ಮಣೀಂದರ್ ಹೀರೋ
ಬೆಂಗಾಲ್ ವಾರಿಯರ್ಸ್ ಪರ ಮಣೀಂದರ್ ಸಿಂಗ್ 10 ರೈಡ್ ಮತ್ತು 4 ಬೋನಸ್ ಸೇರಿ ಬರೋಬ್ಬರಿ 14 ಅಂಕಗಳನ್ನು ತಂಡದ ಖಾತೆಗೆ ಸೇರಿಸಿದ್ದು ಟರ್ನಿಂಗ್ ಪಾಯಿಂಟ್ ಎನಿಸಿತು. ಜೊತೆಗೆ ಉಳಿದ ಆಟಗಾರರ ಅಂಕ ಕೊಡುಗೆ ತಂಡಕ್ಕೆ ಲಭಿಸಿದ್ದರಿಂದ ಬೆಂಗಾಲ್ ವಿಜಯ ಪತಾಕೆ ಹಾರಿಸಿದೆ.
ಮಿಂಚಿದ ಕುಮಾರ್ ಜೋಡಿ
ಬೆಂಗಳೂರು ಸೋತರೂ ತಂಡದ ಪರ ಪವನ್ ಕುಮಾರ್ ಮತ್ತು ರೋಹಿತ್ ಕುಮಾರ್ ಭರ್ಜರಿ ಆಟ ಗಮನ ಸೆಳೆಯಿತು. ಪವನ್ 11, ರೋಹಿತ್ 9 ಅಂಕ ಸೇರಿಸಿ ತಂಡವನ್ನು ಬೆಂಬಲಿಸಿದರು. ಕಾಶಿಲಿಂಗ್ ಅವರ 5 ಅಂಕದ ಕೊಡುಗೆಯೂ ತಂಡಕ್ಕೆ ಬಲ ತುಂಬಿತು.
ಮಣೀಂದರ್ ಹೀರೋ
ಈ ಸೋಲಿನ ಬಳಿಕವೂ ಬಿ ಝೋನ್ನಲ್ಲಿರುವ ಬೆಂಗಳೂರು ಅಂಕಪಟ್ಟಿಯ ಅಗ್ರ ಸ್ಥಾನದಲ್ಲಿ ಮುಂದುವರೆದಿದೆ. 41 ಪಾಯಿಂಟ್ಗಳಿಂದ ಬೆಂಗಳೂರು ಮೊದಲ ಸ್ಥಾನದಲ್ಲಿದ್ದರೆ, 38 ಅಂಕ ಕಲೆ ಹಾಕಿರುವ ಪಾಟ್ನಾ ಪೈರೇಟ್ಸ್ ದ್ವಿತೀಯ ಸ್ಥಾನದಲ್ಲಿ, ಬೆಂಗಾಲ್ ವಾರಿಯರ್ಸ್ (37 ಅಂಕ) ತೃತೀಯ ಸ್ಥಾನದಲ್ಲಿದೆ.
ಮುಂಚೂಣಿಯಲ್ಲಿ ಗುಜರಾತ್
ಝೋನ್ ಎ ಯಲ್ಲಿ ಮೊದಲ ಸ್ಥಾನದಲ್ಲಿದ್ದ ಮುಂಬೈಯನ್ನು ಗುಜರಾತ್ ಫಾರ್ಚೂನ್ ಜೈಂಟ್ಸ್ ಕೆಳಗಿಳಿಸಿ ಅಗ್ರ ಸ್ಥಾನ ಅಲಂಕರಿಸಿದೆ. ಫಾರ್ಚೂನ್ ಜೈಂಟ್ಸ್ 58 ಅಂಕ ಗಳಿಸಿದ್ದರೆ, ಮುಂಬೈ 57 ಅಂಕಗಳಿಂದ ದ್ವಿತೀಯ ಸ್ಥಾನದಲ್ಲಿದೆ. ಪುಣೇರಿ ಪಲ್ಟಾನ್ ಗೆ ಮೂರನೇ ಸ್ಥಾನ (42 ಅಂಕ).