲಿಸಿ ಬಳಿಕ ಕಾಂಗರೂ ಪಡೆಯನ್ನು 316ಕ್ಕೆ ಆಲ್‌ಔಟ್‌ ಮಾಡಿ ವಿಶ್ವಕಪ್‌ ಟೂರ್ನಿಯಲ್ಲಿ ಸತತ 2ನೇ ಜಯ ದಾಖಲಿಸಿದೆ. ಇದೀಗ ಜೂನ್‌ 13ರಂದು ನ್ಯೂಜಿಲೆಂಡ್‌ ವಿರುದ್ಧ ತನ್ನ ಮೂರನೇ ಪಂದ್ಯವನ್ನಾಡಲಿದ್ದು, ಜೂನ್‌ 16ರಂದು ಬಹು ನಿರೀಕ್ಷಿತ ಇಂಡೊ-ಪಾಕ್‌ ಕದನದಲ್ಲಿ ಆಡಲಿದೆ.