ಕರಾಚಿ: ಕರಾಚಿಯ ನ್ಯಾಷನಲ್ ಸ್ಟೇಡಿಯಂನಲ್ಲಿ ನಡೆದ ಪಾಕಿಸ್ತಾನ್ ಸೂಪರ್ ಲೀಗ್ (ಪಿಎಸ್ಎಲ್) ಪಂದ್ಯದಲ್ಲಿ ಒಂದು ಗಮ್ಮತ್ತಿನ ದೃಶ್ಯ ಕಾಣಸಿಕ್ಕಿದೆ. ಪಂದ್ಯವೊಂದರ ವೇಳೆ ಮೈದಾನದಲ್ಲಿ ಅಂಪೈರ್ ಒಬ್ಬರು ತಾವಿತ್ತ ತೀರ್ಪನ್ನು ಸಂಭ್ರಮಿಸಿದ್ದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ನಾವು ಮೈದಾನದಲ್ಲಿ ಆಟಗಾರರು ಸಂಭ್ರಮಿಸೋದನ್ನು ನೋಡಿದ್ದೇವೆ. ಆದರೆ ಅಂಪೈರ್ ಸಂಭ್ರಮಿಸಿದ್ದು ವಿಶೇಷವಲ್ಲವೆ?
'ನರೇಂದ್ರ ಮೋದಿ ಸ್ಟೇಡಿಯಂ'ಗೆ ಅಪಸ್ವರ: ಜೋ ರೂಟ್ ಹೇಳಿದ್ದೇನು ಗೊತ್ತಾ?!
ಪಿಎಸ್ಎಲ್ 6ನೇ ಪಂದ್ಯದಲ್ಲಿ ಕರಾಚಿ ಕಿಂಗ್ಸ್ ಮತ್ತು ಇಸ್ಲಮಾಬಾದ್ ಯುನೈಟೆಡ್ ತಂಡಗಳು ಮುಖಾಮುಖಿಯಾಗಿದ್ದವು. ಪಂದ್ಯದಲ್ಲಿ ಇಸ್ಲಮಾಬಾದ್ ಯುನೈಟೆಡ್ ತಂಡ 5 ವಿಕೆಟ್ ಗೆಲುವನ್ನಾಚರಿಸಿತ್ತು. ಪಂದ್ಯದ ಕೊನೇ ಕ್ಷಣದಲ್ಲಿ ಆನ್ ಫೀಲ್ಡ್ ಅಂಪೈರ್ ಅಲೀಮ್ ದಾರ್ ಸಂಭ್ರಮಿಸಿದ್ದು ಕಾಣಸಿಕ್ಕಿತ್ತು.
ಅದ್ಭುತ ಪ್ರದರ್ಶನದ ಹಿಂದಿನ ಗುಟ್ಟು ಬಿಚ್ಚಿಟ್ಟ ರವಿಚಂದ್ರನ್ ಅಶ್ವಿನ್
ಪಂದ್ಯದ ಕೊನೇ ಕ್ಷಣದಲ್ಲಿ ಇಸ್ಲಮಾಬಾದ್ನ ಬ್ಯಾಟ್ಸ್ಮನ್ ಆಸಿಫ್ ಅಲಿ ಸಿಂಗಲ್ ರನ್ಗೆ ಯತ್ನಿಸುವಾಗ ಪ್ಯಾಡ್ಗೆ ಬ್ಯಾಟ್ ಹೊಡೆದು ಸಿಂಗಲ್ ಓಡಿದ್ದರು. ಕರಾಚಿ ಕಿಂಗ್ಸ್ ಅಪೀಲ್ ಮಾಡಿದಾಗ ಅಲೀಮ್ ಅವರು ನಾಟ್ ಔಟ್ ತೀರ್ಪು ನೀಡಿದರು. ಇಸ್ಲಮಾಬಾದ್ ಗೆಲುವಿನ ಸಂಭ್ರಮಾಚರಿಸುತ್ತಿರುವಾಗಲೇ ಕರಾಚಿ ಕಿಂಗ್ಸ್ ಡಿಆರ್ಎಸ್ಗೆ ಕೋರಿಕೊಂಡಿತು.
Aleem Dar Thug Life Moment at the End when they lost the review 🤣🤣🤣 pic.twitter.com/boldCdV4S7
— Taimoor Zaman (@taimoorze) February 24, 2021
ಡಿಆರ್ಎಸ್ ವೇಳೆ ಆಸಿಫ್ಗೆ ಅಲೀಮ್ ನೀಡಿದ್ದ ನಾಟ್ಔಟ್ ತೀರ್ಪು ಸರಿಯೆಂದು ನಿರ್ಧರಿಸಲಾಯ್ತು. ಹೀಗಾಗಿ ತಾನಿತ್ತ ತೀರ್ಪು ಸರಿಯೆಂದು ಕಂಡು ಬರುತ್ತಲೇ ದಾರ್ ಅವರು ಸಂಭ್ರಮಾಚರಿಸಿದ್ದರು. ಇತ್ತ ಇಸ್ಲಮಾಬಾದ್ ತಂಡ ಕೂಡ ಪಂದ್ಯ ಗೆದ್ದ ಖುಷಿಯಲ್ಲಿತ್ತು. ಅಂದ್ಹಾಗೆ ದಾರ್ ಇದೇ ಟೂರ್ನಿಯಲ್ಲಿ ಅಂಪೈರಿಂಗ್ನಲ್ಲಿ ಎಡವಿದ್ದರು. ಹೀಗಾಗಿ ಈ ಬಾರಿ ತೀರ್ಪು ಸರಿಯಾಗಿದ್ದು ಅವರಿಗೆ ಹೆಚ್ಚು ಖುಷಿ ನೀಡಿತ್ತು.