ಎಲ್ಲಾ ತಂಡಗಳಲ್ಲೂ ಮಿಂಚು
ಭಾರತ ಎ, ಡೆಲ್ಲಿ ಡೇರ್ ಡೆವಿಲ್ಸ್, ಭಾರತ ಅಂಡರ್ 19, ಮುಂಬೈ ಅಂಡರ್-14, 16, 19 ತಂಡಗಳ ಪರ ಆಡಿದ್ದ ಬಲ ಗೈ ಬ್ಯಾಟ್ಸ್ಮನ್ ಪೃಥ್ವಿ, ಪ್ರತಿನಿಧಿಸಿದ್ದ ಎಲ್ಲಾ ತಂಡಗಳಲ್ಲೂ ಆರಂಭಿಕರಾಗಿ ಮಿಂಚಿದ್ದರು. ಗುಜರಾತ್ ನ ರಾಜ್ ಕೋಟ್ ನಲ್ಲಿ ಪಾದಾರ್ಪಣೆಯ ಅಂತಾರಾಷ್ಟ್ರೀಯ ಟೆಸ್ಟ್ ನಲ್ಲಿ ವಿಂಡೀಸ್ ಎದುರು 134 ರನ್ ಬಾರಿಸಿದ್ದರು.
1,418 ರನ್
ಪ್ರಥಮ ದರ್ಜೆ ಕ್ರಿಕೆಟ್ ನಲ್ಲಿ 14 ಪಂದ್ಯಗಳಲ್ಲಿ 1,418 ಸಾಧನೆ ಹೊಂದಿರುವ ಪೃಥ್ವಿ 188 ಅಧಿಕ ರನ್ ನೊಂದಿಗೆ 76.69 ಬ್ಯಾಟಿಂಗ್ ಸ್ಟೈಕ್ ರೇಟ್ ಹೊಂದಿದ್ದಾರೆ. 7 ಶತಕ, 5 ಅರ್ಧ ಶತಕಗಳನ್ನು ಮಾಡಿದ್ದಾರೆ. ಅದೇ ಟಿ20ಯಲ್ಲಿ 9 ಪಂದ್ಯಗಳಿಂದ 245 ರನ್ ಸಾಧನೆ ಮಾಡಿದ್ದಾರೆ.
18ರಲ್ಲಿ ಐದನೆಯವ
18ರ ಹರೆಯದವರಾಗಿರುವ ಮಹಾರಾಷ್ಟ್ರದ ಆಟಗಾರ ಪೃಥ್ವಿ, ಟೆಸ್ಟ್ ಶತಕ ಗಳಿಸಿದ ಎರಡನೇ ಕಿರಿಯ ಭಾರತೀಯ ಕೀರ್ತಿಗೂ ಪಾತ್ರರಾಗಿದ್ದಾರೆ. 18ನೇ ಹರೆಯದವರಾಗಿ ಚೊಚ್ಚಲ ಅಂತಾರಾಷ್ಟ್ರೀಯ ಟೆಸ್ಟ್ ಆಡಿದ ಭಾರತದ ಐದನೇ ಬ್ಯಾಟ್ಸ್ಮನ್ ಆಗಿ ಪೃಥ್ವಿ ಗುರುತಿಸಿಕೊಂಡಿದ್ದಾರೆ. ಈ ಸಾಲಿನಲ್ಲಿ ಮಿಲ್ಖಾ ಸಿಂಗ್ (1960), ಬಿಎಸ್ ಚಂದ್ರಶೇಖರ್ (1964), ಇಶಾಂತ್ ಶರ್ಮಾ (2007), ರವಿ ಶಾಸ್ತ್ರಿ (1981), ಚೇತನ್ ಶರ್ಮಾ (1984) ಇದ್ದಾರೆ.
ಭರ್ಜರಿ 261 ರನ್
ಐಸಿಸಿ ಅಂಡರ್-19 ವರ್ಲ್ಡ್ ಕಪ್ ನಲ್ಲಿ ಭಾರತ ತಂಡ ಆಸ್ಟ್ರೇಲಿಯಾ ವಿರುದ್ಧ 8 ಭರ್ಜರಿ ಜಯ ಸಾಧಿಸಿತ್ತು. ಟೂರ್ನಿಯಲ್ಲಿ ಪೃಥ್ವಿ ಬರೋಬ್ಬರಿ 261 (94, 57, 40, 41, 29) ರನ್ ಕಲೆ ಹಾಕಿದ್ದರು. ಈ ವೇಳೆ ಪೃಥ್ವಿ ಎಲ್ಲಾ ಕ್ರಿಕೆಟ್ ಪ್ರೇಮಿಗಳ ಗಮನ ಸೆಳೆದಿದ್ದರು.
ತಲೆ ಕೆಡಿಸಿಕೊಳ್ಳೋಲ್ಲ
ತನ್ನ ಬ್ಯಾಟಿಂಗ್ ಗುಟ್ಟನ್ನು ಬಿಚ್ಚಿಟ್ಟಿದ್ದ ಪೃಥ್ವಿ, 'ನಾನು ಬ್ಯಾಟಿಂಗ್ ಗೆ ಹೋಗುವಾಗ ಖಾಲಿ ತಲೆಯೊಂದಿಗೆ ಹೋಗುತ್ತೇನೆ. ಯಾವತ್ತೂ ನಾನು ಮುಂಚಿತವಾಗಿ ಯೋಜನೆ ಹಾಕಿಕೊಳ್ಳುವ ಗೋಜಿಗೆ ಹೋಗೋಲ್ಲ. ಆದರೆ ಬ್ಯಾಟ್ ಕೈಗೆತ್ತಿಕೊಂಡ ಮೇಲೆ ವಿಕೆಟ್ ಗಮನಿಸುತ್ತೇನೆ. ಅನಂತರ ಎಸೆತ ಗಮನಿಸಿ ಅದಕ್ಕೆ ತಕ್ಹಾಗೆ ಆಡುತ್ತಾ ಹೋಗುತ್ತೇನೆ' ಎಂದಿದ್ದರು.