Click it and Unblock the Notifications
ಪಂದ್ಯದ ಪ್ರಾಥಮಿಕ ಮಾಹಿತಿ
ಆಸ್ಟ್ರೇಲಿಯಾ ಮತ್ತು ಭಾರತ ವಿರುದ್ಧದ ಮೊದಲ ಪಂದ್ಯ ಮಂಗಳವಾರ(14 ಜನವರಿ 2020) ದಂದು ನಡೆಯಲಿದೆ. ಮಧ್ಯಾಹ್ನ 1.30ಕ್ಕೆ ಪಂದ್ಯ ಆರಂಭವಾಗಲಿದೆ. ಮುಂಬೈನ ವಾಂಖೆಡೆ ಸ್ಟೇಡಿಯಮ್ ಮೊದಲ ಪಂದ್ಯದ ಆತಿಥ್ಯವನ್ನು ವಹಿಸಲು ಸಜ್ಜಾಗಿದೆ.
ಹವಾಮಾನ ವರದಿ
ಮುಂಬೈನಲ್ಲಿ ಮಂಗಳವಾರ ಮೋಡ ಕವಿದ ವಾತಾವರನವಿರಲಿದೆ. ಸ್ವಲ್ಪ ಗಾಳಿಯೂ ಬೀಸುವ ಸಾಧ್ಯತೆಯಿದೆ. ಆದರೆ ಮಳೆ ಬರುವ ಮುನ್ಸೂಚನೆ ಕಂಡುಬಂದಿಲ್ಲ. ಭಾರತೀಯ ಪಿಚ್‌ಗಳಿಗೆ ಇಬ್ಬನಿ ದೊಡ್ಡ ಸಮಸ್ಯೆ. ಆದರೆ ಮೋಡದ ಕಾರಣಕ್ಕೆ ಇಬ್ಬನಿ ಕಡಿಮೆಯಾಗುವ ಕಾರಣವಾಗುವ ಸಾಧ್ಯತೆಯಿದೆ. ಇನ್ನು ತಾಪಮಾನ ದಿನವಿಡೀ 21 -27 °ಯ ಮಧ್ಯೆಯಿರಲಿದೆ.
ಪಿಚ್ ರಿಪೋರ್ಟ್
ಮುಂಬೈನ ಪಿಚ್ ಭಾರತದ ಅತ್ಯುತ್ತಮ ಪಿಚ್‌ಗಳಲ್ಲಿ ಒಂದು. ಸ್ಪಿನ್‌ ಬೌಲರ್‌ಗಳಿಗೆ ಸಹಕಾರಿಯಾಗುವ ರೀತಿ ಇದು ವರ್ತಿಸುತ್ತದೆ. ಹಾಗಿದ್ದರು ಇದು ಬ್ಯಾಟ್ಸ್‌ಮನ್‌ಗಳಿಗೆ ಸ್ವರ್ಗವೆಂದೇ ಹೇಳಲಾಗುತ್ತದೆ. ಆದರೆ ಗಾತ್ರದಲ್ಲಿ ಅಂಗಳ ಚಿಕ್ಕದಾಗಿರುವ ಕಾರಣ ಮೊದಲು ಬ್ಯಾಟಿಂಗ್ ಮಾಡಿದ ತಂಡಕ್ಕೆ ಗುರಿಯನ್ನು ರಕ್ಷಿಸಿಕೊಳ್ಳುವುದು ಕಷ್ಟಸಾಧ್ಯವಾಗಲಿದೆ. ಹೀಗಾಗಿ ಟಾಸ್ ಗೆಲ್ಲುವ ತಂಡ ಮೊದಲು ಫೀಲ್ಡಿಂಗ್ ಆಯ್ದುಕೊಳ್ಳುವುದು ನಿಶ್ಚಿತ.
ಸಂಭಾವ್ಯ ತಂಡಗಳು
ಟೀಮ್ ಇಂಡಿಯಾ ಸಂಭಾವ್ಯXI: ಶಿಖರ್ ಧವನ್, ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ (ನಾಯಕ), ಶ್ರೇಯಸ್ ಅಯ್ಯರ್, ರಿಷಭ್ ಪಂತ್ (ವಿಕೆಟ್ ಕೀಪರ್), ಕೇದಾರ್ ಜಾಧವ್, ರವೀಂದ್ರ ಜಡೇಜಾ, ಶಾರ್ದುಲ್ ಠಾಕೂರ್, ಕುಲದೀಪ್ ಯಾದವ್, ಮೊಹಮ್ಮದ್ ಶಮಿ, ಜಸ್ಪ್ರೀತ್ ಬುಮ್ರಾ
India vs Sri Lanka: ರಿಕಿ ಪಾಂಟಿಂಗ್ ವಿಶ್ವದಾಖಲೆ ಮುರಿದ ವಿರಾಟ್ ಕೊಹ್ಲಿ!
ಆಸ್ಟ್ರೇಲಿಯಾ ಸಂಭಾವ್ಯXI: ಆರನ್ ಫಿಂಚ್ (ನಾಯಕ), ಡೇವಿಡ್ ವಾರ್ನರ್, ಮಾರ್ನಸ್ ಲ್ಯಾಬುಸ್ಚಾಗ್ನೆ, ಸ್ಟೀವ್ ಸ್ಮಿತ್, ಅಲೆಕ್ಸ್ ಕ್ಯಾರಿ, ಆಷ್ಟನ್ ಟರ್ನರ್, ಆಷ್ಟನ್ ಅಗರ್, ಪ್ಯಾಟ್ ಕಮ್ಮಿನ್ಸ್ (ವಿಕೆಟ್ ಕೀಪರ್), ಮಿಚೆಲ್ ಸ್ಟಾರ್ಕ್, ಕೇನ್ ರಿಚರ್ಡ್ಸನ್, ಆಡಮ್ ಜಂಪಾ
ಫಲಿತಾಂಶದ ನಿರೀಕ್ಷೆ
ಮುಂಬೈನ ವಾಂಖೆಡೆ ಸ್ಟೇಡಿಯಮ್‌ನಲ್ಲಿ ನಡೆಯಲಿರುವ ಮೊದ ಏಕದಿನ ಪಂದ್ಯ ಸಮಬಲದ ಹೋರಾಟವಾಗುವ ನಿರೀಕ್ಷೆಯಿದೆ. ಎರಡೂ ತಮಡಗಳು ಕೂಡ ಬಲಿಷ್ಠ ತಂಡವನ್ನು ಹೊಂದಿದ್ದು, ಹುಮ್ಮಸ್ಸಿನಿಂದಿದೆ. ಆದರೆ ಭಾರತದಲ್ಲಿ ಟೀಮ್ ಇಂಡಿಯಾ ಒಂದು ಕೈ ಮೇಲಾಗುವ ಸಾಧ್ಯತೆಯೇ ಹೆಚ್ಚಾಗಿದೆ. ಹೀಗಾಗಿ ಟೀಮ್ ಇಂಡಿಯಾ ಆಟಗಾರರು ಮೊದಲ ಪಂದ್ಯವನ್ನು 1-0 ಅಂತರದಿಂದ ಮುನ್ನಡೆ ಪಡೆಯುವ ನಿರೀಕ್ಷೆಯಿದೆ.
