ಅತ್ಯಧಿಕ ರನ್ ಪಟ್ಟಿಯಲ್ಲಿ ನಂ.1
ಅತ್ಯಧಿಕರ ರನ್ ಪಟ್ಟಿಯಲ್ಲಿ ದ್ವಿತೀಯ ಸ್ಥಾನದಲ್ಲಿರುವ ಕರ್ನಾಟಕದ ಬ್ಯಾಟ್ಸ್ಮನ್ ದೇವದತ್ ಪಡಿಕ್ಕಲ್ 737 ರನ್ ಬಾರಿಸಿದ್ದರೆ, ಅಗ್ರ ಸ್ಥಾನದಲ್ಲಿರುವ ಪೃಥ್ವಿ 754 ರನ್ ಗಳಿಸಿದ್ದಾರೆ. ಇದರೊಂದಿಗೆ ವಿಜಯ್ ಹಜಾರೆಯಲ್ಲಿ ಸೀಸನ್ ಒಂದರಲ್ಲಿ ಅತೀ ಹೆಚ್ಚು ರನ್ ಬಾರಿಸಿರುವ ಮುಂಚೂಣಿ ಆಟಗಾರನಾಗಿ ಪೃಥ್ವಿ ಹೊಸ ದಾಖಲೆ ನಿರ್ಮಿಸಿದ್ದಾರೆ.
ಮಯಾಂಕ್ ದಾಖಲೆ ಬದಿಗೆ
ಪೃಥ್ವಿಗೂ ಮುನ್ನ ಕರ್ನಾಟಕ ತಂಡದ ಮಯಾಂಕ್ ಅಗರ್ವಾಲ್ ಹೆಸರಲ್ಲಿ ವಿಜಯ್ ಹಜಾರೆ ಸೀಸನ್ ಒಂದರಲ್ಲಿ ಅತೀ ಹೆಚ್ಚು ರನ್ ಬಾರಿಸಿದ ದಾಖಲೆಯಿತ್ತು. 2018ರ ಆವೃತ್ತಿಯಲ್ಲಿ ಒಟ್ಟು 723 ರನ್ ಬಾರಿಸಿದ್ದ ಅಗರ್ವಾಲ್ ಈ ದಾಖಲೆ ನಿರ್ಮಿಸಿದ್ದರು. ಆದರೆ ಈಗ ಪೃಥ್ವಿ 754 ರನ್ ರನ್ ಬಾರಿಸಿರುವುದರಿಂದ ಮಯಾಂಕ್ ದಾಖಲೆ ಬದಿಗೆ ಸರಿದಂತಾಗಿದೆ. ಕೇವಲ 7 ಇನ್ನಿಂಗ್ಸ್ಗಳಲ್ಲಿ ಪೃಥ್ವಿ ಈ ದಾಖಲೆ ನಿರ್ಮಿಸಿದ್ದಾರೆ. 8 ಇನ್ನಿಂಗ್ಸ್ಗಳಲ್ಲಿ ಮಯಾಂಕ್ ಈ ದಾಖಲೆ ಬರೆದಿದ್ದರು.
ಪ್ರತೀ ಇನ್ನಿಂಗ್ಸ್ನಲ್ಲಿ ಪೃಥ್ವಿ ರನ್
2021ರ ವಿಜಯ್ ಹಜಾರೆ ಟ್ರೋಫಿ ಟೂರ್ನಿಯಲ್ಲಿ ಪ್ರತೀ ಇನ್ನಿಂಗ್ಸ್ನಲ್ಲಿ ಪೃಥ್ವಿ ಶಾ ಗಳಿಸಿದ ರನ್ ಗಮನಿಸಿದರೆ 105* (89 ಎಸೆತ), 34 (38), 227* (152), 36 (30), 2 (5), 185*(123) ಹೀಗಿದೆ. 5 ಟೆಸ್ಟ್ ಪಂದ್ಯಗಳಲ್ಲಿ 339 ರನ್, 3 ಏಕದಿನ ಪಂದ್ಯಗಳಲ್ಲಿ 84 ರನ್, 38 ಐಪಿಎಲ್ ಪಂದ್ಯಗಳಲ್ಲಿ 826 ರನ್ ಗಳಿಸಿದ್ದಾರೆ. ಐಪಿಎಲ್ನಲ್ಲಿ ಪೃಥ್ವಿ ಡೆಲ್ಲಿ ಕ್ಯಾಪಿಟಲ್ಸ್ ಪರ ಆಡುತ್ತಾರೆ.